Zasua 5:1 - Yálá laawoo hɛɓɛ (dc)

¹ Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Yálá laawoo hɛɓɛ

¹ Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Bible

¹ Amɔra kaloŋ-ŋai kɛ̀ Zɔdiŋ Ya-leei pôlu vóloi liî-pere da Keena kaloŋ-ŋai kɛ̀ Mɛditɛrenia Yuoi kpono ma pere kɛ́ɛ da mɛni a gɛ́ɛ Yâwɛɛ a Zɔdiŋ Ya-leei kpála Eezuɛ-ŋai pere da tɛɛ naai, dí yao kpɔ́ a ŋ̀ánaa. Dílii fé ŋɔ́nɔ wɔ́lɔ kpele ní Eezuɛ-ŋai dîa.

Zasua 5:1 ပူးပေါင်းရင်းမြစ်များ

Zɛnɛse 12:6

Abramə ə nɔi tii hu ɓɔ, ə li ɓɛi ŋɛ̨i a More ɲeeɠaa ɓa, Sisɛmə daai. Kanaan nuą ɓə ni kɛ heeni nɔi tii hu.

Zɛnɛse 48:22

Ɉosɛfə! Gáá ə kɔ́i kɛnɛ̨ ŋį́ dɛɛ ə́ liɛni diɛ. Gáá Sisɛmə lɔi tɛɛi ə́ pɔ, ɓɛi ŋį́ nąą hɔlɔɓo a nwɔ́ ɓɔwai da nwɔ́ kilɛn Amɔrə nuą yəi.»

Samia Veerɛi 21:2

Tɔɔmun ə Gabaɔn nuą təli, ə gɛ, da diɛni di heei ə kɛ tɔ̨nɔ̨, di mɛ̨nį ta ɓo mɛ̨nįi tii hu. Gabaɔn nuą di hvo kɛ a Israɛlə nu huwu ta. Kɛlaa, di kɛ a Amɔrə nu huwu gbəliɠaai lɛɛ, diɛi wɔlɔ da Israɛlə nuą di mįnɛ̨ həɠə, diɛ kɛ di hva di paa. Pələi mąn ə kɛ la tii, Israɛlə nuą da Ɉuda nuą di mąą mɛ̨nį nwąną pələ kɛ Saulə yəi, ə kɛi Gabaɔn nuą paa.

Tɔɔɓɛlaa dɔlɔɔ 10:5

da kɔ̨nɔ̨n di kɛi ɉee nííla, ɲee pɔ nuą yii pɛlɛ́, ɲəi bɛlɛ́n gɔ̨nɔ̨n gɛ nuą kɛ pələ, da di mąą həɠəɠaa, nɔɔ mɛ̨nį ɲɛ̨i kulɔ nuą, haláái da gəlee kələn, yai ə kɛi gulɔ Yai-Laa yəi bɛlɛ́n, yili kəlee di nɛ̨ɛ̨nui tii, hvinnatɔn, hvo kpɛli pɛli vaa pələ kaai.

Ɛsdrasə 9:1

Mɛ̨nįɠaai tii kəlee tɛɛ pulu, bɛlɛ nąmįną di pa, diɛ mą́ą́: «Israɛlə lonnii, ɉaláá laa həli nuą, da Levi huwuhu nuą, da nɔi nuą daa kɛ tɔ̨nɔ̨, diɛ ɓaa: Kanaan nuą, Hɛtə nuą, Perizi nuą, Ɉebusə nuą, Amɔn nuą, Moabə nuą, Eziptə nuą, da Amɔrə nuą, da diɛni diɛ Yálá nwąną kala.

Mąątɛ̨nɛ̨ 135:11

Sihɔn ka, yai kɛ a Amɔrə tɔɔmun, Ogə ka, yai kɛ a Basan tɔɔmun, ɛlɛɛ, Kanaan tɔɔɓɛlaa kəlee.

Lɛɛ gbɔwɔ ɓa 23:28

Gáá pai kwɛinŋaa tɔɔi di li, di Hivi nuą Kanaan nuą da Hɛtə nuą kpɛ ka tɔwɔ.

Azaya 41:5

Gboloyá hɛ̨ąi lɔiɠaa da gaa, diɛ ɲɔw, lɔi kpon ɉeei yɛ kpɛlin, da di ɲɛ̨i hee mą, diɛ nąą mąąkpɛɛ, diɛ kɛ ɉuwu ɉuwu.

Izikiɛ 16:3

'Kɛ́ diɛ: mɛ̨nįi Yai-Laa, gu wɔ Yálá kaa moi Ɉerusalɛmə ɓa, ya ka: ə́ huwu mɛ̨nį hu, da ə́ káá pələ hu, Kanaan lɔi kaa a ə́ kalaɓɔlɔ ni di wɔ lɔi; ə́ nąn ə kɛ a Amɔrə mun, ə́ lee ə ɓo a Hɛtə nɛ̨ɛ̨nu.

Izikiɛ 21:7

«Hulonu lon, ə́ ɲɛ̨́i hąŋąn Ɉerusalɛmə pələ; haŋą ɉaláá kulɔiɠaa diɛ; 'gwə́i mɛ̨nį hukulɔ Israɛlə lɔi ɓa:

Danîa 5:6

Nąąlɔwai, tɔɔmun maa ə kpɛli, gwəi ə pili mą, ə ɲɔw kpɔ kɛnɛ̨, ɉu ə haa, maa yɛ kpɛlin, gbəlin yɛ kɛlɛ gee hu.

Amɔsə 2:9

Kɛlaa, ɲą́ą́ ɓə Amɔrə nuą kpɛ di pɔ lɔi, diɛi tii di hee laa. Nuąi tii kwɛa pələ ə kɛ yɛ kpitili, di walawala kpɔ yɛ hɛan. Ŋą́ di ɓa pola di ŋą, ŋį́ di hamu tee di mu.

Lonon mo 13:29

Amalɛkə lonnii ɓə heeni ɉɛɠɛɛ pələ, Hɛtə nuą, Ɉebusə nuą da Amɔrə nuą di kaa heeni ɲee lɔi hu pələ. Kanaan nuą leeleeɠaa di kaa heeni gboloyá kwɛlɛ, da Ɉurdɛn ɲá ɓɛlaaŋąą pɔ.

Zasua 17:12

Kɛlaa, yɛ bələi Manase lonnii di yee hvo pɛli la daaɠaai tii kəlee diɛ, yili ɓə gɛ Kanaan nuą diɛ lɛɛ hee ni nɔi.

Zasua 17:18

Kɛlaa, ɲee ɓa lɔwɔɠaai tii kəlee kaa a ka wɔɔ, ka gəlee mɛ̨i yali, ə lɛɛ ka yəi, ka Kanaan nuąi tii kpɛ laa nɔi, pələi mąn kwɛli wotolo kaa la di yəi, ə lɛɛ di hvaŋą kɛnɛ̨ɛ̨.»

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Zasua 3:17

Ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi, di kɛ tɔɔni ɲá kɔ́w ɓa, Ɉurdɛn hąąi, ɲá hvo kɛa kɛ laa. Nąąlɔwai, Israɛlə nuą kəlee di ɲá teen kpɔ tɛ̨ɛ̨tɛ̨ɛ̨? Di kɔ́wɔ mąą kpalaa. Yili pulu ɓə ɉaláá laa həli nuą di ɲa teen na.

M̀ɛni-lɛɛi 18:10

Di kaa pai tɔɔi kwɛaa la, diɛ ɲɔw ŋą mɔ̨nɔ̨i tii ɓa: «Ee kə kpalo! Ə kə gbalo kɛnɛ̨! Oo kə, daa-lee kɛnɛ̨ɛ̨ kɛ, Babilonə, taalee hvaŋą kɛnɛ̨ɛ̨i kɛ, lɛɛlɛ tanɔ̨n gbən yee mu lɔ ɓə di giti tee la!»

Nwun mąąɓo 1:1

Ɉosue haa pulu, Israɛlə nuą di Yai-Laa mąąni kɛ, diɛ mą: «Ku lɔwai, bɛlɛ́ nɛlɛ ɓə pai tɔɔi ku tɔwɔ, kuɔ li pɛlɛi Kanaan nuą diɛ?»

Nwun mąąɓo 11:23

Yiihu, yɛ bələi ŋɛ̨i Yai-Laa ku wɔ Yálái ə nɔi tii tɛɛ la nwɔ nuą pɔ, yai a Amɔrə lɔi, yaa ɓə yɛ́ ə́ ɉəɠə?

Nwun mąąɓo 3:3

Nu huwuɠaai tii laa ka: Filisti tɔɔɓɛlaa lɔɔli, Kanaan nuą, ɛlɛɛ, Sidɔn nuą, Hivi nuą, diɛ kɛ di heɛ Liban ɲeeɠaa ɓa, ə həɠə Baalə-Hɛrmɔn ɲee ɓa, ə həli la Lebo-Hamatə ɓa.

Nwun mąąɓo 4:2

Yai-Laa ə di too Kanaan tɔɔmun Yavimə yəi ŋą, yili ə kɛ heeni Hasɔrə. Nwɔ kɔlaɠa nwun nąmu ɓa kɛ a Sisera, kɛlaa, yili ə kɛ heeni Harosɛtə-Goimə.

Samuɛlə dɔlɔɔ 25:37

Yələ ɓɔɔ, yələ wala pɔ nɔɔ təɠɛɛ kɛa Navalə ɲɛ̨i, mɛ̨nį tɛɛ, nɛ̨ą ə ɉukulɔ mą. Ə kɛ lɔ tii, Navalə nii a gbəla ə tɔɔ gwəi, ɉu ə yili lɔ tin a ɲɔw.