Zasua 4:9 - Yálá laawoo hɛɓɛ (dc)

⁹ Ɉosue ə kwɛni kpuwulu pow kɔ́w hveelɛ kpɔn gee ɓa Ɉurdɛn hąąi ɓɛi tii mįnɛ̨ kəhi həɠə nuą kɔ́wɔ ə kɛ laa hvilɛn ni, háá ɓaa háá, di kaa ni laa.

Yálá laawoo hɛɓɛ

⁹ Ɉosue ə kwɛni kpuwulu pow kɔ́w hveelɛ kpɔn gee ɓa Ɉurdɛn hąąi ɓɛi tii mįnɛ̨ kəhi həɠə nuą kɔ́wɔ ə kɛ laa hvilɛn ni, háá ɓaa háá, di kaa ni laa.

Bible

⁹ Zasua è ŋɔ́nɔ gɛ̀ ǹûai dí kɔni pu káo feerɛ tɔ́ɔ Zɔdiŋ Ya-leei sáma ƃɛ́i zâla-laa soŋ-ƃelai kɛ lii a góno-tee gãlai, díkɛ, tɔɔni naai. Gɔni-ŋai ŋí dí lɛ̀ɛ naa é lɛ̀ɛ la zu dí gɔlɔi ŋí pɔ̃yɛ,

Zasua 4:9 ပူးပေါင်းရင်းမြစ်များ

Zɛnɛse 26:33

Isaakə ə ɲálɔwai tii laa hee a: «Sivea.» Yili ɓə gɛ, háá ɓa háá, da kɛ daai tii laa ɓaa: Beɛrə-Seva, mukulaa ɓaa: «mįnɛ̨ həɠə yálɔwa.»

Zɛnɛse 28:18

Ɉakɔbə ə muhəɠə yələwala pinɛ̨ɛ̨, gwɛni ŋɛ̨i ə naa nwun mu, ə ɉaŋą ə dɔɔ, ə wulɔ pu nwuɔ̨, ə gɛ a nąą kɔ́lɔn ɉɛn.

Samia Veerɛi 4:3

Beerotə nuą di pu, də li Gitaimə di hee laa, di kaa nii laa, ə mą kɛ háákələi hvóló mu.

Tɔɔɓɛlaa dɔlɔɔ 18:31

Ə kwɛni pow kɔ́w hveelɛ laa laa, yɛ bələi Israɛlə nu huwu hee kpəlin na kaa la a Ɉakɔbə lonnii, yai Yai-Laa ə kɛ mą: «Di kaa pai kɛi ə́ laa ɓaa Israɛlə.»

Kɔlɔnikɔ Veerɛi 5:9

Gbɔnŋąą tii kwɛa pələ, nu a pɛli kɛ lɛɛi gɛɛnąą mąąhəɠɛɛ ɓa yɛ nwun gaa bɛlɛ mąąhəɠɛɛ laaləi, kɛlaa, nu hvo kɛi lɛɛ ɲɛ̨nɛ̨ɛ̨ pələ yɛ di kaa, di lɔ nii laa ə mą kɛ háákələi.

Lɛɛ gbɔwɔ ɓa 24:12

Yai-Laa yɛ Moisə ɓa: «'Tɛ́ bɔ́ pələ, ɲee nwuɔ̨, ə́ lɛɛ laa ŋį́ gwɛni ɓɛlaɠaa tɛɛ ə́ pɔ. Diɛ ɓaa Dɔ́n nwoo da díɓoɠaai ŋį́ di pɛ̨ɛ̨, yɛ́ pɛli nuą mąąkwɛlii mą.»

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

Maafîu 27:8

Yili ɓə gɛ gɛɛnąą tii di ɲa, di nąą laa hee a: ɲąmą lɔi naa tii ɓə ma, ə mą kɛ háákələi.

Maafîu 28:15

Ɉolahiɠaa diɛ kpɛli di nwali hon, əlɛɛ, pələi tii di mo la diɛ, di gɛ tii. Mɛ̨nįi tii bələ ə taɠa-taɠa Ɉuifəɠaa lɔwai, hááɓa-háá bələ kaa nii mą.

Dutɛrɔnome 34:6

Ə Moisə powa loo laa Moabə lɔi moloon ɉu, Bɛtə-Peɔrə tənən ma. Nu ta hvo gámą kɛi kɔ́lɔn háá ɓa háá.

Zasua 24:26

Ɉosue ə nwooɠaa tii pɛ̨ɛ̨ Yálá nwɔ tɔ́n ɉɛɓɛ́i hu, yili pulu, ə kwɛni kpuwulu kɛnɛ̨ həɠə, ə dɔɔ gɛɛnąą tii ɓa, nwulu kɛnɛ̨i tii di kɛi Yai-Laa mąąwiɛ gɔwɔ la, mu.

Zasua 4:10

Ɉaláá laa həli nuąi ŋɛ̨i mįnɛ̨ kəhi ə kɛ di yəi, di tɔɔ Ɉurdɛn yá hąą, mɛ̨nį ŋɛ̨i Yai-Laa ə mo Ɉosue ɓa, yɛ mo Israɛlə nuą diɛ, di nąą hvɛɛ. Yɛ bələi Moisə ə mo la Ɉosue ɓa; Israɛlə nuą kəlee di di mąąhulɔ, di ɲá teen.

Nwun mąąɓo 1:26

Ɉulɔnui tii ə li Hɛtə lɔi hu, ə taa pu laa, ə naa hee a Luzə, naa lɔ li, ə mą kɛ háákələi.

Samuɛlə dɔlɔɔ 30:25

Ə həɠə ɲələi tii ɓa, ə yili kɛ a Israɛlə nwɔ tɔ́n da ɉiɛ pələ ta ə lɛɛ, gaa nii mą, ə mą kɛ yiihu.

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»