Zasua 3:8 - Yálá laawoo hɛɓɛ (dc)

⁸ Yii mąąnɛ̨ɛ̨ ə́ mo ɉaláá laa həli nuą diɛ, diɛi gəhi kaa di yəi; ya ka: ‹Ɓɛlɔwai ka káá pai həlii la Ɉurdɛn yá kwɛlɛ, ka tɔɔ ɲái.›»

Yálá laawoo hɛɓɛ

⁸ Yii mąąnɛ̨ɛ̨ ə́ mo ɉaláá laa həli nuą diɛ, diɛi gəhi kaa di yəi; ya ka: ‹Ɓɛlɔwai ka káá pai həlii la Ɉurdɛn yá kwɛlɛ, ka tɔɔ ɲái.›»

Bible

⁸ M̀ɛni ma, m̀ó zâla láa soŋ-ƃelai dîa liî a gono-têe gãlai yɛ̂ɛ dîa, ‘Kà lì Zɔdiŋ Ya-leei lá, ka pîlaŋ ǹyái su ká tɔ́ɔ naa.’ ”

Zasua 3:8 ပူးပေါင်းရင်းမြစ်များ

Tɔɔɓɛlaa veelɛ 2:6

Eli yɛ Elise ɓa: «Elise, nɛ̨ɛ̨mąą ɓə gáá vəi yɛ́, lɛɛ ɓɛ, mąąhɔlɔɓo, Yai-Laa aa dɔ́ɔ́ Ɉurdɛn kwɛlɛ.» Elise yɛ mą: «Yii kpɔ Yai-Laa kaa vulú, yɛ́ ɓo a ə́ hvulú, ŋą́ą́ gwɛ́la gɛ́, vá həɠə ə́ pulu.» Da lɛɛ di kee pɔ də li Ɉurdɛn kwɛlɛ.

Kɔlɔnikɔ Veerɛi 29:15

Di di nąn nonnii ɲąą kpɔn, di di kpɔwɔ mąąhəɠə, ɛlɛɛ di pa, yɛ bələi tɔɔmun ə mo la, yɛ bələi Yai-Laa ə mo la, di Yai-Laa ŋą pɛlɛ́i mąąhəɠə.

Kɔlɔnikɔ Veerɛi 29:27

Ezekiasə ə mo, di ɉaláá hɛn gələn Yálá kɔ́i. Di di yee pɛlɛ lɔ ɉaláá kulaa ɓa, diɛ Yai-Laa mąątɛ̨nɛ̨ wələ too, diɛ túlu hvɛɛ, diɛ muhee a Israɛlə tɔɔmun Davidə nwɔ hvɛli kɛ hɛnŋąąi.

Kɔlɔnikɔ Veerɛi 29:30

Yili pulu, tɔɔmun da galanɉonŋąą di mo Levi lonnii diɛ, di Yai-Laa mąątɛ̨nɛ̨ a Davidə nwɔ wələɠaai Asafə nwɔ wələɠaa, da gɛɛ kaamun nwɔ wələɠaai. Di mąątɛ̨nɛ̨ kpɔ a di kwəinɛ̨ɛ̨, yili pulu, di pu di kpəlin na di gwɛli hvilɛn.

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Nehemi 13:22

Yili pulu, ŋį́ mo Levi huwuhu nuą diɛ, gɛ́ diɛ, di di mąąhəɠə, ə gɛ, di pa, di di ɲɛ̨i kɛ Yálá nwɔ pɛ́lɛ́i laaləi, di túwɔ́ lɔwɔ mąąhəɠə. «Yili mąą mɛ̨nį ɓa, nwɔ́ Yálá, ə́ wɔ tələnmolaa hu, ə́ kili lɛɛ ɉú, ə́ ɲɛ̨́i mąąwɛli kaa.»

Nehemi 13:28

Ɛliasivə ŋɛ̨i kɛ a ɉaláá laa həli mun gɛnɛ̨, non Yoyada lon ɉulɔnu ta, ə Sanbalatə Horɔn mun lon nɛ̨ɛ̨nu ta həɠə a nɛ̨ą, ŋį́ gbɛ, ə həɠə gwɛ́lɛ.

Lɛɛ gbɔwɔ ɓa 14:13

Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Zasua 3:17

Ɉaláá laa həli nuą ŋɛ̨i Yai-Laa nwɔ mįnɛ̨ kəhi ə kɛ di yəi, di kɛ tɔɔni ɲá kɔ́w ɓa, Ɉurdɛn hąąi, ɲá hvo kɛa kɛ laa. Nąąlɔwai, Israɛlə nuą kəlee di ɲá teen kpɔ tɛ̨ɛ̨tɛ̨ɛ̨? Di kɔ́wɔ mąą kpalaa. Yili pulu ɓə ɉaláá laa həli nuą di ɲa teen na.

Zasua 3:3

diɛ di liɛwoo ɓo, diɛ kɛ diɛ: «Ɓɛlɔwai ka káá pai Yai-Laa gu wɔ Yálá nwɔ mįnɛ̨ kəhi kaai la, ɉaláá laa həli nuą a Levi lonnii di nwuɔ̨, ka ka muhəɠə nąąlɔwai ka hvilɛn di pulu.

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zasua 3:9

Ɉosue yɛ Israɛlə lonnii diɛ: «'Ka lɛɠɛ ɓɛ, mɛ̨nįi Yai-Laa ka wɔ Yálái kaa moi, ka mɛ̨n.»

Zasua 4:11

Ɓɛlɔwai nuą kəlee di ɲá teen na, ɉaláá laa həli nuą di tɛɛ nuą tɔwɔ a mįnɛ̨ kəhi.