Zasua 3:16 - Yálá laawoo hɛɓɛ (dc)

¹⁶ nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Yálá laawoo hɛɓɛ

¹⁶ nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Bible

¹⁶ ǹyai è kpèra Ɣilînii. Ǹyai nyíi-ŋai kɛ̀ kulai Zɔ̂díŋ Ya-leei ŋûa-perei è tɔɔ yɛ̂ɛ pɛ́rɛ kâŋ ƃé kwaa kôyaa ma kɛ́ɛ yɛ̂ɛ Adaŋ daa-lêei nyíi gáa Zaretaŋ kɔlɛ mai. Ǹyaŋ nyíi kɛ́ yeniî Ǹyúo Saai ma perei, è kpèra Ɣilînii. È kɛ̀ tí, ǹûai dí tɛ̀ɛ Zɛleko kɔlɛ ma.

Zasua 3:16 ပူးပေါင်းရင်းမြစ်များ

Zɛnɛse 14:3

Di di ŋąąkpɔn Sidimə nɛ̨ŋɛ̨ lɔi hu, gboloyá kwɛlɛ.

Tɔɔɓɛlaa dɔlɔɔ 4:12

Ahiludə lon Baana ɓə kɛ, Taanakə da Megido ɛlɛɛ Bɛtə-Sean lɔi kəlee, yai kɛ Sartan kwɛlɛ Izreɛlə lɔi kɔ́wɔ mu. Ə həɠə Bɛtə-Sean ə həli Avɛlə-Mehola, yɛ li kpɔ Yokmoamə pulu.

Tɔɔɓɛlaa dɔlɔɔ 7:46

Di mala kwɛliɠaa tii kəlee pu Ɉurdɛn kwɛlɛ, ɓɛi da ɲá teen naa di kɔ́wɔ ŋą Sukotə da Sartan di lɔwai, ləɠi pɔlɔ hu.

Mąątɛ̨nɛ̨ 114:3

Yili nąą kaai gboloyá ə mo, ə tee di tɔwɔ, Ɉurdɛn yá ə pənə yɛ tɛ nwun ma pələ.

Mąątɛ̨nɛ̨ 114:5

Gboloyá, lə pu ɓə ə́ kaa moi? Ɉurdɛn, lə ɓə kɛ, yai ə́ kaa yalii ə́ kələn ma?

Mąątɛ̨nɛ̨ 29:10

Yai-Laa a heeɓolaa kɛ yánwąną mɛ̨i, Yai-Laa kaa a heeɓomun a yələ kəlee mɛ̨nį.

Mąątɛ̨nɛ̨ 33:7

Ə gboloyá pili gee mɛ̨i, ə ɲɛ̨n naa, ə gboloyáɠaa lɛɠɛ gee ɓa ɓoloon gbɛa kpɛaɠaa hu.

Mąątɛ̨nɛ̨ 66:6

Ə gboloyá mąą pɛ̨nɛ̨ a lɔi kpalan, nuą diɛ yálee təən, a di kɔ́wɔ mąą kpalaa, yili ɓa, 'ká gu mąą hɛli pu.

Mąątɛ̨nɛ̨ 74:15

Yɛ́ ɓə ya nwun gulɔiɠaa da tɛɛyaɠaa laa ɓo, yɛ́ ya kpɛa kpɛaɠaa hu kpala.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 78:13

Ə gboloyá ɓɛlaɓo ɉu hveelɛ, di tɛɛ ɉu; ə ɲáɠaa tɔɔ yɛ pɛlɛ́ nwąną.

Lɛɛ gbɔwɔ ɓa 14:21

Moisə ə ɲee haŋą gboloyá mɛ̨i, Yai-Laa ə ɓo hvaŋą kɛnɛ̨ ta ɓa, yɛ həɠə voló kulɔi pələ. Vaŋąi tii ə gboloyá ɓɛlaɓo ɉu hveelɛ a kpinį, di tɛɛ pələ hu ə kpala.

Lɛɛ gbɔwɔ ɓa 14:22

Israɛlə lonnii di gboloyá teen a di kɔ́wɔ mąą kpalaa, gboloyá tɔɔ di yee kəlee hu yɛ hįi.

Lɛɛ gbɔwɔ ɓa 14:29

Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Lɛɛ gbɔwɔ ɓa 15:8

Ə́ hunwɔ̨i nɔ̨ɔ̨ a yáɠaa kpinįn gɛ, yáɠilin yɛ tɔɔ gee mɛ̨i, yɛ kpukpu, gboloyá kpon ɉu yɛ walawala.

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Izikiɛ 47:8

Yɛ mą́ą́: Ɲái ŋɛ̨i kaa li hvóló ɓɛlai pələ lɔi hu, yɛ yɛɛ Ɉurdɛn ɲa-ɓoloon bɔ lɔi hu, yɛ pu Gboloyá powa hu; a pa pui Gboloyá hu, gaa pai ɲá nɛ̨ɛ̨i.

Nahumə 1:4

A tómą gboloyá mɛ̨i, yili ə kpala, ə tɛɛ yaɠaa kpala. Basan da Karmɛlə da yohva, Liban lɔwɔ a yohva.

Habakukə 3:8

Yai-Laa, akɛti, ɲaleeɠaa ɓə ə́ líiholi? Akɛtii, ɲaleeɠaa ɓə ə́ lii kələn ɉi ə́ kwəi? Akɛtii, gboloyá ɓə ə́ lii kaa holii bɔ? Ya tɛ tulɔ kpilinin mɛ̨i, yɛ nuą kɛi tɛ wotolo hu, yɛ li a yɛ́ yeetɛɛmąą kɛi.

Lonon mo 34:3

«Ɉɛɠɛɛ pələ, ka ɲɛn gaa pai kɛi a Sin lɔi pun da Edɔmə lɔi; voló kulɔi pələ, ka ɲɛn gaa pai həɠəi Gboloyá Kponą ɉɛɠɛɛ pələ.

Dutɛrɔnome 1:1

Mɛ̨nįɠaai Moisə ə mo Israɛlə lonnii diɛ Ɉurdɛn yá pulu pələ, nɔi pun ɉu, Ɉurdɛn ɲá-ɓoloon bɔ, Sufə tənə ma; Paran da Tofɛlə Lavan Haserotə da Di-Zahavə di lɔwai, diɛ ka:

Dutɛrɔnome 3:17

Ɉurdɛn ə ɓo a di ɲɛ̨n voló həɠəi pələ, ə həɠə Kinerɛtə ɓa, ə həli la Ɉurdɛn ɲa-ɓoloon bɔ gboloyá ɓa, gboloyá kponą, Pisga yee kɔ́wɔ mu; ŋį́ nɔi yili tɛɛ Rubɛn da Gadə di huwu pɔ.

Zasua 12:3

Yili pulu Ɉurdɛn ɲá-ɓoloon bɔ lɔi, ə həli la Kinerotə gboloyá ɓa, ə həɠə nwɔ̨nɔ̨ voló ɓɛlai pələ ə li la Ɉurdɛn ɲá-ɓoloon bɔ gboloyá kponą ɓa voló ɓɛlai pələ, nu a kɛi li Bɛtə-Yesimotə pələ, ɛlɛɛ da ɉɛɠɛɛ pələ Pisga yee kɔ́wɔ mu.

Zasua 15:2

Ɉɛɠɛɛ pələ, di ɲɛn ə kɛi həɠə gboloyá kponą ɓa, ə həɠə ɓɛi tii gboloyá a lɔ laa nɔi hu, Negɛvə tənən ma,

Zasua 16:7

Yili pulu, ə kɛi yɛɛ, yɛ həɠə Yanoa, yɛ həli Atarotə da Naarata diɛ, yɛ hee Ɉeriko ɓa, yɛ li la Ɉurdɛn pɔ pələ.

Zasua 3:13

Ɓɛlɔwai lɔi kəlee Nąmu Yai-Laa nwɔ mįnɛ̨ kəhi həɠə nuą kɔ́wɔ kaa pai hvilɛn ɉii la ɲái, nąąlɔwai Ɉurdɛn yá a tee ɲələi pələ, ɉu a tee ɉu di tɔwɔ.»

Zasua 4:22

Bələi Israɛlə lonnii di Ɉurdɛn yá teen na a di kɔ́wɔ mąą kpalaa, ka bələ hukulɔ diɛ.

Zasua 5:1

Ɓɛlɔwai Amɔrə tɔɔɓɛlaai Ɉurdɛn pulu, voló tooi pələ, ə lɛɛ Kanaan tɔɔɓɛlaai heeni gboloyá kwɛlɛ di bələ mɛ̨n na, diɛ Yai-Laa ə Ɉurdɛn yá kpala Israɛlə lonnii tɔwɔ ə gɛ di ɲá teen, hvaŋą hvo kɛa lɛɛ di yəi, ɛlɛɛ di lii hvo kɛa kpələ tɔɔi Israɛlə lonnii tɔwɔ.

Nwun mąąɓo 7:22

Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.