Zasua 24:31 - Yálá laawoo hɛɓɛ (dc)

³¹ Ɉosue yíi hvóló kəlee hu, da galanɉonŋąą ŋɛ̨i lɛɛ Ɉosue pulu, Israɛlə ə lɛɛ Yai-Laa woo mu, mɛ̨nįɠaa kpɔ Yai-Laa ə gɛ Israɛlə mąą mɛ̨nį hu, di kɛ a gəlee kɔ́lɔn ŋąą.

Yálá laawoo hɛɓɛ

³¹ Ɉosue yíi hvóló kəlee hu, da galanɉonŋąą ŋɛ̨i lɛɛ Ɉosue pulu, Israɛlə ə lɛɛ Yai-Laa woo mu, mɛ̨nįɠaa kpɔ Yai-Laa ə gɛ Israɛlə mąą mɛ̨nį hu, di kɛ a gəlee kɔ́lɔn ŋąą.

Bible

³¹ Zasua kɛ́ɛ ɣele mai, Eezuɛ-ŋai kélee díkɛ̀ nɔ́ tíi kɛ̂i Yâwɛɛ mì. Zaá pôlu ma, ǹûai dí kɛ̀ nɔ́ niî tíi kɛ̂i Yâwɛɛ mì tãi ǹûai kɛ̀ a díi-ŋai kɔ́lɔŋɔɔ Yâwɛɛ è gɛ̀ Eezuɛ-ŋai dîɛi, dí kɛ̀ nîi la ɣele mai.

Zasua 24:31 ပူးပေါင်းရင်းမြစ်များ

Zɛnɛse 14:10

Ləɠi-pɔlɔ kulɔ lɔwa kpɛa kpɛa tamąą di kɛ Sidimə nɛ̨ŋɛ̨ lɔi hu. Sodomə da Gomorə tɔɔɓɛlaa di pu, di daɠaa paa, yiiɠaai lɛɛ də li, di di mąąkilɛ ɲeeɠaa ɓa.

Kɔlɔnikɔ Veerɛi 24:2

Ɉoasə ə túwɔ́ a ɉaŋąą Yai-Laa ɲɛ̨i ɓa, ɉaláá laa həli mun Yehoyada ŋą yɛnɛ̨ɛ̨ kəlee yee mu.

Kɔlɔnikɔ Veerɛi 34:33

Yili pulu, Ɉosiasə ə mąąluwu túwɔ́ɠaa tii kəlee kpɛɛ Israɛlə lɔi nąą kəlee. Nuąi kpɔ kɛ Israɛlə lɔi hu, ə kpala di la, diɛ tí di wɔɔ Yálái Yai-Laa ɓa. Ɉosiasə nwɔ yɛnɛ̨ɛ̨ kəlee yee mu, di hvo di pulu tɔɔ di nąnni di wɔɔ Yálái Yai-Laa.

Gɛlaɠaa 20:29

Gili kaa kpɔ ɉu, gɛ́, ŋą́ pa həɠəi ɓɛ, kwɛli kpəɠiɛɠaa kaa pai lɔi ká lɔwai, di hvo pai daatɛlɛɛɠaa ɲɛ̨imąąwɛli kaai.

Dutɛrɔnome 11:2

Mɛ̨nįɠaai Yai-Laa ka wɔ Yálái ə gɛ, gbaɠala kaa ka kəlee kaa, gɛnɛ̨ pələ, ɲee huwalawala pələ, ɲee kwɔnwɔ̨n ɉu hvaŋą kɛnɛ̨ pələ, gbaɠala hvo ka lonnii diɛ, di hvo mɛ̨nįɠaa tii ka gɔlɔn, di hvo da kaa, da nwɔ kpalo mɛ̨nįɠaa;

Dutɛrɔnome 11:7

Ka ɲɛ̨i ə tɔɔ Yai-Laa kɛ mɛ̨nį kɛnɛ̨ɠaa tii kəlee hu.

Dutɛrɔnome 31:13

Ɛlɛɛ, di lonnii tii gbaɠala hvo diɛ, di kaa pai bələ mɛ̨n ɉii, di Yai-Laa ka wɔ Yálá mąąwiɛ pələ mąąkwɛli, ka yíi hvóló kəlee hu, nɔi ŋɛ̨i ka káá lii heei ɉu Ɉurdɛn ya pulu.»

Dutɛrɔnome 31:29

Mąąhɔlɔɓo, gíli kaa ɉu, gɛ́ diɛ, ɉáá pulu, ka káá pai ka yee lɔi nɛ̨ŋɛ̨n mɛ̨nįɠaa hu, ɛlɛɛ, bələi ŋį́ nɛ kaa, kaa həɠə mɛ̨i. Ka wɔ yɛnɛ̨ɛ̨ dɔwɔ pələ, mɔ̨nɔ̨ɠaa kaa pai lɔi ka pɔ; mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka káá pai ka yee lɔi gɛɛ hu, kaa niikələn gwəi a ka túwɔ́ pələ ɲɔ̨nŋąą.»

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.

Nwun mąąɓo 2:6

Ɉosue ə nuą kəlee tɔɔ bələi, Israɛlə lonnii kəlee tɛitɛi di li, lɔi kɛ a di wɔ nąą, di hee laaɠaa.

Nwun mąąɓo 2:7

Ɉosue kɛɛni yɛnɛ̨ɛ̨, nɔi nuą kəlee di kɛi tí Yai-Laa ɓa, ɉaa pulu, galanɉonŋaai di ɲɛ̨i ə tɔɔ Yai-Laa kɛ mɛ̨nįɠaa hu, di wɔɔ yələi, Israɛlə lonni di kɛi lɔ ni tí Yai-Laa ɓa.