Zasua 23:9 - Yálá laawoo hɛɓɛ (dc)

⁹ Ka gɛ tii, nu huwu kpɛa-kpɛaa ŋɛ̨i di hvaŋą kɛnɛ̨ɛ̨, Yai-Laa aa di kpɛ ka tɔwɔ; ka hvo gaai, nu ta hvo pɛli li tɔɔi ka la aa lɛɛ ɉu háákələi aa həli.

Yálá laawoo hɛɓɛ

⁹ Ka gɛ tii, nu huwu kpɛa-kpɛaa ŋɛ̨i di hvaŋą kɛnɛ̨ɛ̨, Yai-Laa aa di kpɛ ka tɔwɔ; ka hvo gaai, nu ta hvo pɛli li tɔɔi ka la aa lɛɛ ɉu háákələi aa həli.

Bible

⁹ Yâwɛɛ è lɔii-ŋuŋ kpaya-kpaya wála-wâlaa-ŋa kpɛ̀ káŋɛi túɛ, ǹyaŋ díta fé pɔri ní kɛ̀ tɔɔ̂i káŋɛ́i túɛ.

Zasua 23:9 ပူးပေါင်းရင်းမြစ်များ

Tɔɔɓɛlaa dɔlɔɔ 21:26

Akabə ə túwɔ́ kpɔlɔɔ a ɲɔ̨nwɔ̨ɔ̨ yɛ Amɔrə nuą ŋɛ̨i Yai-Laa ə di kpɛ di wɔ lɔi hu yɛ Israɛlə nuą hee laa, yɛ kwɛli hvilɛn haliɠaa diɛ.

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Lɛɛ gbɔwɔ ɓa 23:23

«‹Nwɔ́ malakai kaa pai kɛi hvilɛni ka tɔwɔ, gaa pai lii a kaa Amɔrə nuą, Hɛtə nuą, Perizi nuą, Kanaan nuą, Hivi nuą, da Ɉebusə nuą di wɔ lɔi hu; ɛlɛɛ, gáá pai di kpɛɛi yɛnɛ̨ɛ̨.

Lɛɛ gbɔwɔ ɓa 23:30

Gáá pai di kpɛi ka tɔwɔ a bɛlɛ-pɛlɛɛ, ə lɛɛ ɉu, ka kpulu hu ə kɛnɛ̨ ka nɔi nąą kəlee laahvɛɛ.

Gɛlaɠaa 7:45

Ɉɔlɔɓoi gu nąnni di mo, Ɉosue ə tɔɔ di tɔwɔ, di lɔ la nɔi Yálá ə ɉu nuą kpɛ di tɔwɔ, ɉu, ə lɛɛ laa, ə lɛɛ ɉu, Davidə nwɔ yələi ə ɉəli.

Dutɛrɔnome 11:23

Yai-Laa kaa pai nu huwuɠaa tii kəlee hu kalai ka ɲɛ̨i tɔwɔ. A nu huwu kpulu kɛnɛ̨ɛ tii, di hvaŋą kɛnɛ̨ di tɛɛ kaa; ka káá pai di wɔ lɔi kulɔi di yəi.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 1:5

Ə́ yíi hvóló kəlee hu, nui lɔpee ta hvo pai tɔɔi ə́ la. Bələi lɔ tii ŋį́ kɛ la Moisə pɔ, bələ lɔ ɓə gáá kɛi la ə́ pɔ. Vá gíli kulɔ ə́ hu, vá ə́ lɛɛ laa.

Zasua 15:14

Kalɛbə ə lɔi kulɔ Anakə lonnii haaɓai yəi, diɛ ɓaa: Sesai da Ahiman, da Talmai, diɛ ɓə kɛ a Anakə huwu.

Zasua 23:5

Yai-Laa ka wɔ Yálái yaa kpinįi gaa pai heei di hu ka mąą mɛ̨nį ɓa, yɛ di kpɛ ka ɲɛ̨itɔwɔ; ka káá pai di wɔ lɔi hɔlɔɓoi a ka kwɛlin, yɛ bələi Yai-Laa ka wɔ Yálái ə mo la.

Zasua 23:8

Kɛlaa, 'ka kanąn Yai-Laa ka wɔ Yálái ɓa, yɛ bələi kaa gɛ la, aa lɛɛ ɉu háákələi yələ aa həli.

Zasua 24:18

Yai-Laa ə nu huwu kəlee kpɛ ku ɲɛ̨i tɔwɔ, gəlee ə mą kɛ, Amɔrə nuą, diɛi a nɔi ŋɛ̨i hu nuą. Kuɔ kpɛli mąn, kwa Yai-Laa ni ɓə ku tɔɔ, ku wɔ Yálá li.»