Zasua 23:15 - Yálá laawoo hɛɓɛ (dc)

¹⁵ Ə həli kɛa kaa! Mɛ̨nį lɛlɛɛɠaai Yai-Laa ka wɔ Yálái ə mo ka laa mɛ̨i, bələi lɔ ə naa hvɛɛ la, bələ lɔ ɓə, mɛ̨nį nwąnąąɠaai ə mo yɛ hvilɛn na kaa, gəlee pɔ mɛ̨nį kaa pai kɛi la, ə lɛɛ la ɉu, nɔi lɛlɛɛ ŋɛ̨i Yai-Laa ka wɔ Yálái ə dɛɛ ka pɔ, ə ka kpɛ ɉu.

Yálá laawoo hɛɓɛ

¹⁵ Ə həli kɛa kaa! Mɛ̨nį lɛlɛɛɠaai Yai-Laa ka wɔ Yálái ə mo ka laa mɛ̨i, bələi lɔ ə naa hvɛɛ la, bələ lɔ ɓə, mɛ̨nį nwąnąąɠaai ə mo yɛ hvilɛn na kaa, gəlee pɔ mɛ̨nį kaa pai kɛi la, ə lɛɛ la ɉu, nɔi lɛlɛɛ ŋɛ̨i Yai-Laa ka wɔ Yálái ə dɛɛ ka pɔ, ə ka kpɛ ɉu.

Bible

¹⁵ Berei nɔ́ a ŋɔkono têei-ŋai kélee ŋ̀aa-see kɛ́ lai, bere nɔ́ ƃé ŋ̀ɛ́i káa la kâa a gɛ́ɛ ká m̀ɛni-ŋai kélee a mò kâai, ŋ̀aa-see kɛ́ la. À wàla kɛ́ tí, a pâi kákula maa kɛ̂i yɛ̂ɛ berei è mò lai.

Zasua 23:15 ပူးပေါင်းရင်းမြစ်များ

Tɔɔɓɛlaa dɔlɔɔ 14:15

Yai-Laa kaa pai Israɛlə kɛlɛi; gaa pai kɛi yɛ hveen gbaɠai a kɛ kpɛlin ɉii yá yəi. Gaa pai Israɛlə kulɔi nɔi lɛlɛɛ ŋɛ̨i hu, yai ə dɛɛ nąnni pɔ. Ɛlɛɛ, gaa pai daɠa taɠai ɲa pulu pələ; mąąhɔlɔɓo, daa wulu kpiɛnŋąą pɛli, diɛ di kɔ́. Diɛ Yai-Laa nwąną lɔ la tii.

Tɔɔɓɛlaa dɔlɔɔ 8:56

«Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Azaya 24:6

Yili ɓə gɛi nɛ̨ŋɛ̨nnaa yɛ nɔi kala, nuąi nɔi mɛ̨i, diɛ ɓə ɉu mɔ̨nɔ̨ mįi. Yili ɓə gɛi yɛnɛ̨ɛ̨ nuą diɛ kələn, daa lɛɛ lɔ kɛa ɠɛlɛɛ-ɠɛlɛɛ.

Ɉeremi 32:24

«Babilonə nuą ka, di kaa pai, di hvaŋą kɛnɛ̨, diɛ kɔlaɠa pɛlɛ daa ɓa, di kaa pai daa hon ɉii, daa gbɛa daa kwɛlɛ diɛ, gwa mo kpɔ tii, di yee yɛi tɛɛ daa ɓa, a kɔ́ kɔ́ bowa, da pulu, ɛlɛɛ da kwəi kulɔ ɲɔ̨n; yɛ́n, ə́ heɛ yɛ́ nąą kaa.

Ɉeremi 32:42

«Mąąhɔlɔɓo, Yai-Laa yɛi, bələi lɔ ŋą́ mɛ̨nį ɲąąnwąnąą kɛnɛ̨ laa la nuąi ŋɛ̨i diɛ, bələ lɔ ɓə, nwun na nɛ̨ɛ̨i ŋą́ mąą kili tee gwə́i yɛ hvilɛn na diɛ, gáá pai dɛɛi la di pɔ.

Ɉeremi 35:17

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun Yálá, Israɛlə nwɔ Yálá woo ka, yɛ diɛ: «Mɛ̨ni ɲąąnwąnąąɠaa kpɔ ŋį́ mąą kili tee gwə́i, yɛ hvilɛn na Ɉuda da Ɉerusalɛmə nuą diɛ, gáá gəlee laai diɛ. Mąąhɔlɔɓo, ŋį́ mɛ̨nį ɓo diɛ, ɛlɛɛ, di hvo mɛ̨n. Ŋą́ di təli, di hvo nwóó mu hon ni.»

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Nwun mąąɓo 13:1

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə nuą di pənə nwɔ̨nɔ̨ di di yee lɔ ɉu, di gɛ. Yai-Laa ə di too Filisti nuą yee ŋą kwɛlan bow nąąn ɲee mu.

Nwun mąąɓo 3:12

Israɛlə nuą di gbala tɔɔ nwɔ̨nɔ̨, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu. Yai-Laa ə Moabə tɔɔmun Ɛglɔn lii kpələ, Israɛlə nuą diɛ, mąąhɔlɔɓo, mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə di di yee lɔ ɉu.

Nwun mąąɓo 3:8

Yai-Laa lii ə holi Israɛlə nuą pɔ, ə di kwɛlɛ Kusan-Riseataimə ɓa, yai kɛ a Aramə yá leeɠaa kwɛlɛ tɔɔmun, di kwɛlan mɛ̨ihaaɓa kɛ yili yəi luwɔlaa hu.

Nwun mąąɓo 6:1

Israɛlə lonnii di pənə nwɔ̨nɔ̨, mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, di di yee lɔ ɉu diɛ gɛ, Yai-Laa, ə di too Madian nuą yee ŋą kwɛlan mɛ̨ihveelɛ yee mu.