Zasua 23:12 - Yálá laawoo hɛɓɛ (dc)

¹² Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Yálá laawoo hɛɓɛ

¹² Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Bible

¹² À kɛ̀ káfe tûa ní a teniŋ ƃô pere, ká ǹɔii-ŋûŋ-ŋai kákaa zui zu-ƃela tûa pere siɣe, ka dîa-ni kákɛ nɛyâa kula kákîe-ni loai,

Zasua 23:12 ပူးပေါင်းရင်းမြစ်များ

Zɛnɛse 2:24

Yili ɓə gaa mą, hulɔnu a həɠə nąn bɔ, ə həɠə nee pɔ, ə yili nɛ̨ą ɓa, da yaa di kɛ a nu tɔ̨nɔ̨.

Zɛnɛse 34:3

Kɛlaa, Ɉakɔbə lon Dina wɛli ə too kpɔ mą kɛnɛ̨, ə kɛ bɔ ə ɉəɠə kɛa a nɛ̨ą.

Tɔɔɓɛlaa dɔlɔɔ 11:2

Nɔiɠaa tii hu nɛ̨ąą ɓə wɔlɔ Yai-Laa ə kɛ diɛ: «Ka hvo da həɠə a ka nɛ̨ą, diɛ mɛ̨n, di hvo ka lonnii ta həɠə a di nɛ̨ą. Ka hvo li di pɔɔli, diɛ kpɛli di pa ka pɔɔli, ə gɛ, di hvo pa ka wɔ kiliŋąhiɛ tinɛ̨n di wɔ haliɠaa pɔ pələ.» Nɔiɠaa tii ɓə Salomɔn ə kanąn diɛ nwɔ wɛli mɛ̨nįɠaa hu.

Tɔɔɓɛlaa dɔlɔɔ 11:4

Ɓɛlɔwai kɛa Salomɔn ə pɔlɔ la, nɛ̨ąni di gili tinɛ̨n di nɔ wɔ hali kɔ́wɔ hu, nwɔ giliŋąhiɛ hvo kɛa lɛɛ a ɉaŋąą Yai-Laa nwɔ Yálái pɔ pələ. Salomɔn nwɔ kɛ pələ ə kulɔ nąn Davidə nwɛi mu.

Mąątɛ̨nɛ̨ 125:5

Kɛlaa, nuąi daa həɠə bələ mɛ̨i, di hiɛ pələ kpɛli kpəlaanŋąąi, Yai-Laa ə di kpɛ, da mɛ̨nį ɲɔ̨n gɛ nuą; Liilaa ə kɛ Israɛlə mɛ̨i.

Mąątɛ̨nɛ̨ 36:3

Gaa gbɔwɔ ɲɛ̨i ɓa a nu kɛnɛ̨ɛ̨, hva pɛli ɉɔn gaai, yɛ həɠə bulu.

Azaya 1:4

Kpalo ɓɛlaa yɛ́, nɛ̨ŋɛ̨n ɉəɠə lɔi, a nwąnąlɔ nu huwui tii; a ɉįi túwɔ́ pələ ɲɔ̨nwɔ̨ɔ̨ ti; Ka mɛ̨nį ɲɔ̨n gɛ nuą lonnii ŋɛ̨i, kaa həɠə Yai-Laa pulu, kaa Israɛlə nwɔ Mąąhəɠəmun mɛlɛ too, kaa ka pulu tɔɔ mą.

Izikiɛ 18:24

Kɛlaa, tələnmomun yii a ɲee kulɔ tələnmo yíi hu, yɛ túwɔ pələ ɲɔ̨n gulɔ; dúwɔ pələ ɲɔ̨n gbɛa kpɛaɠaai nu ɲɔ̨nwɔ̨ɔ̨ɠaa di kɛi gulɔ, yɛ di kɛ, a kɛi yiliɠaai kɛ, a mɔ̨ɔ̨ pɛli lɛɛ yɛnɛ̨ɛ̨? Dələnmo túwɔi kpɔ ə mo, gili hva lɛɛ nuą ŋą; nwoo kalai ə mo da nɛ̨ŋɛ̨n ə ɉəɠə, yili mąą mɛ̨nį ɓə pai gɛi yɛ haa.

Sofoni 1:6

Nuąi daa di pulu tɔɔ Yai-Laa ɓa, di hva gɛ di hvo ɲɛ̨ilaa kwɛli mɛ̨nį ta hu, di hva mąąnikɛ, Gáá gəlee nwun napilii.

Maafîu 12:45

Yili pulu, a li, ə mɛlaa ɲį́nɛ̨n mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ yee tɛɛi nwɛi ɓa, di pa nwɔ̨nɔ̨ di hvilɛn bulu. Ŋąąkpɛɛi, nui tii túwɔ́ pələ a ɲɔ̨n ə tɛɛ dɔlɔɔ ɓa. Bələ kpɔlɔɔ ɓə háákələi nuą ŋɛ̨i kaa la.»

Ɉaan 6:66

Ə həɠə ɲələ ɓa, Jesus nwɔ kalan nɛai damąą di lənə mą di həɠə bulu.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Dutɛrɔnome 6:15

Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Dutɛrɔnome 7:3

Hilɛtaa mɛ̨nį hvo kɛ ka diɛni ka lɔwai. Ka hvo ka lonnii nɛ̨ąą tɛɛ di lon ɉinąą pɔ, ka hvo di nonnii nɛ̨ąą həɠə a ka lon ɉinąą di nɛ̨ąni.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Zasua 23:11

Ka gɛ kani a nɛlɛɛ ka mąą mɛ̨nį hu, ka Yai-Laa ka wɔ Yálá wɛli la kɛ.

Zɔ̂ŋ Maa-ŋuŋ 2:9

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Nwun mąąɓo 14:3

Samsɔn kaa nuą diɛ mą: «A kɛ tii, hvo kɛ nɛ̨ɛ̨non da kaa li ə́ huwu lɔwai ɓɛ, yii yá pɛli ɉəɠəi a ə́ nɛ̨ą? Hvo kɛ li lɔ Filisti nɛ̨ɛ̨nu, a diɛi di huwu kaa a kɛ́nɛ̨ kpolɔwaɠaai?» Kɛlaa, Samsɔn yɛ nąn ma: «Nɛ̨ɛ̨nui tii ɓə gáá bɔ ŋą́ ɉəɠə a nɛ̨́ą, ka li ka mąą mɛ̨nį ɓo.»

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.