Zasua 23:1 - Yálá laawoo hɛɓɛ (dc)

¹ Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Yálá laawoo hɛɓɛ

¹ Yai-Laa ə liilaa yɛnɛ̨ɛ̨ tɛɛ Israɛlə lonnii pɔ ɲowoɠaa kəlee lɔwai, ɉu kwɛa, Ɉosue ə pɔlɔ. Gɛɛ kɛa a hulɔgolo,

Bible

¹ Tãi su-kôyaa tɛɛ́ pôlu ma, Yâwɛɛ è gɛ̀ Eezuɛ-ŋai díkɛ ƃò ŋɔ́nɔ lii-sêe su. Tãi ŋí yée mu, Zasua è nâa kɛ̀ a bɔlɔɔ kpɔ́ a ŋ̀ánaa.

Zasua 23:1 ပူးပေါင်းရင်းမြစ်များ

Zɛnɛse 25:8

Abrahamə ə pɔlɔ kpɔ kɛnɛ̨, ə ɲąąnɛ̨ɛ̨ kulɔ, yɛ tɛɠa laa nąnni kwɛlɛ.

Tɔɔɓɛlaa dɔlɔɔ 1:1

Tɔɔmun Davidə pɔlɔɔi kpɔ kɛa kɛ a mɔlɔɔ; di mą kpɛli kɛ yíihəɠə tamąą pɛlɛ mɛ̨i, yili hvo kɛi kwɛlɛ kpɛ mą.

Kɔlɔnikɔ Maa-ŋuŋ 23:25

Davidə ə gbɛa mo yɛ kɛ diɛ: «Yai-Laa Israɛlə nwɔ Yálái aa liilaa yɛnɛ̨ɛ̨ tɛɛ ŋą nuąi pɔ, daa hee Ɉerusalɛmə a yələ kəlee mɛ̨nį.

Kɔlɔnikɔ Maa-ŋuŋ 27:1

Israɛlə lonnii lononŋaa ka, a bɛlɛ́ɠaa laa, waa nąmįną, nwundɔ̨nɔ̨ nąmįną, da ɲalá nąmįnąi kɛ tɔɔmun bɔ diɛ nuą ɲąąkwɛlɛ, nu kpulu yii kɛi li, da yii kɛi li ɲąnįn dɛitɛi yee mu, gwɛlan ɉu ɲąnįn gəlee yee mu. Nu waa pow hveelɛ gɔw nąąn mə kɛ kpulu tɔ̨nɔ̨ hu.

Kɔlɔnikɔ Veerɛi 14:1

Asa ə túwɔ́ a nɛlɛɛ, a ɉaŋąą Yai-Laa nwɔ Yálái ɲɛ̨i ɓa.

Kɔlɔnikɔ Veerɛi 14:5

Ə kɔ́ taaɠaa tɔɔ Ɉuda lɔi hu. Hvo gaai, nɔi ə kɛ liilaa hu, nui lɔpee ta hvo kɔ́ pɛlɛ mą nwɔ tɔɔlaa kwɛlanŋąą yee mu. Gbala ə tɔɔ, Yai-Laa ə hvaamą, nwəli pulu ə lɛɛ a naɠiɛɛ.

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Azaya 63:14

Kpɔlɔ yɛ taatɛlɛɛ kpulu a kɛi yɛɛ ɓoloon ɉu, Yai-Laa nwɔ Kilii ɓə kɛi li a diɛ di hviitɔɔ mɛ̨nį ɓa.» Bələ ɓə ə́ ə́ wɔ nuąi tənən dɔɔ la, ə́ gɛ diɛ pɛli ə́ laa lɛlɛ tɛi la.

Dutɛrɔnome 31:2

«Háákələi, gáá kwɛlan aa kɛ a kwɛlan nwun dɔ̨nɔ̨ ɲee hveelɛ; vá kɛa pɛli lɛɛi ɲąąwooɓo laa hu, ə lɛɛ, Yai-Laa aa mo mą́ą́ yɛ mą: ‹Ɉurdɛn yái ŋɛ̨i ə́ kaa gaai, hvó pai deen ɉii.›

Zasua 11:23

Ɉosue ə nɔi kəlee hon, yɛ bələi kpɔlɔ Yai-Laa ə mo la Moisə ɓa, ə dɛɛ Israɛlə pɔ a ɉee lɔi, ə ɲąąkwɛlɛ Israɛlə huwu hu nuą lɔwai; nɔi ə liilaa hɔlɔɓo, kɔ́ hvo kɛ laa.

Zasua 13:1

Ɉosue pɔlɔɔ kɛa kɛ, kpɔ yɛɠɛ-yɛɠɛ, Yai-Laa yɛ mą: «Yɛ́ ka yaa pɔlɔ kɛa, ya pa, nɔi kpəli yii ka hvo nii ɉon ni gɛnɛ̨i nii.

Zasua 21:44

Bələi lɔ Yai-Laa ə naakwɛlanmo la di nąnni diɛ, bələ ɓə ə gɛ la; a liilaa lɔi, ɲee kəlee hu. Di yowo ta hvo pɛli tɔɔi di la. Yai-Laa ə di yowoɠaa kəlee lɔ di yee ŋą.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Samuɛlə dɔlɔɔ 12:2

Ə həɠə yiihu ɓa, dɔɔmun tii ɓə pai kɛi tɔɔi ka ɲɛ̨i tɔwɔ; nwɛ́i, ŋą́ą́ pɔlɔ, kɔ́lɔ hvo kɛa mą́ą́, nónnii kaa ka pɔ, di kaa nu kpalaan ɉeɛɠaa. Ɲą́ą́ ɓə kɛi tɔɔ ka ɲɛ̨i tɔwɔ, ə həɠə náŋą yələ ɓa, ə həli la háákələi ɓa.