Zasua 22:27 - Yálá laawoo hɛɓɛ (dc)

²⁷ Kɛlaa, ɉaláá kulɔi ŋɛ̨i kaa a kɛla gwa gaani gu lɔwai, da gu wɔ lonnii, gu haa pulu. Gaa pai nɛ yɛ kɛ ku kaa Yai-Laa nwɔ tíɓo ɓa, a ku wɔ haláá hɛn da gəlee kələn da ku wɔ líílaa halááɠaai kwa gulɔ Yai-Laa ɓa.

Yálá laawoo hɛɓɛ

²⁷ Kɛlaa, ɉaláá kulɔi ŋɛ̨i kaa a kɛla gwa gaani gu lɔwai, da gu wɔ lonnii, gu haa pulu. Gaa pai nɛ yɛ kɛ ku kaa Yai-Laa nwɔ tíɓo ɓa, a ku wɔ haláá hɛn da gəlee kələn da ku wɔ líílaa halááɠaai kwa gulɔ Yai-Laa ɓa.

Bible

²⁷ Kɛ́lɛ é kɛ́ a sêre kwa kâa-ni kúloai da kúlônii é ǹɛ́ a gɛ́ɛ Yâwɛɛ káa a Kúɣâla, ǹyaŋ kú tíi kɛ̀ mì, kú kéreŋ sâla, lii-sêe sala da sâla da kpɛ́ni kúla ma. À wàla kɛ́ tí, kánîa-pɛlɛɛi da pâi tínaa m̀ôi kúwɔ̂-ŋai dîa dîyɛɛi, ‘Yâwɛɛ fé a Káɣâla.’

Zasua 22:27 ပူးပေါင်းရင်းမြစ်များ

Zɛnɛse 31:48

Laban yɛ Ɉakɔbə ɓa: «Gwɛni hįį ŋɛ̨i kaa háákələi a ɲą́ą́ gwa yɛ́ gu lɔwai kɛla.» Mɛ̨nį gɛ da kɛ gɛɛnąąi tii laa ɓaa: «Galeedə», mukulaa ɓaa: «Kɛla kwɛni hįį.»

Zɛnɛse 31:52

Gwɛni hįį ŋɛ̨i da yii ŋɛ̨i tɔɔni ɉamąi, di kaa a gu lɔwai kɛla, yɛ ɓo a gu ɲɛ̨n, vá mąą teen və́ pa ə́ pɔ a kɔ́, yáán, hva mąą teen hvó pa bɔ́ a kɔ́.

Mąątɛ̨nɛ̨ 16:5

Yai-Laa, gwɛ́lin maa a yɛ́, nwɛ́i ɓaa a yɛ́! Nwɔ́ yɛnɛ̨ɛ̨ kaa ə́ yee-kɔnma.

Azaya 19:19

Mąąi yələi tii, Yai-Laa nwɔ haláá kulɔi ta kaa pai kɛi Eziptə lɔi hɛ̨ąi, Yai-Laa kɔ́ kwɛni ta ə ɓo nɔi ɲɛ̨n ɉu.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Zasua 22:10

Di həli Gelilotə, Ɉurdɛn yá kwɛlɛ Kanaan lɔi hu; Rubɛn lonnii, Gadə lonnii da Manase huwu bələ tɔ̨nɔ̨i tii, di haláá kulɔi ta pɛli a kwɛni Ɉurdɛn yá kwɛlɛ, a haláá kulɔi kɛnɛ̨, mąąhəɠɛɛ kpɔ a neelee.

Zasua 22:26

Yili ɓə gɛ, kuɔ kɛ ku keeni diɛ: ‹Ka gu ɉaláá kulɔi ŋɛ̨i pɛli, kɛlaa, hvo ɓaa haláá hɛn yii da gəlee kələn, da liilaa haláá di kulɔi.›

Zasua 22:28

Ku mo ku kee ɓa kuɔ mą: ‹Da nwoo ŋɛ̨i ɓo tinąą, kwa ku lonnii kuɔ, kwa kɛ diɛ: «Ɉaláá kulɔi ŋɛ̨i wɔlɔ ku nąnnii di dɔɔ, gaa kpɔlɔɔ a Yai-Laa nwɔ haláá kulɔi mąąnįnįn, di hvo yili kɛ li a haláá hɛn yii da gəlee kələn da liilaa haláá kulɔi, kɛlaa, yili kaa a kɛla gwa gaani gu lɔwai.»›

Zasua 22:34

Rubɛn huwu da Gadə huwu di gɛɛnąą tii laa hee a: «Gaa a kɛla ku lɔwai. Yai-Laa kɛ mɛ̨nį a Yálá mąą kɛla.»

Zasua 24:27

Ɉosue yɛ Israɛlə nuą kəlee diɛ: «Kaa gwɛnii ŋɛ̨i kaa, ya ɓə pai kɛi a gu mąą kɛla. Mąąhɔlɔɓo, ə Yai-Laa woo mɛ̨n, ɓɛlɔwai gwa diɛni gu kɛi mɛ̨nį ɓo la. Gaa pai kɛi a ka mąą kɛla, yɛ kpəɲan ka tɔwɔ, ka hvo nee pa ka wɔ Yálá ɓowo.»

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»