Zasua 22:23 - Yálá laawoo hɛɓɛ (dc)

²³ Akɛ ku ɉaláá kulɔi ŋɛ̨i pɛli, ə gɛ ku ku pulu tɔɔ Yai-Laa ɓa, ɛlɛɛ, akɛ ku gɛ tii, ə gɛ, kuɔ haláá yii da gəlee kələn, da liilaa haláá kulɔ gɛɛnąą tii ɓa, Yai-Laa ə ku kiti tee háákələi.

Yálá laawoo hɛɓɛ

²³ Akɛ ku ɉaláá kulɔi ŋɛ̨i pɛli, ə gɛ ku ku pulu tɔɔ Yai-Laa ɓa, ɛlɛɛ, akɛ ku gɛ tii, ə gɛ, kuɔ haláá yii da gəlee kələn, da liilaa haláá kulɔ gɛɛnąą tii ɓa, Yai-Laa ə ku kiti tee háákələi.

Bible

²³ kpɛ́ni fêi, kwa ɣâla teƃele tɔɔ kúkpiŋ mɛni ma, kpaa máŋ à kɛ̀ kú gɛ̀ tí a gɛ́ɛ kú kéreŋ-sala, mii-sɛŋ-sala, kpaa máŋ lii-sêe sala kula ma, gɛ̀ ní tɔɔ Yâwɛɛ ǹyaa kpîŋ é kúkula maa kɛ́.

Zasua 22:23 ပူးပေါင်းရင်းမြစ်များ

Zɛnɛse 9:4

Kɛlaa, ka hvə huwɔ ta nɔ̨ɔ̨ lɛɛ ɉu, ka hvo mį́i, yili mukulaa ɓaa: Ka hvo huwɔ ɲąmą mį́i.

Kɔlɔnikɔ Veerɛi 24:22

Tɔɔmun Ɉoasə hvo kpɛli giliŋąhiɛ, hvo vilɛn Zakaria nąn Yehoyada nwɔ mɛ̨inɛ̨ɛ̨ ɓa, ə Yehoyada lon Zakaria paa. Ɓɛlɔwai Zakaria ə kɛi pa haai la, ə nwoo tɛ Yálá ɓa, yɛ mą: «Yai-Laa! Ɓɛ kaa, Ə́ ku lɔwai mɛ̨nį hutɔɔ!»

Izikiɛ 3:18

Ŋą́ kɛ nu ɲɔ̨nwɔ̨ɔ̨ ɓa: ‹Ə́ kaa pai haai!› Ɛlɛɛ, yá wala gili pu ɉu, yá wala hvaa nu ɲɔ̨nwɔ̨ɔ̨i ti pɔ, yɛ́ gili ɲą pɔ̨nɔ̨ la ti ɲee kulɔ mɛ̨nį ɓa nwɔ tuwɔ pələ ɲɔ̨n ɉu, yɛ pɛli lɛɛi la yɛnɛ̨ɛ̨, mąą nu a haa, a nwɔ nɛ̨ŋɛ̨n laa pɔɔ; kɛlaa yɛ́ ɓə gáá pai ɲąmą wulu lɛɛi ə́ nwuɔ̨.

Izikiɛ 33:6

Kɛlaa bələi mąąkpɛɛ mun a gɔ́ kaa yɛ pa, a wala dúlú hvɛɛ, gɔ́ a pa, nu ta a lɛɛ ɉu, nui tii haa mɛ̨nį wulu a lɛɛ bələi mąąkpɛɛ mun nwuɔ̨.

Izikiɛ 33:8

Ŋą́ kɛ nu ɲɔ̨nwɔ̨ɔ̨ ɓa, ə́ kaa pai haai, ɛlɛɛ yɛ́n, yá wala gilaa pono, hvo həɠə nwɔ túwɔ́ pələ ɲɔ̨n pulu, a haa a nwɔ túwɔ́ pələ ɲɔ̨n naa pɔɔ. Kɛlaa, yɛ́ ɓə ɲąmą wulu a lɛɛ ə́ nwuɔ̨.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 18:19

Mɛ̨nįɠaai nui tii kaa pai kɛi moi diɛ náá hu, nui a wala gɛ hvo nwəli tɔɔ mą, ɲą́ą́ gbinįi ɓə ŋą́ mąą nu hutɔɔ.

Zasua 22:24

Liihɛlɛn mə gɛ kuɔ mɛ̨nįi tii kɛ, mɛ̨nįi tii gɛ nwun gaa mą; hvóló ta, ka lonnii da pɛli kɛi ku lonnii diɛ: ‹Lə mɛ̨nį ɓə ka Yai-Laa Israɛlə nwɔ Yálá ni ka kpɔnŋąąi mą?

Samuɛlə dɔlɔɔ 20:16

Mąą hvo nɛ̨ɛ̨li Ɉonatan laa hvo kpɛɛ, da Saulə nwɔ pɛlɛ́i a gee. A kɛ tii Yai-Laa a nəi Davidə mąąnin gɛ mɛ̨nįi tii hu.