Zasua 21:45 - Yálá laawoo hɛɓɛ (dc)

⁴⁵ Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.

Yálá laawoo hɛɓɛ

⁴⁵ Nwoo lɛlɛɛɠaa kpɔ Yai-Laa ə mo Israɛlə nwɔ pɛ́lɛ́i ɓa, da lɔpee hvo lɛɛ a kpɛli, gəlee pɔ mɛ̨nį ə kɛ.

Bible

⁴⁵ Yâwɛɛ è ŋɔkono têe-ŋai kélee ŋàa sèe kɛ̀ Eezuɛ-ŋai yêei. Vé dɔnɔ kpîŋ lɛ̀ɛ ní pôlu.

Zasua 21:45 ပူးပေါင်းရင်းမြစ်များ

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Tɔɔɓɛlaa dɔlɔɔ 8:20

Mɛ̨nįi Yai-Laa ə mo ną́n ma, ya ka tii ə naa hon. Ŋą́ą́ lɛɛ ną́n bɔɔ ŋą, ŋą́ą́ hee Israɛlə dɔɔkpəlin mɛ̨i, yɛ bələi Yai-Laa ə mo la. Ŋą́ą́ bɛlɛ́i ŋɛ̨i tɔɔ Israɛlə nwɔ Yálá, Yai-Laa laa ɓa.

Tɔɔɓɛlaa dɔlɔɔ 8:24

Mɛ̨nįi Ə́ mo, yáá bɔ mɛ̨nį kɛ háákələi kwaa gaa.

Tɔɔɓɛlaa dɔlɔɔ 8:56

«Mąąwiɛ ə kɛ Yai-Laa ɓa! Ya ɓə kɛɛnɛ̨ɛ̨ tɛɛ nwɔ nu huwui Israɛlə pɔ, yɛ vįitɔɔ laa, yɛ bələ ə gbɛa kɛ mo la. Nwoo lɛlɛɛɠaai kpɔ ə di pu wɔ tímun Moisə la, da lɔpee hvo too li kpɛli kpɛli.

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Azaya 48:3

Mɛ̨nį tɔlɔɔɠaai tii daa tɛɛi, ŋį́ di lɛɛ kpɔ kwɛaa la, ŋį́ mo, bələ ə kulɔ ná, ŋį́ ɉukulɔ, ŋį́ gɛ́ tii kɛ ɉu, di pa lɔ nu kəlee tɛɠii.

Lonon mo 23:19

Yálá hvo yɛ bələi nu kaa la, hva pɛli lɛɛ kɛi, hvo yɛ Adamə lon da, yɛ pɛli nwoo mąą pənəi. A mɔ̨ɔ̨ pɛli mɛ̨nį ɓoi a kɛ hvo mąą mɛ̨nį kɛ li? A mɔ̨ɔ̨ woo ɓo yii hvo bɔ mɛ̨nį kɛ li?

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Tɛsalonikə dɔlɔɔ 5:24

Nui ká təlii, a kulɔ nwoo ɓa, yaa lɔ ɓə nwɔ̨nɔ̨ pai gɛ-mɛ̨nį kɛi ɉu.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Samuɛlə dɔlɔɔ 3:19

Samuɛlə ə kɛi kɛnɛ̨, Yai-Laa ə kɛ bɔ, wooi kpɔ ə kɛi ɉəɠə Yálá la yɛ mo, gəlee laa ə kɛi hon.