Zasua 21:43 - Yálá laawoo hɛɓɛ (dc)

⁴³ Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Yálá laawoo hɛɓɛ

⁴³ Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Bible

⁴³ Berei ŋí ƃé Yâwɛɛ è Keena lɔii kélee tɛ̀ɛ la Eezuɛ-ŋai pɔ́ yɛ̂ɛ berei è góno tèe la dínâŋ-ni yêei. Dí nâa gwaai kélee sìɣe dí sée naa.

Zasua 21:43 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 13:15

Nɔi tii ə kaa mɛ̨i kaai yɛ li, ŋą́ą́ nąą kəlee tɛɛ ə́ pɔ, ka ə́ huwuhu nuą.

Zɛnɛse 28:4

Núwɔ́i Yálá ə doo Abrahamə ɓa, naa ə hon yɛ́ ka ə́ huwu kaa, nɔi ŋɛ̨i ə́ kaa ɉu, ə́ ɉɔlɔɓo ka ə́ huwu kəlee; Yálá ə kɛ.»

Kɔlɔnikɔ Veerɛi 20:8

Di hee ɉu, di hɛli pɛlɛ́ tɔɔ laa ə Laa ɓa, a Ə́ wɔɔ; diɛ kɛ:

Nehemi 9:24

Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Nehemi 9:8

Ə́ gaa yɛ́ Abrahamə lii kanąn ŋąąi yɛ́, ka yaa ka mįnɛ̨ həɠə, ə́ Kanaan nuą, Hɛtə nuą, Amɔrə nuą, Perizi nuą, Ɉebusə nuą, da Girgasə nuą, tɛɛ bɔ yaa tii bɔ, ə mą kɛ ɉuwu hu nuą. Ə́ kulɔ ə́ woo ɓa, mąąhɔlɔɓo, ə́ tələnmoɔi.

Mąątɛ̨nɛ̨ 105:8

A gili lɛɛ nwɔ mįnɛ̨i hu, a yələ kəlee, a nwooi ə gwɛlɛ a yələ kəlee mɛ̨nį.

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Ɉeremi 32:23

Di pa di hee ɓɛ, kɛlaa di hvo di wəli tɔɔ ə́ woo ɓa, di hvo lɛɛ ə́ wɔ tɔ́n nwooi pulu, mɛ̨nįɠaai kpɔ ə mo diɛ, di hvo da kɛ. Yili ɓə gɛ, yɛ́ mɛ̨nį ɲąąnwąnąą huwu lɔpee gəlee laa diɛ.

Lonon mo 33:53

Ka káá pai nɔi hɔlɔɓoi a ka wɔɔ, kaa hee ɉu. Mąąhɔlɔɓo, kaa ɓə gáá nɔi tii tɛɛi ka pɔ, yɛ pa lɛɛi ka yəi.

Lonon mo 34:2

«Mɛ̨nįi ŋɛ̨i ɓo Israɛlə lonnii diɛ, yɛ́ diɛ: «Ka pa lɔi Kanaan lɔi hu, nɔi pai lɛɛi ka yəi a ka wɔɔ, ya ka; bələi Kanaan lɔi tii ɲɛn gaa pai kɛi la bələ ka:

Dutɛrɔnome 11:31

Ka hvo gaai, ka káá pai Ɉurdɛn yá teen ɉii, kaa li heei nɔi tii Yai-Laa ka wɔ Yálá kaa pai dɛɛi ka pɔ ɉu. Ka káá pai gɛɛnąą tii hɔlɔɓoi a ka kwɛlin, ka hee laa.

Dutɛrɔnome 12:29

Ɓɛlɔwai Yai-Laa ka wɔ Yálái kaa pai nu huwuɠaa tii hukalai, yɛ di wɔ lɔi kulɔ di yəi, yɛ ka hee di heei di wɔ lɔi hu;

Dutɛrɔnome 17:14

Nɔi ŋɛ̨i Yai-Laa ka wɔ Yálá kaa pai dɛɛi ka pɔ, ka pa kɛa lɔi ɉui, kaa ɉɔlɔɓo a ka wɔɔ, kaa hee laa; ɲələi ka kɛ la diɛ, ka káá tɔɔmun ɉeei ka nwun na, yɛ nu huwu takpɛliɠaai gu kwɛlɛi.

Dutɛrɔnome 34:4

Nąąlɔwai, Yai-Laa yɛ mą: «Ə́ ɲɛ̨i hee. Nɔi ŋį́ gwɛ́la, ŋį́ naakwɛlanmo Abrahamə, Isaakə da Ɉakɔbə ni diɛ, gɛ́ kɛ diɛ: ‹Gáá dɛɛi di huwuhu nuą pɔ!› Mąą lɔi ka. Ɲį́ nąą lɛ ŋɛ̨i yɛ́, ə́ gaa a ə́ kpɔɔ ɲɛ̨i kwəleen, kɛlaa, hvó pai lii laa.»

Zasua 1:6

Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Zasua 21:42

Daaɠaa kpɔ tii di di hvaa ɓo, di kɛ pələ ə kɛ lɔ tii.

Nwun mąąɓo 11:24

Nɔi ŋɛ̨i ə́ wɔ halii Kemɔsə ə dɛɛ ə́ pɔ, hvo mɔ̨ɔ̨ ə́ yəi? Yili ɓa, nɔi ŋɛ̨i Yai-Laa ə hvaa mą ku ɉɔlɔɓo, gaa a ku wɔɔ.

Samuɛlə dɔlɔɔ 12:8

Ɓɛlɔwai Ɉakɔbə ə li la Eziptə lɔi hu, Eziptə nuą di hee di mɛ̨i, ka nąn ni di wɔlɔ di di woo kulɔ Yai-Laa ɓa. Yai-Laa ə Moisə da Aarɔn di tɔɔ, ə gɛ, di ka nąn ni kulɔ nuwɔ laa tii hu, di di hee gɛɛnąą ŋɛ̨i ɓa.