Zasua 20:8 - Yálá laawoo hɛɓɛ (dc)

⁸ Ɉurdɛn pulu pələ, Ɉeriko voló həɠəi pələ, di Bɛsɛrə kɛ a nu mąąkilɛ taa ta nɔi pun ɉu, Rubɛn nwɔ yeei ɓa, da Ramotə-Galaadə, Gadə nwɔ lɔi hu, ɛlɛɛ, Golan, Basan lɔi hu, Manase huwu nwɔ taai ta li kɛ.

Yálá laawoo hɛɓɛ

⁸ Ɉurdɛn pulu pələ, Ɉeriko voló həɠəi pələ, di Bɛsɛrə kɛ a nu mąąkilɛ taa ta nɔi pun ɉu, Rubɛn nwɔ yeei ɓa, da Ramotə-Galaadə, Gadə nwɔ lɔi hu, ɛlɛɛ, Golan, Basan lɔi hu, Manase huwu nwɔ taai ta li kɛ.

Bible

⁸ M̀aa kɔ̃̂ɔ taa-lee-ŋai kɛ̀ vóloi kulâi-pere é síɣe Zɛleko pere Zɔdiŋ Ya-leei kɔlɛi ƃé kɛ̀ a: Bizɛ nyíi kɛ̀ vɛ̃ɛ-kpâlaŋ su Lubiŋ lɔii mai, Lemɔ nyíi kɛ̀ Gilia kpiniŋ su Gâa lɔii mai da Golaŋ nyíi kɛ̀ Basãŋ kpiniŋ su Manasɛ lɔii mai.

Zasua 20:8 ပူးပေါင်းရင်းမြစ်များ

Tɔɔɓɛlaa dɔlɔɔ 22:6

Israɛlə tɔɔmun ə Yálá kwəi mɛ̨nį hukulɔ nuą ŋąąkpɔn, diɛ ɓo a nu nwun nąąn ɲɔ̨nwɔ̨mą; ə di mąąnin gɛ, yɛ diɛ: «Akɛti, mąąnɛ̨ɛ̨ ŋą́ li ŋą́ kɔ́ pɛlɛ Ramotə taa ɓa, yai gaa Galaadə, a wala kɛ tii, ŋą́ lɛɛ ɓɛ?» Di kəlee diɛ mą: «Hɛn gəlee Nąmu Yálá kaa lii daai tii lɔi tɔɔmun ɲee ŋą.»

Tɔɔɓɛlaa veelɛ 8:28

Akabə lon Yoramə ə li ə kɔ́ pɛlɛ Aramə tɔɔmun Hazaɛlə ɓa Ramotə daai Galaadə lɔi hu. Kɛlaa, Aramə nuą di Yoramə nwąną.

Dutɛrɔnome 3:10

Gu ɲee hu taaɠaa kəlee hon, Galaadə lɔi kəlee, Basan lɔi kəlee, ə həli la Salka da Ɛdrɛi ɓa. Basan taaɠaai tii Ogə ə kɛ a nąą tɔɔmun.

Dutɛrɔnome 4:43

Daaɠaa tii ɓaa: Bɛsɛrə yii gaa nɔi pun ɉu, ɲee kpohvɛɛ lɔi hu. Rubɛn huwu nwɛi li. Gadə huwu nwɛi ɓaa: Ramotə yii gaa Galaadə lɔi hu, ɛlɛɛ, Golan taa, yii gaa Basan lɔi hu, ə ɓo a Manase huwu nwɛi.

Zasua 20:7

Israɛlə lonnii di Kɛdɛsə taa həɠə ɉu, Galile lɔi hu, Nɛftali yee ɓa, da Sisɛmə, Ɛfraimə yee ɓa, da Kiriatə-Arba yai a Hebrɔn laa ta, Ɉuda yee ɓa.

Zasua 20:9

Daaɠaa tii ɓə di gɛ a mąąkilɛ taa; yɛi kɛ a Israɛlə lon da, awala kɛ tii nwɛ̨ą yii ɉeɛɛ kaa di kɔ́wɔ mɛ̨i, nui lɔpee kɛ a nu paa yii hvo gili ɓo li, daaɠaa tii ta hu ɓə a li ə mąąkilɛ laa. Bələ ɓə kɛ ɲąmą kwələ kulɔmun hva pɛli kɛ ɲąmą pumun baai la, yai nu kpulu hvo ni giti tee li.

Zasua 21:27

Daaɠaai di dɛɛ Gɛrsɔn lonnii pɔ, diɛ ɓaa a Levi huwu hu nuą ta, a mąąkilɛ taa, yii di ɉəɠə Manase huwu bələ tɔ̨nɔ̨ yəi, diɛ ɓaa: Golan taa da nwɔ kpomóɠaa, yii gaa Basan lɔi hu, ɛlɛɛ, Beɛstera da nwɔ kpomóɠaa, taa hveelɛ.

Zasua 21:36

Ɉurdɛn yá pulu Ɉeriko tənən ma, Rubɛn lonnii di wɔ lɔi hu, Bɛsɛrə, nuąi kɛ da nu paa di mąą kilɛ taa li, da nwɔ kpomóɠaa, nɔi pun ɉu, gɛɛ nąą heɛ ɓa, Yasa da nwɔ kpomóɠaa,

Zasua 21:38

Gadə lonnii di wɔ lɔi hu, daaɠaai di di tɛɛ, dɔ̨nɔ̨ ə kɛ a mąąkilɛ taa, ya ɓaa: Ramotə, yii kɛ Galaadə lɔi hu, da nwɔ kpomóɠaa, Mahanaimə da nwɔ kpomóɠaa,