Zasua 2:19 - Yálá laawoo hɛɓɛ (dc)

¹⁹ Ɓɛlɔwai kwa pa pai la ɓɛ, ə́ wɔ nui lɔpee a kulɔ ɓɛ ə́ yəi bɛlɛ́n, ɲąmą wulu a lɛɛ gbɔwɔ nwuɔ̨, ku hɔn va kɛ ɉu. Kɛlaa, nui lɔpee gaa ɓɛ ə́ yəi bɛlɛ́n, mɛ̨nį ta a kɛ a da, nwulu a lɛɛ ku nwuɔ̨.

Yálá laawoo hɛɓɛ

¹⁹ Ɓɛlɔwai kwa pa pai la ɓɛ, ə́ wɔ nui lɔpee a kulɔ ɓɛ ə́ yəi bɛlɛ́n, ɲąmą wulu a lɛɛ gbɔwɔ nwuɔ̨, ku hɔn va kɛ ɉu. Kɛlaa, nui lɔpee gaa ɓɛ ə́ yəi bɛlɛ́n, mɛ̨nį ta a kɛ a da, nwulu a lɛɛ ku nwuɔ̨.

Bible

¹⁹ Kɛ́lɛ à kɛ̀ núu da kélee a kùla bɛ́rɛi mu a lì ŋ̀énei ŋá, gɛ̀ ní è lì zaâi kɔ̂rii, kúsɔŋ fé pâi kɛ̂i zu. Kɛ́lɛ à kɛ̀ núu da a ǹyée pɛ̀lɛ ípɛrɛi mu-ƃelai da ma, gɛ̀ ní kúa ƃé gɛ̀.

Zasua 2:19 ပူးပေါင်းရင်းမြစ်များ

Samia Veerɛi 1:16

Davidə yɛ mą: «Ə́ ŋama wulu a lɛɛ ə́ kpɔɔ nwuɔ̨, mąąhɔlɔɓo, yáá ə́ kpɔɔ kalama ɓo, kɛi ə́ mo diɛ: ‹Nui Yai-Laa ə dɔɔ wulɔ hiɛ mą, ɲą́ą́ ɓə baa.›»

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lɛɛ gbɔwɔ ɓa 12:22

'Ka isopə kpinįn ɉəɠə, daatɛlɛɛ ɲąmąi ti ka bu ɉɛɲąŋą hu, ka nɔ ɉu, ka ɉiɛ gbon mɛ̨i da gwɛlɛ hveelɛi ɓa; ə həɠə nąąlɔwai ɓa, ɛlɛɛ ɉu yələwala, nu ta hvo kulɔ ɲəi bɛlɛ́n.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Levetekɔ 20:11

«Nui a laa a nąn nɛ̨ą ta, aa nąn gbuwulu kaa, da di nu hveelɛi di paa, di ɲąmą wulu a lɛɛ di nwuɔ̨.

Levetekɔ 20:9

«Nui a nąn a wala kɛ tii nee lalan, mąąnɛ̨ɛ̨ di baa. Ɲąmą wulu a lɛɛ gbɔwɔ nwuɔ̨, mąąhɔlɔɓo, aa nąn da nee di lalan.

Maafîu 24:17

Nui a kɛ ɲei bɛlɛ́n kɔ́nma, hvo kɛ gaa hvilɛn ɉii, ə hɛn da həɠə ɲɛ̨i bɛlɛ́n ə tɛɛ la a gilɛ.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 20:26

Yili ɓə gaa mą, gáá háákələi moi káá gɛ́ káá: Ka tɔ̨nɔ̨ kpɛli nwun na pili nwulu hvo nwúɔ.

Gɛlaɠaa 27:31

Polə yɛ ɉolahi nwun dɔ̨nɔ̨ nąmu da nwɔ holahiɠaa diɛ: «Gələn ɉiɛ nuąi ŋɛ̨i da wala lɛɛ gələn ɉu, ká nwun hva kulɔ ɉu.»

Filipə 3:9

kwa yaa ku yili ku kɛɛ ɓa, hva kɛ a gbɔ́wɔ́ ŋą tələnmo laa, yai ŋą́ ɉɔlɔɓo dɔn bɔ yíí hu, kɛlaa, a tələnmolaai a kulɔ nu laa mɛ̨nį Kristə la, hu, yɛ həɠə Yálá pɔ, gɔwɔ hvilɛnŋąą laa na laa mɛ̨i.

Hebreu 10:29

Gu hvomun kɛ, nui a Yálá lon mąą mɛ̨nį too gɔwɔ pɔ, mįnɛ̨ nįnɛ̨ ɲąmąi ŋɛ̨i pu, nɛ̨ŋɛ̨n nwaa mɛ̨nį ɓa, ə yili hviiɓo, ə ɓáá kulɔ nɛ̨ɛ̨laai a həɠə Kili-Mąąhəɠɛɛ pɔ, mą, ká wɔɔ kwəi, ŋą mɔ̨nɔ̨i hva kɛnɛ̨ kpɔ ə tɛɛ gɛi ɓa?

Zasua 2:12

A kɛ tii kɛa, ka ka kwɛla a Yai-Laa laa, kaa diɛ; bələi ŋɛ̨i ŋį́ ka hon na a nɛlɛɛ, ka káá lɔ pai ɲą́ą́ kwa ɲə́i bɛlɛ́n nuą ku hon ɉii tii a nɛlɛɛ. Ka kɔ́lɔn ɉɛn da tɛɛ bɔ́,

Zasua 2:14

Ɉinąąi tii di mo mą, diɛ mą: «Akɛ ya wala ku pulu kulɔ, kwa lɛɛ a ku húlu, yɛ́, ka ə́ yəi bɛlɛ́n nuą ka lɛɛ a ka húlu, ɓɛlɔwai Yai-Laa kaa pai nɔi ŋɛ̨i tɛɛ la ku pɔ; kwa ə́ wɔ túwɔ́ pələ lɛlɛi ŋɛ̨i gwələ kulɔ yɛ́.»

Zasua 2:20

Kɛlaa ya ku pulu kulɔ, ku wooi tii ku gwɛlɛ yɛ́, a lɛɛ a kpɛli.»