Zasua 2:1 - Yálá laawoo hɛɓɛ (dc)

¹ Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Yálá laawoo hɛɓɛ

¹ Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Bible

¹ Nya ƃe Nuŋ ǹóŋ Zasua è mɛni maa kpɛɛ kpakolo feerɛ tɛ̀ɛ loo-pêre su dí kúla Akesia ƃɛ́i díƃûui è kɛ̀ naai, ǹyɛɛ dîai, “Ka lí ká Keena lɔii maa kpɛ́ɛ, ŋuŋ kpîŋ ƃa Zɛleko taa-leei.” Nya ƃe dí lì. Dí seriɛɛ naai, dí lɔ̀ wulu-wulu kɛ́ nɛni tɔnɔ ŋɔpɛ́rɛi mu dí nyíi naa. Ǹɛniî ŋí láa ƃé a Leea.

Zasua 2:1 ပူးပေါင်းရင်းမြစ်များ

Zɛnɛse 42:16

Ka nu tɔ̨nɔ̨ tɔɔ, ə li ə ɉəɠə ə paa la, mɛlaa di lɛɛ ɓɛ gaho ŋą. Yili a kɛ, ya ɓə ŋą gɔlɔn na gɛ diɛ tɛ̨ą ka tii ka mo. Akɛ a wala pa, tɔɔmun nwun tii ə báá, a kɛ tii nɛ̨nɛ̨ɛ̨n naa kɛ nuą ɓaa kaa.»

Zɛnɛse 42:9

Nąąlɔwai, Ɉosɛfə nwɔ hįiɠaai nąą kili ə too ŋą. Ə pənə yɛ niɛni diɛ: «Nɛ̨nɛ̨ɛ̨n naa kɛ nuą ɓaa kaa! Ka pa nɔi mąą hɛn mɛ̨nį ɓa!»

Mise 6:5

Yɛ́i a nwɔ́ nu huwu, ə́ kiliŋąhiɛ, mɛ̨nįi kɛ Moabə tɔɔmun Balakə kwəi yɛ hvilɛn na yɛ́ mą, ɛlɛɛ, bələi Beɔrə lon Balaamə ə nwoo pulu pənə la. Ə həɠə Sitimə, ə həli la Gilgalə, bələi Yai-Laa yee ə tɛɛ la ɲowoɠaa diɛ, ka káá pai gbaɠala kaai.

Lonon mo 13:1

Yai-Laa yɛ Moisə ɓa:

Lonon mo 13:2

«Nuą tɔɔ, di li di Kanaan lɔi ŋɛ̨i gáá pai dɛɛi Israɛlə lonnii pɔ, di ɉu kaa, nu huwu pow kɔ́w hveelɛi tii, nu kəlee ə nu tɛitɛi kulɔ a di huwuɠaa laa. Diɛ ɓo a ɲɛ̨itɔwɔ nuą.»

Lonon mo 25:1

Israɛlə ə hee Sitimə, nuą di gbala tɔɔ diɛ di yee lɔ wɛli mɛ̨nį hu, da Moabə nɛ̨ɛ̨lɛa.

Lonon mo 33:49

Di di wɔ taai pu Ɉurdɛn kwɛlɛ, ə həɠə Bɛtə-Yesimotə, ə həli la Avɛlə-Sitimə Moabə yɛɛ kɔ́wɔ hu.

Maafîu 1:5

Salmɔn ə Boozə kaa, nee ɓaa kɛ a Rahabə. Boozə ə Obɛdə kaa Rutə ɓa. Obɛdə ə Ɉɛse kaa.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Hebreu 11:31

Laa na laa háálai, Rahabə kɛ a wɛlikɛnɛ̨ɛ̨nu, da kwɛli tee nuąi di nwun na hvo pili a gee; mąąhɔlɔɓo, ə ɲee hee gɔ́ nɛ̨lɛ̨ɛ̨nŋaa mu a nɛlɛɛ.

Zĩi 2:25

Bələ lɔ ɓə Rahabə, yai a nwɛlikɛ nɛ̨ɛ̨nui nwɛ̨i ə kɛ la, kɛlɛi dúwɔ́ pələ ɓə ə tələnmolaa hɔlɔɓo ɉu, a ɲee heei ə mo nwɛlɛɛ ɓo nuą mu, ɛlɛɛ, ə di tɛɛ a pələ takpɛli diɛ li-e?

Zasua 1:18

Nui lɔpee pai kulɔi ə́ woo mu, ə gwɛli tee yɛ́, yii ya ku tí la, a wala gɛ, mąą nu a haa. Yii lɔ ə́ kaa gɛi, ə́ liikpələ, ə́ ə́ huwalawala.»

Zasua 2:2

Nuą di li di ɉukulɔ Ɉeriko tɔɔmun ma, diɛ mą: «Israɛlə nuą di háá pa ɓɛ a kpinį, nɔi hu kaai.»

Zasua 21:31

Hɛlkatə da nwɔ kpomóɠaa, Rehɔvə da nwɔ kpomóɠaa, taa nąąn.

Zasua 3:1

Ɉosue da Israɛlə lonnii kəlee di di muhəɠə yələwala pɔ, di həɠə Sitimə lɔi hu, di həli Ɉurdɛn ɓa. Di həliɛ laa, di yii laa, gɛɛ di hvo kɛ ɲá teen ɉii.

Zasua 5:10

Israɛlə nuą di hee Gilgalə, di pakə hɛli pu laa, a ɲąnin tii di kɛ ɉu nwɔ hvóló pow kɔ́w nąąn ɲələ yələ wulii pɔ Ɉeriko nɛ̨ŋɛ̨ lɔi hu.

Nwun mąąɓo 1:23

Ɉosɛfə yəi bɛlɛ́n nuą, di nuą tɔɔ Betɛlə daai, nąą mąą kpɛɛi, Betɛlə laa ɓaa tɔlɔɔ kɛ a Luzə.

Nwun mąąɓo 18:14

Nu lɔɔli ŋɛ̨i pa, Laisə mąąkpɛɛi, di mo di ɓɛlaa diɛ, diɛ diɛ: «Ka kili kaa ɉu kaa: bɛlɛ́ɠaai ŋɛ̨i ta mu, haláá kulɔi kaa laa da mąąnįnįn ɉaɠaɠaa, da mąąnįnįn ɉaɠaa takpɛli, a wali kwɛli? Ə həli kaa, ka káá gɛi ləi?»

Nwun mąąɓo 18:17

Nu lɔɔli tii li nɔi mąąkpɛɛi, di lɔ bɛlɛ́n, mąąnįnįn ɉaɠaaɠaai tii kɛ laa, di gəlee həɠə, da yii ŋɛ̨i kɛ a nwali kwɛlii. Ɉaláá laa həli mun ə kɛ bɛlɛ́ laaləi, da nu nwun-mɛ̨idai tii.

Nwun mąąɓo 18:2

Dan lonnii di nu lɔɔli kulɔ, a kulááɠaa, di di həɠə Sorea da Ɛstaɔlə, ə gɛ di nɔi mąąkpɛɛ. Di mo diɛ, diɛ diɛ: «'Ka li ka nɔi mąą kpɛɛ.» Də li di həli Ɛfraimə lɔi hu, di tɔɔ Mika yəi bɛlɛ́ laaləi, nąą ɓə di yíi laa.