Zasua 18:16 - Yálá laawoo hɛɓɛ (dc)

¹⁶ Ə kɛi yɛɛ ɲee kpɛlai, Bɛn-Hinɔmə ɓoloon tənən ma, Refaitə nuą di wɔ yɛɛ kɔwɔ ɲánwuɔ̨ pələ, ə kɛi laa a Hinɔmə ɓoloon, yɛ hee Ɉebusə nuą di wɔ lɔi ɓa ɉɛɠɛɛ pələ, yɛ hee Ein-Rogɛlə ɓa.

Yálá laawoo hɛɓɛ

¹⁶ Ə kɛi yɛɛ ɲee kpɛlai, Bɛn-Hinɔmə ɓoloon tənən ma, Refaitə nuą di wɔ yɛɛ kɔwɔ ɲánwuɔ̨ pələ, ə kɛi laa a Hinɔmə ɓoloon, yɛ hee Ɉebusə nuą di wɔ lɔi ɓa ɉɛɠɛɛ pələ, yɛ hee Ein-Rogɛlə ɓa.

Bible

¹⁶ È ŋɔ́nɔ kùla naa é yéŋ ǹyéei kóyaŋ ma Inɔŋ Potoi mɛi, nyíi gáa a Liifaŋ Potoi ŋɔgoyaŋ perei. È ŋɔ́nɔ yèŋ Inɔ̃ŋ Potoi su é tɛ́ɛ naa é lí Zerusâlɛŋ taa-leei kwára gɛ̀ yèŋ Erogee Yai ma.

Zasua 18:16 ပူးပေါင်းရင်းမြစ်များ

Samia Veerɛi 17:17

Ɉonatan da Ahimaasə di kɛ Ein-Rogɛlə. Mąą nɛ̨ɛ̨ kɛ kóló kɛ Nɛ̨ɛ̨nu ta ə li ə mo diɛ, diɛ kpɛli, də li kɛa di mo tɔɔmun Davidə ɓa, mąąhɔlɔɓo, mąą hvo kɛ nɛ̨ɛ̨li di hvo di kaa, yili ɓə gɛ, di hvo kɛi tɛ taai.

Samia Veerɛi 5:18

Filisti nuą di pa, di di huhiɛ Refaitə ɲɛɛ kɔ́wɔ hu.

Tɔɔɓɛlaa dɔlɔɔ 1:9

Adoniasə ə ɓɛlaaɠaa, nįŋɛ̨ɠaa, da nįŋɛ̨ gbɔnŋąą kulɔ a haláá gwɛni ɓa, yai kɛ Ein-Rogɛlə ɲá ton gwɛlɛ. Gaayɔwɔɠaa ŋɛ̨i a Davidə lonnii, ə gəlee təli, da Ɉuda nuąi ŋɛ̨i kɛ a tɔɔmun nwɔ tínuą.

Tɔɔɓɛlaa veelɛ 23:10

Ɉaləi ŋɛ̨i da kɛ mą: Molɛkə, yii kɛ Tofɛtə Bɛn-Hinɔmə ɓoloon hu, yaai di kɛi lɛapɛlɛɛ kulɔ mą a haláá diɛ gələn, Ɉosiasə ə nąą kala, ə gɛ, di hvo pa pənə di hvo da kɛ.

Kɔlɔnikɔ Maa-ŋuŋ 14:9

Filisti nuą di pa, di di huhiɛ Refaitə ɲɛɛ kɔ́wɔ hu.

Kɔlɔnikɔ Veerɛi 28:3

Yaa kpįnįi yɛ lansan haláá kulɔ Bɛn-Hinɔmə ɓoloon ɉu, yɛ nonnii kələn, vilɛn ŋąą la tii, gɛɛ kalaa túwɔ́i tii pulu, a yaai nu huwu ŋɛ̨i Yai-Laa ə nɔi kulɔ di yəi, yɛ dɛɛ Israɛlə pɔ, di kɛi gɛ.

Kɔlɔnikɔ Veerɛi 33:6

Yaa kpįnįi tii, ə nonnii kulɔ a haláá, ə di kələn Bɛn-Hinɔmə ɓoloon ɉu. Yaa kpįnįi, ə tɔlikpɛ, ə ɲɛ̨ąkpɛ, ə ɲąmuątaa tɔlikpɛ. Ə Yai-Laa nwąną lɔ a mɛ̨nį ɲɔ̨nŋąą tii ə kɛi gɛ ɲɛ̨i mui.

Azaya 30:33

Gbaɠa-nwɔ̨n a kɛ a dɔɔ nąą tɔwɔ, a kɛ lɔ nwɔ̨nɔ̨ a bɛliɛ tɔɔmun mąą mɛ̨nį ɓa. Gwɛi a kɛ a diąą gee mɛ̨i kpɔ kɛnɛ̨, kɛɛnąą kɛnɛ̨ ta ɓa, nwɔ̨n ɉee mɛ̨nį ɓa. Yai-Laa nɔ̨ɔ̨ ɓə pai nwɔ̨n dooi ɉu, yɛ gbąnąą hunwɔ̨.

Ɉeremi 19:11

ɛlɛɛ, yɛ́ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: Gáá pai nu huwui ŋɛ̨i da daai ŋɛ̨i woloi yɛ bələi da ləɠi wolo la, bɛli pələ hva kɛ mą. Nu powa looi hvo pai kɛi laa, di kaa pai kɛi nu powa looi ə mą kɛ Tafetə.

Ɉeremi 19:2

Yili pulu, ə́ kulɔ a Bɛn-Hinɔmə ɓoloon na pələ, ə́ nəɠi wolo gbon naaləi pələ, mɛ̨nįɠaai gáá pai mo yɛ́, ə́ noloɓo laa.

Ɉeremi 19:6

Yili ɓa, Yai-Laa yɛ, hvólóɠaa kaa pai ɉəlii, di hva kɛa kɛ gɛɛnąą ŋɛ̨i laa ɓaa: Tafetə, a wala kɛ tii, Bɛn-Hinɔmə ɓoloon, kɛlaa da kɛ nąą laa ɓaa: nu paa ɓoloon.

Ɉeremi 32:35

Daa haláá kulɔi pɛli Baalə ɓa, Bɛn-Hinɔmə moloon ɉu, diɛ di lon ɉinąą da lon nɛ̨ąą kələn nąą nwɔ̨n ɉu; Molɛkə ɓa. Ɲą́ą́ hvəi di tí la, mɛ̨nį ɲɔ̨nwɔ̨ɔ̨ taaləi tii, mąą kili hvo ta hɔlɔ too li gwə́i, gɛ́ Ɉuda yee lɔ tii nɛ̨ŋɛ̨n ɉu.

Zasua 15:63

Kɛlaa, Ɉebusə nuąi kɛ heeni Ɉerusalɛmə, Ɉuda lonnii di hvo pɛli di kpɛi laa, Ɉebusə nuą tii kaa háákələi heeni Ɉuda lonnii lɔwai Ɉerusalɛmə daai.

Zasua 18:28

Sela, Elɛfə, Ɉebusə, Ɉerusalɛmə laa ta li kɛ, Givea, Kiriatə-Yearimə: gəlee pɛlɛɛ gee ɓa, taa kpɛa-kpɛaa pow kɔ́w nąąn, da di yee mu taa pɛlɛɛɠaa. Bɛnɉamɛn lonnii hee lɔi ka tii a gwəliɠaa laa.

Nwun mąąɓo 1:21

Yii ɓaa Ɉebusə nuą ŋɛ̨i kɛ heeni Ɉerusalɛmə daai, Bɛnɉamɛn nu huwu hvo di kpɛ. Ɉebusə nuą di lɛɛ heeni Ɉerusalɛmə daai, da Bɛnɉamɛn nu huwu, da diɛni di kaa háákələi laa.

Nwun mąąɓo 1:8

Ɉuda nuą di kɔ́ pɛlɛ Ɉerusalɛmə taa ɓa, di yee ə tɛɛ mą, di nuą kəlee paa a ɓɔwa, di nwɔ̨n bili daai.

Nwun mąąɓo 19:10

Yili nwɛi, ɉulɔnui tii hvo kɛa hvaa mą, di di muhəɠə, di hvilɛn bələ pɔ, yaa, nwɔ wɛlinɛ̨ą da nwɔ hoohvaalən veelɛi. Di lɛɛ pai, di həli Ɉebusə daa kpala, ya ɓaa a Ɉerusalɛmə.