Zasua 12:1 - Yálá laawoo hɛɓɛ (dc)

¹ Nɔiɠaa tii Israɛlə lonnii di ɉu tɔɔɓɛlaa hon kɔ́ hu ɛlɛɛ, diɛ nɔi həɠə a di wɔɔ voló ɓɛlai pələ Ɉurdɛn lííla pələ diɛ ka: ə həɠə Arnɔn yá ɓoloon bɔ ə həli la Hɛrmɔn yee ɓa, da Ɉurdɛn ɲá-ɓoloon bɔ lɔi kəlee voló ɓɛlai pələ.

Yálá laawoo hɛɓɛ

¹ Nɔiɠaa tii Israɛlə lonnii di ɉu tɔɔɓɛlaa hon kɔ́ hu ɛlɛɛ, diɛ nɔi həɠə a di wɔɔ voló ɓɛlai pələ Ɉurdɛn lííla pələ diɛ ka: ə həɠə Arnɔn yá-ɓoloon bɔ ə həli la Hɛrmɔn yee ɓa, da Ɉurdɛn ɲá-ɓoloon bɔ lɔi kəlee voló ɓɛlai pələ.

Bible

¹ Gâloŋ-ŋai ká ŋí Eezuɛ-ŋai dí díyee mɛi ɣâle dí dílɔii-ŋai síɣei. Dí ǹɔii-ŋai ŋí siɣe é kúla Zɔdiŋ Ya-leei pôlu vóloi kulâi-pere pere é tóo Ano tiŋ-tiŋ su Ɛmɔŋ Yeei kwára da vɛ̃ɛ-kpâlaŋ su kélee vólo-kulâi-pere.

Zasua 12:1 ပူးပေါင်းရင်းမြစ်များ

Tɔɔɓɛlaa dɔlɔɔ 4:19

Uri lon Gɛvɛrə ə ɓo Galaadə lɔi nwun na, Amɔrə nuą di wɔ tɔɔmun Sihɔn da Basan tɔɔmun Ogə nwɔ lɔi. Di ɲąąwooɓomun ə kɛ tanɔ̨n.

Mąątɛ̨nɛ̨ 133:3

Gaa yɛ nɛ̨nɲái a yɛɛ a Hɛrmɔn yee, yɛ yɛɛ Siɔn yeeɠaa nwuɔ̨. Nąą ɓə Yai-Laa ə naa gwəi, yɛ lúwɔ́ kɛ laa; a yíinɛ̨ɛ̨i kpɛɛ hvo mą!

Mąątɛ̨nɛ̨ 136:21

Yili pulu, ə di wɔ lɔiɠaai tɛɛ nwɔ nuąi pɔ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Mąątɛ̨nɛ̨ 89:12

Ə́ pɔɔ ɓaa a Yələkɔlɔn! Ə́ pɔɔ ɓaa a lɔi! Yɛnɛ̨ɛ̨ bili-pili gee mɛ̨i da ɉu hɛn gɔwɠaa, yɛ́ ɓə di pɛli.

Azaya 16:2

Moabə nɛ̨ɛ̨lɛa kaa pai kɛi yɛ nwɛ̨niɠaai daa di kpɛ di taa ŋą, diɛ pu, diɛ Arnɔn ya teen.

Lonon mo 21:13

Di həɠə laa də li di tɔɔ Arnɔn yá pulu pələ, yai a tɛɛ nɔi pun ɉu, yɛ yɛɛ Amɔrə lɔi hu pələ. Arnɔn yá ɓə kɛ a Moabə lɔi ɲɛn. Moabə nuą da Amɔrə nuą di ɲɛn ni.

Lonon mo 21:21

Israɛlə ə nuą tɔɔ diɛ li Amɔrə tɔɔmun Sihɔn pɔ, diɛ kɛ mą:

Lonon mo 21:24

Israɛlə ə ɓɔ ɉu a nwɔ kɔ́ kɔ́ ɓɔwa, ə nwɔ lɔi hon, ə həɠə Arnɔn yá ɓa, ə həli la Yabɔkə yá ɓa; ə həli kpɔ la Amɔn lonnii ɲɛn ma. Hįį kpoloon dɔɔ di wɔ lɔi ɲɛn ma.

Lonon mo 32:19

Kɛlaa, ku wɔɔ hvo kɛa pai kɛi ɉɛnŋąąi pai hɔlɔɓoi Ɉurdɛn pulu di hu, mąąhɔlɔɓo ku wɛi kaa voló kulɔi pələ ɲá pulu ɓɛli pələ.

Lonon mo 32:32

Kuɔ kpinįi ku hąą yiliɛ, ku ku wɔ kɔ́laɠai həɠə, ku tɛɛ Kanaan lɔi hu, Yai-Laa ɲɛ̨i ɓa. Kɛlaa, ɓɛi nąą kaa pai kɛi a ku kwɛlin nɔi, nąą kaa Ɉurdɛn yá pulu, ɓɛli pələ.»

Lonon mo 32:33

Moisə ə Amɔrə nuą di wɔ tɔɔmun Sihɔn nwɔ lɔi da Basan tɔɔmun Ogə nwɔ lɔi tɛɛ Gadə da Rubɛn lonnii, da Ɉosɛfə lon Manase huwu bələ tɔ̨nɔ̨ pɔ, nɔi da nwɔ taaɠaa, bɛlɛɛ nwɔ yɛɛ kɔ́wɔɠaa diɛ, da di kwɛlɛ taaɠaa.

Dutɛrɔnome 2:24

Yili pulu Yai-Laa yɛ diɛ: «Ka ka muhəɠə, ka bələ həɠə, ka Arnɔn yá teen; Ŋą́ą́ Hɛsbɔn, yii gaa a Amɔrə tɔɔmun da nwɔ lɔi lɔ ka yee ŋą; gbala ə tɔɔ, ə kɔ́ pɛlɛ mą, ə wóló mą a kɔ́.

Dutɛrɔnome 2:32

Sihɔn ə kulɔ ə gu laakwiɛn a kɔ́; yaa da nwɔ lɔi hu nuą kəlee, Yasa.

Dutɛrɔnome 3:1

Gu tinɛ̨n gu ɉon a Basan lɔi hu pələ; kɛlaa, Basan tɔɔmun Ogə ə kulɔ, ə gu laakwiɛn a kɔ́, Ɛdrɛi, yaa da nwɔ lɔi hu nuą kəlee.

Dutɛrɔnome 4:44

Bələ ɓə Moisə ə dɔ́n dɛɛ la Israɛlə lonnii pɔ.

Dutɛrɔnome 4:46

Di dɔ́nŋąą da díɓoɠaa tii hukulɔ Israɛlə lonnii diɛ, di hvo ni kɛ Ɉurdɛn teen ni, di kɛ Bɛtə-Peɔrə. Di kɛ Amɔrə tɔɔmun Sihɔn nwɔ lɔi hu, yai kɛ heeni Hɛsbɔn. Moisə da Israɛlə lonnii di dɔɔmun tii paa ɓɛlɔwai di kulɔ la Eziptə lɔi hu.

Dutɛrɔnome 4:48

Ə həɠə Aroɛrə ɓa, yaa tii gaa Arnɔn kwɛlɛ, ə həli la Siɔn yee ɓa, yaa lɔ ka tii da kɛ mą: Hɛrmɔn,

Zasua 1:15

ə lɛɛ ɉu, Yai-Laa ə hvįįtɔɔ tɛɛ di pɔ, yɛ kaa, di di wɔ lɔi hɔlɔɓo diɛ kpɛli. Nɔi ŋɛ̨i Yai-Laa ka wɔ Yálá ə dɛɛ ka pɔ ɉu. Yili pulu, ka pənə ka pa, ka hee ka wɔ lɔi hu, ɓɛi Yai-Laa nwɔ tímun Moisə ə nąą tɛɛ ka pɔ a ka wɔɔ Ɉurdɛn yá pulu voló həɠəi pələ.»

Zasua 11:17

Ə həɠə Halakə yee ɓa, yaai tɔɔni Seirə pələ, ə həli la Baalə-Gadə ɓa, Liban yɛɛ kɔ́wɔ hu, Hɛrmɔn yee kɔ́wɔ mu. Ə nąą tɔɔɓɛlaa kəlee hon, ə di paa a ɓɔwa.

Zasua 11:3

Kanaan nuą di kɛ voló ɓɛlai pələ, da voló tooi pələ. Amɔrə nuą, Hɛtə nuą, Perizi nuą, Ɉebusə nuą, di kɛ ɲee lɔiɠaa hu. Hivi nuą di ɓo Hɛrmɔn yee kɔ́wɔ mu Mispa lɔi hu.

Zasua 13:8

Manase huwu bələ tɔ̨nɔ̨ da Rubɛn huwu, da Gadə huwu daa di hee lɔi hɔlɔɓo; a yaai Moisə ə dɛɛ di pɔ voló ɓɛlai pələ ka hvo nii kɛ Ɉurdɛn teen ni, Yai-Laa nwɔ tímun Moisə ə di wɛi tɛɛ di pɔ.

Zasua 22:4

A kɛ tii kɛa, yii Yai-Laa ka wɔ Yálá aa liilaa tɛɛ ka nąn nonnii pɔ, yɛ bələi ə mo la diɛ, ka pɛli kɛa lii ka pɔ taaiɠaa ɓa, ka pɔ lɔi, yai Yai-Laa nwɔ tímun Moisə ə naa tɛɛ ka pɔ, ɓɛlɔwai gu hvo nii kɛ Ɉurdɛn yá teen ni la.

Nwun mąąɓo 11:18

Yili pulu, di pənə di pulu, di Edɔmə lɔi da Moabə lɔi mąą kpəlaan, di həli Moabə lɔi voló həɠəi pələ. Nąą ɓə di di taa pu laa Arnɔn ɲá kwɛlɛ, di hvo lɔ Moabə lɔi hu, Arnɔn ɓə kɛ a Moabə lɔi ɲɛ̨n.