Zasua 11:2 - Yálá laawoo hɛɓɛ (dc)

² ə lɛɛ, ɲánwuɔ̨ pələ ɲee lɔi hu: Ɉurdɛn ɲá-ɓoloon bɔ, Kinerotə kɔ́wɔ mu pələ; nɛ̨ŋɛ̨ lɔi hu da Dɔrə yeeɠaa, voló tooi pələ.

Yálá laawoo hɛɓɛ

² ə lɛɛ, ɲánwuɔ̨ pələ ɲee lɔi hu: Ɉurdɛn ɲá-ɓoloon bɔ, Kinerotə kɔ́wɔ mu pələ; nɛ̨ŋɛ̨ lɔi hu da Dɔrə yeeɠaa, voló tooi pələ.

Bible

² gâloŋ-ŋai kɛ̀ Kpɛlɛɛ-pere ǹyée lɔii sui, nyíi-ŋai kɛ̀ Araba Galalii Poai kwára-pere da ditiŋ lɔii sui é pɛ́lɛ diai pɔ́ naa kɛ̀ Nafɔdɔ vóloi liî-perei.

Zasua 11:2 ပူးပေါင်းရင်းမြစ်များ

Tɔɔɓɛlaa dɔlɔɔ 15:20

Tɔɔmun Asa woo tii ə nɛ̨ɛ̨ Bɛn-Hadadə ɓa. Ə nɛɛ mą, ə nwɔ kɔ́kulááɠaa tɔɔ, di kɔ́ pɛlɛ Israɛlə taaɠaa diɛ, di Iyɔn, Dan, Avɛlə-Bɛtə-Maaka kɛlɛ, da Kinerotə taa kəlee, da ɓɛi kpɔ kɔ́ kɔ́ kwɛli hɛn ə kɛ laa Nɛftali.

Tɔɔɓɛlaa dɔlɔɔ 4:11

Avinadavə lon mə kɛ Dɔrə lɔi nwun na; ya ɓə Salomɔn lon Tafatə həɠə a nɛ̨ą.

Lonon mo 34:11

Ə həɠə Sefamə, ka ɲɛn a yɛɛ Rivla tənən ma pələ, nu a kɛ Ain voló həɠəi pələ; yili pulu, ə yɛɛ ə hee Kinerɛtə yee kpu kpu ɓa gboloyá kwɛlɛ,

Lukə 1:39

Nąąlɔwai tii hu, Mari ə muhəɠə kpɔlɔ tii ŋąąɓa, yɛ li Ɉuda lɔi ɲee tonna taaɠaa tii tɔ̨nɔ̨ hu.

Lukə 5:1

Yələ ta, Jesus ə kɛ Gɛnesarɛtə bowaya kwɛlɛ, nu kpulu kɛnɛ̨ ə pa bɔ diɛ di kee hvana, əgɛ, di Yálá laawoo mɛ̨n.

Zasua 10:40

Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Zasua 10:6

Gabaɔn nuą di nuą tɔɔ Ɉosue pɔɔli Gilgalə daai, diɛ kɛ mą: «Hvo kulɔ ə́ wɔ luwɔɠaai pulu, di hvo pa too, pa ɉa-ɉa ku pɔ, ə́ ku ɓalo ə́ ku mąą kɔ̨nwɔ̨ Amɔrə tɔɔɓɛlaai tii ɲee lɔiɠaa hu, daa di ɲąąkpɔn diɛ pa woloi kuɔ, di yəi.»

Zasua 11:16

Bələ ɓə Ɉosue ə nɔi kəlee hon na: Ɲee lɔwai lɔi kəlee, ɉɛɠɛɛ pələ lɔi kəlee, Gosɛn lɔi kəlee, nɛ̨ŋɛ̨ hu lɔi kəlee, Ɉurdɛn ɲa-ɓoloon bɔ lɔi, Israɛlə yeeɠaa da nɔi kɛ gɔwɔ mu.

Zasua 11:21

Nąąlɔwai, Anakə nuąi kɛ heeni yeeɠaa ɓa, Ɉosue ə gəlee paa, diɛ kɛ a Hebrɔn nuą, Devirə da Anavə nuą, ə mą kɛ da yiiɠaai kɛ Ɉuda yeeɠaa ɓa, da Israɛlə yeeɠaa. Ɉosue ə gəlee nwun na pili da di wɔ taaɠaai.

Zasua 12:23

Dɔrə, Dɔrə yee tona tɔɔmun nu tɔ̨nɔ̨. Goimə, Galilə kwɛlɛ tɔɔmun nu tɔ̨nɔ̨.

Zasua 12:3

Yili pulu Ɉurdɛn ɲá-ɓoloon bɔ lɔi, ə həli la Kinerotə gboloyá ɓa, ə həɠə nwɔ̨nɔ̨ voló ɓɛlai pələ ə li la Ɉurdɛn ɲá-ɓoloon bɔ gboloyá kponą ɓa voló ɓɛlai pələ, nu a kɛi li Bɛtə-Yesimotə pələ, ɛlɛɛ da ɉɛɠɛɛ pələ Pisga yee kɔ́wɔ mu.

Zasua 13:27

Nɛ̨ŋɛ̨ hu pələ, Bɛtə-Haramə, Bɛtə-Nimra, Sukotə, Safɔn, Hɛsbɔn tɔɔmun Sihɔn nwɔ lɔi gbəli, ɛlɛɛ, ə pɛlɛ la Ɉurdɛn da gwɛlɛ lɔiɠaa diɛ, Kinerɛtə gboloyá gbɛlai pələ, Ɉurdɛn pulu voló ɓɛlai pələ.

Zasua 17:11

Isakarə da Asɛrə di wɔ lɔi hu, Bɛtə-Sean da ɲeemu taaɠaa di kɛ Manase yəi, da Yivleamə ə mą kɛ ɲeemu taaɠaa, Dɔrə taa da ɲeemu taaɠaai, Ein-Dɔrə da ɲeemu taaɠaa, Taanakə da ɲeemu taaɠaa, Megido da ɲeemu taaɠaa. Ɲee lɔwai taa haaɓai diɛ kpɛli.

Nwun mąąɓo 1:27

Manase nu huwu di hvo pɛli Bɛtə-Sean da gwɛlɛ lɔiɠaa hon ɉii, ə mą kɛ Taanakə da gwɛlɛ lɔiɠaa, ə mą kɛ Dɔrə da gwɛlɛ lɔiɠaa, ə pɛlɛ la Yivleamə da gwɛlɛ lɔiɠaa, ə mą kɛ Megido da gwɛlɛ lɔiɠaa; Kanaan nuą di lɛɛ lɔ heeni nɔi tii hu.