Zasua 11:15 - Yálá laawoo hɛɓɛ (dc)

¹⁵ Yili ɓə Yai-Laa ə mo nwɔ tímun Moisə ɓa, Moisə yaan, ə Ɉosue tí la. Bələ yaan nɔ ɓə Ɉosue ə gɛ la. Mɛ̨nįɠaa kpɔ Yai-Laa ə Moisə tí la, Ɉosue hvo dɔ̨nɔ̨ kpɛli lɛɛ pulu; ə gəlee kɛ.

Yálá laawoo hɛɓɛ

¹⁵ Yili ɓə Yai-Laa ə mo nwɔ tímun Moisə ɓa, Moisə yaan, ə Ɉosue tí la. Bələ yaan nɔ ɓə Ɉosue ə gɛ la. Mɛ̨nįɠaa kpɔ Yai-Laa ə Moisə tí la, Ɉosue hvo dɔ̨nɔ̨ kpɛli lɛɛ pulu; ə gəlee kɛ.

Bible

¹⁵ M̀ɛnii tí ƃé Yâwɛɛ è mò ŋɔyée mu nuui Mose ma a gɛ́ɛ é gɛ́. M̀ɛnii kélee Yâwɛɛ è mò Mose mai, Mose è mò Zasua ma. Ǹyaŋ Zasua è Yâwɛɛ wóo mɛni. Zasua è m̀ɛnii kélee kɛ̀ Yâwɛɛ è mò Mose mai.

Zasua 11:15 ပူးပေါင်းရင်းမြစ်များ

Kɔlɔnikɔ Veerɛi 30:12

Ɉuda lɔi hu ɓə Yálá ə tunwɔ̨n naa nuą lii ɓa, nu kəlee di hvaa mą, mɛ̨nįi tii tɔɔmun da nwɔ kalanɉonŋąą di mo, di ɉon, di bɔ mɛ̨nį kɛ yɛ bələi Yai-Laa hvaawoo ə kɛ la.

Lonon mo 33:50

Ɓɛlɔwai nuą di kɛ la Moabə yɛɛ kɔ́wɔ hu Ɉurdɛn kwɛlɛ, Ɉeriko tənən ma, Yai-Laa ə kɛ Moisə ɓa:

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Maafîu 23:23

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo ɓɛlaai kaa! Mąąhɔlɔɓo, ka ka hɔlɔɓo hɛn bow nąn tɛɛ Yálá pɔ, ə mą kɛ ka yəi ɲɛa nɔwɠaa kəlee. Kɛlaa, ka dɔ́n yiiɠaai lɛɛ laa, yɛ pələi: tələnmolaa, túwɔ́ pələ lɛlɛ da woo tɔ̨nɔ̨ nąmu laa kaa la. Mąąnɛ̨ɛ̨i kɛ kaa kɛi yiiɠaa tii kɛ, ka hvo gbəliɠaa ŋɛ̨i lɛɛ pulu.

Lukə 11:42

«Farisiɛ̨ɠaa, kpalo ɓɛlaai kaa! Ka ka hɔlɔɓo hɛn bow nąą tɛɛ Yálá pɔ, ə mą kɛ, ka yəi ɲɛa nɔ́wɠaa, da yiiɠaai ka doo nɔ́w hu, yɛ mąą kun nɛ̨ɛ̨ la. Kɛlaa, tələnmolaa da Yálá wɛli la kɛɛ, kaa yiliɠaai lɛɛ laa. Yaamun, yiliɠaa ɓə kɛ mąąnɛ̨ɛ̨i kɛ kaa gɛ, ka hva yiiɠaai tii ta lɛɛ pulu.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Dutɛrɔnome 31:3

«Yai-Laa ka wɔ Yálái yaa kpinįi ɓə pai tɔɔi ka ɲɛ̨i tɔwɔ, yaa kpinį ə nu huwuɠaa tii kpɛ ka ɲɛ̨itɔwɔ ɲa pulu ɓɛli pələ, yɛ nɔi kulɔ di yəi yɛ dɛɛ ka pɔ. Ɉosue ɓə pai tɔɔi ka ɲɛ̨i tɔwɔ, yɛ bələi Yai-Laa ə mo la kaa.

Dutɛrɔnome 31:5

Yai-Laa kaa pai di lɔi ka yee ŋą; ka di hon yɛ bələi ŋį́ ka tí la.

Dutɛrɔnome 31:7

Yili pulu, Moisə ə Ɉosue təli Israɛlə nuą kəlee ɲɛ̨i ɓa, yɛ mą: «Ə́ liikpələ, ə́ tɔɔ a ə́ nwąnąi, nɔi ŋɛ̨i Yai-Laa ə gwɛla nuą ŋɛ̨i di kalaɓɔlɔni diɛ, yɛ kɛ gaa dɛɛi di pɔ, yɛ́ ɓə tɔɔi nuą ŋɛ̨i ɲɛ̨itɔwɔ, ə́ di lɔ nɔi tii hu, di gɛ a di kwɛlin, di hee laa.

Dutɛrɔnome 4:2

Dɔnŋąą ŋɛ̨i gáá dɛɛi ka pɔ, mąą hvo nɛ̨ɛ̨li ka hvo da kulɔ mą, ka hvo da pɛlɛ mą. Ka Yai-Laa ka wɔ Yálái nwɔ tɔ́nŋąą hon yai gáá dɛɛi ka pɔ.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Dutɛrɔnome 7:2

ɲələi Yai-Laa ka wɔ Yálái kaa pai di lɔi la ka yee ŋą, kaa di hon kɔ́ hu, mąąnɛ̨ɛ̨ ka gəlee paa kpɔ tɛ̨ɛ̨tɛ̨ɛ̨. Ka diɛni ka hvo wɛlikɛmąą mįnɛ̨ həɠə, ka hvo di ɲɛ̨imąąwɛli kaa.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 11:12

Ɉosue ə daaɠaa kəlee hon, da ɉu tɔɔɓɛlaa, ə di kɛ a kɔ́ kɔ́ ɓɔwa kɔ̨nɔ̨n da daai nuą kəlee, yɛ bələi Yai-Laa nwɔ tímun Moisə ə mo la.

Zasua 11:14

Israɛlə nuą di daaɠaa tii hu hɛnŋąą, da daatɛlɛɛɠaa kəlee həɠə a kɔ́ pulu hɛn. Kɛlaa, di nu kanŋaa kəlee paa kpɔ tɛ̨ɛ̨-tɛ̨ɛ̨, di hvo kpɛli nu ta lɛɛ a vulú.

Zasua 11:16

Bələ ɓə Ɉosue ə nɔi kəlee hon na: Ɲee lɔwai lɔi kəlee, ɉɛɠɛɛ pələ lɔi kəlee, Gosɛn lɔi kəlee, nɛ̨ŋɛ̨ hu lɔi kəlee, Ɉurdɛn ɲa-ɓoloon bɔ lɔi, Israɛlə yeeɠaa da nɔi kɛ gɔwɔ mu.

Samuɛlə dɔlɔɔ 15:11

«Saulə heei ŋɛ̨i ŋą́ mo a tɔɔmun, ŋą́ą́ nwóó yali bulu. Mąąhɔlɔɓo, aa bulu tɔɔ mą́ą́, wooi ŋą́ mo mą, hva ɉon.» Samuɛlə kwəi ə pili mą, gbinįi tii yee mu, yɛ nwoo tɛ Yai-Laa ɓa.