Zasua 10:8 - Yálá laawoo hɛɓɛ (dc)

⁸ Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Yálá laawoo hɛɓɛ

⁸ Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Bible

⁸ Zasua-ni dí lɛ́ɛ pâi liî, Yâwɛɛ è m̀o ma ǹyɛɛ, “Ífe yao Amɔra-ŋai dîa, kpɛ́ni fêi, ŋa díkelee dítɛɛ ípɔ. Dítɔnɔ kpîŋ fé pâi pɔrîi tɔɔ̂i íŋɛ́i.”

Zasua 10:8 ပူးပေါင်းရင်းမြစ်များ

Tɔɔɓɛlaa dɔlɔɔ 20:13

Kɛlaa, Yálá kwəi mɛ̨nį hukulɔ mun da ə pa tɔɔmun Akabə pɔ, yɛ mą: «Mɛ̨nįi Yai-Laa ə mo ya ka, yɛ: Yáá nu kpɔn gɛnɛ̨ɛ ŋɛ̨i kaa, gáá gəlee tooi ə́ yee ŋą, yili ɓə yá gɔlɔn na yɛ́ diɛ ɲą́ą́ ɓə a Yai-Laa.»

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Dutɛrɔnome 3:2

Yai-Laa yɛ mą́ą́: «Hvo ɲɔw mą! Mąąhɔlɔɓo, ŋą́ą́ doo ə́ yee ŋą, da nwɔ lɔi hu nuą kəlee, bɛlɛɛ nwɔ lɔi ɓa. Naa mą yɛ bələi ə́ naa la Amɔrə nuą di wɔ tɔɔmun Sihɔn ɓa, yai kɛ heeni Hɛsbɔn daai.»

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Zasua 10:9

Həɠəi Ɉosue ə mo Gilgalə, ə yíi hiɛi pili-pili, ə wolo diɛ di tɛɠii.

Zasua 11:6

Yai-Laa yɛ Ɉosue ɓa: «Hvo ɲɔw diɛ! Tinąą, kpɔlɔ a ɓɛlɔwai, ŋą́ di lɔ Israɛlə nuą yee ŋą a di powa. Ə́ kaa pai di wɔ hooɠaai kɔ́wɔ pulu laną teei, yɛ di wɔ kɔ́ kɔ́ wotoloɠaai kələn.»

Zasua 8:1

Yai-Laa yɛ Ɉosue ɓa: «Hvo ɲɔw, ə́ wɔ kɔ́kulááɠaai həɠə, ə́ li ə́ kɔ́ pɛlɛ Ai taa ɓa. Ə́ kaa gaai, ŋą́ą́ daai tii ɉu tɔɔmun, ɉu nuą da nwɔ lɔiɠaai kəlee tɛɛ ə́ pɔ.

Nwun mąąɓo 6:16

Ya ɓə, Yai-Laa a kɛ mą: «Gáá pai kɛi ə́ pɔ, yili ɓa, ə́ kaa pai Madian nuą kɛlɛi, yɛ yá kɛi nu tɔ̨nɔ̨ kɛlɛ.»

Nwun mąąɓo 7:9

Mąą kpinįi tii hu, Yai-Laa yɛ Zedeɔn ɓa: «Ə́ muhəɠə, ɲee yɛɛ, ə́ kɔ́ pɛlɛ Madian nuą diɛ, ŋą́ą́ di tɛɛ ə́ pɔ.

Samuɛlə dɔlɔɔ 17:47

Nu kpului kpɔ buɔ ŋɛ̨i, gəlee kaa pai laai na, diɛ kɛ ɓɔwa da kpala hvəi Yai-Laa a kɔ́ nɛ̨ɛ̨ la nu ɓa, kɛlaa Yai-Laa ɓə a kɔ́ nąmu, yaa tii ɓə pai ka lɔi ku yee ɲą.»