Zasua 10:40 - Yálá laawoo hɛɓɛ (dc)

⁴⁰ Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Yálá laawoo hɛɓɛ

⁴⁰ Ɉosue yee ə tɛɛ ɲee hu lɔi kəlee ɓa, nɛ̨ŋɛ̨ lɔi da ɲá kwɛlɛ lɔi, da di wɔ tɔɔɓɛlaa kəlee, hvo da lɛɛ a vulú; hɛn nɔpee nɔ̨ɔ̨ kaa ɉu, ə gəlee kulɔ a haláá Yálá ɓa. Yɛ bələi Yai-Laa Israɛlə nwɔ Yálá ə mo la.

Bible

⁴⁰ Zasua è nâa lɔii-ŋai ŋí kélee sìɣe: ǹyéei su taai, vɛ̃ɛ-kpâlaŋ su-taai, díŋ-tiŋ su-taai, da ǹyéei pɛ̂rɛi taa-ŋai. È ǹaa-ƃelai kélee da díkâloŋ-ŋai pâa, kpɛ́ni fêi, Yâwɛɛ, Eezuɛ Ŋɔɣâlai è mò mà a gɛ́ɛ é gɛ́ tí.

Zasua 10:40 ပူးပေါင်းရင်းမြစ်များ

Tɔɔɓɛlaa dɔlɔɔ 15:29

Ə dɔɔlaa hɔlɔɓo lɔ, ə Ɉeroboamə nwɔ pɛ́lɛ́i kəlee mu nuą paa. Hvo nui lɔpee ta lɛɛ Ɉeroboamə yəi bɛlɛ́n a vulú; yɛ bələi Yai-Laa ə nɔ la nwɔ tímun Ahiya la, yai kɛ a Silo mun.

Nehemi 9:24

Di lonnii di lɔ laa, di ɉɔlɔɓo a di wɔɔ, ə́ nɔi hu nuą lɔ di mu, diɛ ɓaa Kanaan nuą, ə́ di too di yee kɔ́nma, da di wɔ tɔɔɓɛlaai, da nu kanŋaa, diɛ di hon a di liiɓa.

Mąątɛ̨nɛ̨ 9:17

Yai-Laa aa gbɔwɔ lɛ, aa gití hu woo ɓo, nui hva kulɔ nwoo ɓa, gbɔwɔ kpįnįi hɛlɛn lɔ ɓə, yá ɉon na.

Lɛɛ gbɔwɔ ɓa 34:12

Ka gɛ a nɛlɛɛ, nɔi ɲɛ̨i ka kaa lɔi ɉu, ka ɉu nuą ka hvo mįnɛ̨ həɠə, yili a nei kɛ a hɛlɛn ka tɔwɔ.

Lonon mo 13:17

Moisə ə di tɔɔ, diɛ li Kanaan lɔi mąą kpɛɛi, yɛ diɛ: «'Ka tɛɛ a nɛ̨ŋɛ̨ lɔi hu pələ, ka lɔ ɲee lɔi hu.

Dutɛrɔnome 1:7

Ka ka muhəɠə, ka ɉon a Amɔrə yee hu pələ, da gwɛlɛ nuą kəlee di wɔ lɔi hu, Ɉurdɛn ɲá-ɓoloon bɔ pələ, ɲee lɔi hu, nɛ̨ŋɛ̨ hu lɔi, Negɛvə nɔi pun ɉu, gboloyá kwɛlɛ, Kanaan lɔi hu, da Liban lɔi, ə həli kpɔ ɲá kɛnɛ̨ Eufratə ɓa.

Dutɛrɔnome 2:34

Gu lɔ nwɔ taaɠaai hu, guɔ daaɠaai kəlee kɛ a haláá hɛn Yai-Laa ɓa. Ɉinąą, nɛ̨ąą da nɛapɛlɛɛ, gu hvo da lɔpee lɛɛ a vulú.

Dutɛrɔnome 7:24

Gaa pai di wɔ tɔɔɓɛlaa tooi ka yee ŋą ka di laa kpɛɛ lɔi mɛ̨i, dai lɔpee hvo pai tɔɔi ka la; ə lɛɛ ɉu, ka di huwu pu kpɔ tɛ̨ɛ̨tɛ̨ɛ̨.

Zasua 10:35

Di ɉon nɔ a mąą yələ, di nɛɛ a kɔ́ kɔ́ ɓɔwa kɔ̨nɔ̨n; nuąi kpɔ kɛ laa, ə di kɛ a haláá hɛn a volói tii lɔ, yɛ bələi ə gɛ la a Lakisə.

Zasua 10:37

Di ɉon, di gɛ a kɔ́ kɔ́ ɓɔwa kɔ̨nɔ̨n, yaa, da ɉu tɔɔmun, da nwɔ taaɠaa kəlee, da nuąi kpɔ kɛ laa, hvo nu tɔ̨nɔ̨ kpɛli lɛɛ a vulú. Ə di kulɔ a haláá Yálá ɓa.

Zasua 10:39

Di daa hon da ɉu tɔɔmun, da gwɛlɛ taaɠaa kəlee. Di nu kəlee kɛ a kɔ́ kɔ́ ɓɔwa kɔ̨nɔ̨n; nuąi kpɔ kɛ laa di di kɛ a haláá Yálá ɓa, Ɉosue hvo nu ta lɛɛ a vulú. Di Devirə taa da ɉu tɔɔmun di hon bələ kɛ yɛ bələi di gɛ la a Hebrɔn taa, yɛ Livna taa da ɉu tɔɔmun.

Zasua 11:16

Bələ ɓə Ɉosue ə nɔi kəlee hon na: Ɲee lɔwai lɔi kəlee, ɉɛɠɛɛ pələ lɔi kəlee, Gosɛn lɔi kəlee, nɛ̨ŋɛ̨ hu lɔi kəlee, Ɉurdɛn ɲa-ɓoloon bɔ lɔi, Israɛlə yeeɠaa da nɔi kɛ gɔwɔ mu.

Zasua 12:8

Yee ɓa, da nɛ̨ŋɛ̨ lɔi hu, Ɉurdɛn ɲa-ɓoloon bɔ lɔi hu, ɲee lɔwai lɔi hu, nɔi pun ɉu da Negɛvə. Hɛtə nuą, Amɔrə nuą, Kanaan nuą, Perizi nuą Hivi nuą, da Ɉebusə nuą di wɔ lɔiɠaa li kɛ.

Zasua 18:21

Bɛnɉamɛn huwu nwɔ taaɠaai heekpəlin na kɛɛ kɛ a gwəliɠaa laa: Ɉeriko, Bɛtə-Hɔgla, Emɛkə-Kesisə,

Zasua 6:17

'Ka daa ŋɛ̨i hu hɛnŋąą kəlee kala kpɔ tɛ̨ɛ̨tɛ̨ɛ̨, Yai-Laa mąą mɛ̨nį ɓa; daa ŋɛ̨i da ɉu hɛnŋąą kəlee dɔ̨nɔ̨ kpɛli hvo kulɔ, hvo kɛ li lɔ nwɛlikɛnɛ̨ɛ̨nui ŋɛ̨i da kɛ mą: Rahabə, ka nɛɛ a vúlu, da hɛn kpɔ gaa ɲəi bɛlɛ́n. Mąąhɔlɔɓo, gɔ́ nɛ̨lɛ̨ɛ̨nŋąąi ku di tɔɔ, yaa tii ɓə di mɛ̨i kpulu.

Zasua 8:2

Bələi ə́ gɛ la a Ɉeriko taa da nwɔ tɔɔmun, bələ ɓə yá gɛ la a Ai taa da nwɔ tɔɔmun. Kɛlaa yaamun, hɛn kpɔ ka ɉɔlɔɓo laa, ə mą kɛ daatɛlɛɛɠaa, ka gəlee həɠə a ka wɔɔ, yɛ kɔ́ pulu hɛn. Ka bələ ɲąątɛ di tɔwɔ ɉįi la di pulu pələ.»

Zasua 8:27

Yii ɓaa Israɛlə nwɛi, bələi Yai-Laa ə mo la Ɉosue ɓa, bələ ɓə di gɛ la; di daai hɛnŋąą həɠə, da daatɛlɛɛɠaa.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.