Zasua 10:13 - Yálá laawoo hɛɓɛ (dc)

¹³ Ɛlɛɛ, hvóló ə kpəla ə tɔɔ, ɲąnin ə lɛɛ tɔɔni, ə lɛɛ ɉu, nuą di di nwąną kulɔ di yowoɠaa diɛ. Kɛlɛi yili pɛ̨ɛ̨ tələnmomun nwɔ hɛɓɛ́i hu-ee? Diɛ kɛ mą: Hvoló ə kpəla ə tɔɔ yələ kɔ́lɔn ɉąąi, hvo gɔwɔ mąąhulɔ hvo laa hvóló tɔ̨nɔ̨ ɲąą kpalaa yee mu.

Yálá laawoo hɛɓɛ

¹³ Ɛlɛɛ, hvóló ə kpəla ə tɔɔ, ɲąnin ə lɛɛ tɔɔni, ə lɛɛ ɉu, nuą di di nwąną kulɔ di yowoɠaa diɛ. Kɛlɛi yili pɛ̨ɛ̨ tələnmomun nwɔ hɛɓɛ́i hu-ee? Diɛ kɛ mą: Hvoló ə kpəla ə tɔɔ yələ kɔ́lɔn ɉąąi, hvo gɔwɔ mąąhulɔ hvo laa hvóló tɔ̨nɔ̨ ɲąą kpalaa yee mu.

Bible

¹³ Nya ƃe vóloi da ŋ̀áloŋ dí lɛ̀ɛ tɔɔni dítɔɔ̂i é lɛ́ɛ la zu Eezuɛ-ŋai dí díkpɔara-ƃelai yée mɛi ɣále. M̀ɛni pɔlɔi ŋí pɔ̃yɛ̂ɛi Zasua Ŋɔkɔlɔi su. Vóloi da ŋ̀áloŋ dí lɛ̀ɛ tɔɔni dítɔɔ̂i tɔnɔ ma a ɣele kûu tɔnɔ é lɛ́ɛ la zu Eezuɛ-ŋai dí díkpɔara-ƃelai yée mɛi ɣále.

Zasua 10:13 ပူးပေါင်းရင်းမြစ်များ

Samia Veerɛi 1:18

Bɛ̨ɛ̨i tələnmomun nwɔ hɛɓɛ́i hu. Davidə ə mo yɛ di Ɉuda lonnii mąąkwɛli gilɛn bili wələi tii ɓa.

Tɔɔɓɛlaa veelɛ 20:10

Ezekiasə ə Esai woo ŋąąpənə, yɛ mą: «Pɛlɛ kɔ́n nįnįn gwɛa laa nɛɛi, kɛlaa, kpuɔ la hvo nɛɛ li.»

Zôo 9:7

A hvaa mą hvóló hva muhəɠə, yɛ gɔlɔn ɉii kɛ pɛmɛ̨lɛ̨n gɔwɠaa diɛ.

Mąątɛ̨nɛ̨ 148:3

Hvóló ka ɲąnin! 'Ka mąątɛ̨nɛ̨, Pɛmɛ̨nɛ̨n-gɔwɠaa kəlee! 'Ka mąątɛ̨nɛ̨ a ka hvələ pələ.

Mąątɛ̨nɛ̨ 19:4

Hvo pɛ̨ɛ̨ li, di woo hva tɔɔ, nu hva di woo mɛ̨n.

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

Azaya 38:8

Ə́ ɲɛ̨i hee, Akazə nwɔ hvólói kɛ aa laa kpɔlɔ ŋą, gáá bənəi ŋą́ dɛ nwun ma.» Ɛlɛɛ, vóló ə pənə ə tɛ nwun ma.

Zooɛ 2:10

Nɔi yɛ dumo di tɔwɔ. Yələkɔlɔn yɛ kpɛlin. Hvóló da ɲąnin di hu yɛ kpinį. Pɛmɛ̨lɛ̨n-gɔw ta hva hvə lə.

Habakukə 3:11

Ə́ wɔ mɛ̨ɛ̨kɔwɠaa da kɛ koon ɉi, di wɔ kɛɛ pɔ̨nɔ̨ hu, ə́ wɔ kpalaɠaai di wɔ kɛɛ pɔ̨nɔ̨ kɛnɛ̨i hu ɲɛ̨i tɔwɔ, hvóló da ɲąnin di hva hiɛ.

Lonon mo 21:14

Di yili mąą mɛ̨nįi pɛ̨ɛ̨ Yai-Laa nwɔ kɔ́ kɔ́ hɛɓɛ́i hu, diɛ kɛ mą: «Wahɛbə yai gaa Sufa da nwɔ tɛɛyáɠaa; Arnɔn yá,

Lonon mo 31:2

«Israɛlə lonnii nwąną kulɔ, mɛ̨nį ɲɔ̨nwɔ̨ɔ̨i Madian nuą di naa diɛ mąą mɛ̨nį ɓa; hvó tɛɠa kɛ laai ə́ nąnni kwɛlɛ.»

Maafîu 24:29

«Mɔ̨nɔ̨ kpɛa-kpɛa tii tɛɛ pulu, ɲąąɓa, hvóló a tɛɠi, ɲąnįn hva kɛa hvóló, pɛmɛ̨lɛ̨n-gɔw diɛ kulɔ yələi diɛ too. Huwalawalaɠaai yələ kwəi, da kpɛlin.

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Lukə 18:7

A kɛ tii, Yálá hvo moɔ pai niiɓa nuą mąą hutɔɔi, a diɛi tii di kilitɔɔi mą; diɛ tómą bɔ pələ a hvóló da kpinį?

Gɛlaɠaa 2:20

Hvóló hu a kpinį, ŋąnin ə kpɔlu yɛ ɲąmą, yili a gbɛa kɛ, Ną́mu nwɔ hvóló mąąwiaa kɛnɛ̨i hvo tɛɠa pa.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

Zasua 10:14

Ə həɠə volói tii ɓa, hvóló ta hvo ta tɔɔli tii aa lɛɛ ɉu yiihu aa həli, a volói Yai-Laa ə lɛɛ la nu woo mu, mąąhɔlɔɓo, dɔɔi kɛ Israɛlə pulu.

M̀ɛni-lɛɛi 21:23

Daa-lee tii mąą kpaan və kɛ hvóló ɓa, ə mą kɛ, ɲąnįn, ɉu pono mɛ̨nį ɓa, gbala ə tɔɔ, Yálá ŋą mąąwiɛlaa ə kɛli ɉu pono, ɛlɛɛ, ŋą kpalan nən maa a Mɛlaa Lon.

M̀ɛni-lɛɛi 6:10

Di kɛli tomą a di woo kɛnɛ̨, diɛ kɛ mą: «Ku Nąmu mąąhəɠɛɛ, yɛ́i a Tɛ̨ą, mįnɛ̨ lɔwai ɓə, ə́ kaa pai giti teei la, ɛlɛɛ, ə́ ku ɲąmą kwələ kulɔ lɔi mɛ̨i heeɓo nuą diɛ?»

M̀ɛni-lɛɛi 6:12

Ɛlɛɛ, ŋą́ ɲɛ̨́i hee, ɓɛlɔwai di gɔlɔn ɉɛn mɛ̨ida nąą holoon na, lɔi ə kpɛlin gbɔ kɛnɛ̨, hvóló hu ə tɛɠi kpɔ hɛ̨-hɛ̨, ɛlɛɛ, ɲąnįn nąą kəlee ə kpɔlu yɛ ɲąmą.

M̀ɛni-lɛɛi 8:12

Malaka nąąn nąą ə nwɔ tului hvɛɛ, hvóló ɓɛlaɓoɔ ɉu haaɓa, bələ tɔ̨nɔ̨; ɲąnįn ɓɛlaɓoɔ ɉu haaɓa, bələ tɔ̨nɔ̨, da pɛmɛ̨lɛ̨n-gɔwɠaa ɓɛlaɓoɔ ɉu haaɓa, bələ tɔ̨nɔ̨, di di kɛlɛ, di hu ə tɛɠi; yələɓoɔ ə hvɛɠɛ a ŋą kɛɛpono ɓɛlaɓoɔ ɉu hvaaɓa, bələ tɔ̨nɔ̨, ə mą kɛ, kpinį yaa kpɛlimąn.

Nwun mąąɓo 16:28

Ya ɓə, Samsɔn ə nwoo tɛ Yai-Laa ɓa, yɛ mą: «Nwɔ́ mɛ̨nį Nąmu Yálá, nɛ̨ɛ̨ yɛ́, ə́ kiliŋąhiɛ ə́ vilɛn mą́ą́. 'Pənə ə́ nwɔ́ huwalawalai tɛɛ bɔ́ kpɔlɔ yii-hu. Nán Yálá! Ə gɛ ŋą́ nwąną kulɔ Filisti nuą diɛ, ɲɛ̨́ikɔw ŋɛ̨i di nwolo mąą mɛ̨nį ɓa.»

Nwun mąąɓo 5:2

«Israɛlə lɔi hu, kɔ́kulááɠaa kəlee hąą yiliɛi kɔ́ kɔ́ mɛ̨nį ɓa. Nɔi nuą kəlee daa di kpɔwɔ kwɛlɛ a di kwəinɛ̨ɛ̨, ə gɛ, di kɔ́ kɔ́: ka gu Yai-Laa mąąwiɛ.