Zasua 10:10 - Yálá laawoo hɛɓɛ (dc)

¹⁰ Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Yálá laawoo hɛɓɛ

¹⁰ Yai-Laa ə gɛ, di pu Israɛlə nuą ɲɛ̨i tɔwɔ, ə gɔ́ kala diɛ kpɔ hɔwɔ-hɔwɔ, Gabaɔn daai, ə hvilɛn di pulu Bɛtə-Horɔn yee ɓa pələ, ə hee di hu, ə lɛɛ kpɔ ɉu di həli Azeka di həli kpɔ la Makeda.

Bible

¹⁰ Yâwɛɛ è Amɔra-ŋai kɛ̀ wúlee, é gɛ́ Eezuɛ-ŋai dí dámaa páa Giƃiyɔŋ dílɛɛ gbéli-ŋai kpɛ̂i dí tɛ́ Bɛorɔŋ, díkɛ dípàa é lɛ́ɛ la zu dí sèri Azeka da Makeda daai.

Zasua 10:10 ပူးပေါင်းရင်းမြစ်များ

Samia Veerɛi 22:15

A mɛ̨ɛ̨kɔw pili pələ kəlee, yɛ yələgbąnąąn ɓɛla kɛɛnąą kəlee.

Tɔɔɓɛlaa dɔlɔɔ 9:17

Salomɔn ə pənə ə Gɛzɛrə taa tɔɔ. Salomɔn ə Bɛtə-Horɔn ɉɛɠɛɛ pələ tɔɔ.

Kɔlɔnikɔ Veerɛi 14:12

Asa da nwɔ nuąi di hvilɛn di pulu, di lɛɛ di kpɛi di li di həli Gerarə. Nubinuą paa pələi di di paa la, dɔ̨nɔ̨ kpɛli hvo dɔɔ mɛ̨i. Mąąhɔlɔɓo, di di huwolo Yai-Laa lííla da wɔ kɔlaɠai. Asa da nwɔ nuąi di li a ɉɛnŋąą tamąą tii di ɉon gɔ́ hu.

Kɔlɔnikɔ Veerɛi 25:13

Israɛlə kɔ́kuláaɠaa ŋɛ̨i Amasiasə ə lənə diɛ, di pa di too Ɉuda taa taɠaa mɛ̨i a kɔ́, ə həɠə Samari, ə pa ə həli la Bɛtə-Horɔn. Di nu waa haaɓa paa, di hɛn damąą həɠə a kɔ́ pulu hɛn nwalawalaɠaa.

Mąątɛ̨nɛ̨ 18:14

Yai-Laa ə lɛɛ yələkɔlɔn ɉu, ə yələgbąnąą ɓɛla, Hɛn Gəlee Nąmu ə hvaa.

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Mąątɛ̨nɛ̨ 68:14

Ə́ kaa pai lɛɛi laani gɔ́ɓuwu la? Ɓɛi tonwənən goonŋaa mąą puɔi laa a wali, nɛɠa ə ɓo a hɛni ɲɛ̨i paa.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Azaya 28:21

A tɛ̨ą, Yai-Laa kaa pai muhəɠəi a líiɲąnwąną, yɛ bələi ə gɛ la Perasimə yee ɓa, gaa pai vaŋą həɠəi, yɛ bələi ə gɛ la Gabaɔn yɛɛkɔ́wɔi, ɲɔ̨nwɔ̨ yee ə tɛɛ yili ɓa, lə kwəi pilimąą ɓəi! Nwɛ̨ą mɛ̨nį ka.

Azaya 30:30

Yai-Laa woo kaa pai kɛi tɔɔi a mąą ɲɔwuɔ, diɛ ɲee pili pələ kaa, nwɔ liiholi kɛnɛ̨ɛi hu, ə ɓo yɛ nwɔ̨n gɛnɛ̨ a kɛi kɛɛ kələn, yɛ hvaŋą tulɔ kɛnɛ̨ a kɛi pu, hanwon yɛ pu mu.

Ɉeremi 34:7

Ɓɛlɔwai Babilonə tɔɔmun ə kɛi gɔ́ pɛlɛ la Ɉerusalɛmə taa ɓa, da Ɉuda taaɠaai kɛi tɔɔ na, yɛ bələi Lakisə da Azeka di kaa laa, mąąhɔlɔɓo, diɛ ɓə a Ɉuda taaɠaai di mąąkpɛ hįi ə kɛ diɛ; di hvo ni kɛ daa hveelɛi tii hon ni.

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Dutɛrɔnome 7:23

Ə mą kɛ tii Yai-Laa ka wɔ Yálái kaa pai nu huwuɠaa tii lɔi ka yee ŋą; ə ɲɔw kɛnɛ̨ too di hu, ə lɛɛ ɉu di kpɛɛ kpɔ tɛ̨ɛ̨tɛ̨ɛ̨.

Zasua 10:11

Di kɛɛ pui Israɛlə tɔwɔ diɛ Bɛtə-Horɔn yee yɛɛ, Yai-Laa ə hanwon gbuwulu kpɛa-kpɛa kulɔ yələi pələ yɛ bu diɛ, di həli kpɔ Azeka, di haa. Yiiɠaai haa ɉanwon gbuwuluɠaa yəi, di tamąą di tɛɛ yiiɠaai Israɛlə nuą di di paa a ɓɔwa diɛ.

Zasua 10:28

Voló tɔ̨nɔ̨i tii yeemu, Ɉosue ə lɔ Makeda daai, ə ɉu nuą kɛ a kɔ́ kɔ́ ɓɔwa kɔ̨nɔ̨n, ə mą kɛ nąą tɔɔmun; ə di kəlee di paa kpɔ tɛ̨ɛ̨tɛ̨ɛ̨, hvo hɛn da lɔpee lɛɛ a vulúmąą, ə mą kɛ nu tɔ̨nɔ̨ ɓə, hvo nɛɛ laa a vulú; ə Makeda tɔɔmun ɉon, yɛ bələi ə Ɉeriko tɔɔmun ɉon na.

Zasua 10:9

Həɠəi Ɉosue ə mo Gilgalə, ə yíi hiɛi pili-pili, ə wolo diɛ di tɛɠii.

Zasua 11:8

Yai-Laa ə di lɔ Israɛlə yee ŋą, di yee ə tɛɛ diɛ. Di hvilɛn di pulu, di lɛɛ di kpɛi, di həli Sidɔn kɛnɛ̨mun ma Misrefotə-Maimə, da Mispe ɲɛɛ kɔ́wɔ hu, voló ɓɛlai pələ. Ɉosue yee ə tɛɛ diɛ, di hvo kpɛli nu tɔ̨nɔ̨ kpɛli lɛɛ a vulú.

Zasua 12:16

Makeda tɔɔmun nu tɔ̨nɔ̨. Betɛlə tɔɔmun nu tɔ̨nɔ̨.

Zasua 15:35

Yarmutə, Adulamə, Soko, Azeka,

Zasua 15:41

Gederotə, Bɛtə-Dagɔn, Naama, Makeda; gəlee ə kɛ a taa pow kɔ́w mɛ̨ida, da di wɔ taa pɛlɛɛɠaa.

Zasua 16:3

Yɛ yɛɛ voló tooi pələ, Yafle nuą di wɔ lɔi ɲɛ̨n ma pələ, yɛ həɠə Bɛtə-Horɔn ɉɛɠɛɛ nwɔ lɔi ɓa, yɛ hvilɛn gbɔ Gɛzɛrə ɓa, yɛ hvilɛn na gboloyá ɓa.

Zasua 16:5

Ɛfraimə lonnii di wɔ lɔi ɲɛ̨n ga a gwəli laa: vóló ɓɛlai bələ, di wɔ lɔi ɲɛ̨n maa kɛ Atrotə-Adarə, ə həli la Bɛtə-Horɔn ɲánwuɔ̨ pələ.

Zasua 21:22

Kivsaimə da nwɔ kpomóɠaa, Bɛtə-Horɔn da nwɔ kpomóɠaa, ə kɛ a taatɛlɛɛ laa mįi taa nąąn.

Nwun mąąɓo 4:15

Yai-Laa ə ɲɔw too Sisera kɔ́lɔi, ə pu Barakə tɔwɔ, da nwɔ kɔ́ kɔ́ wotoloɠaai kəlee, da nwɔ kɔlaɠai kəlee, gəlee di lɛɛ a kɔ́ kɔ́ ɓɔwa kɔ̨nɔ̨n. Sisera ə kulɔ nwɔ kɔ́ kɔ́ wotolo hu, ə hvilɛn gɔwɔ ŋą, ə pu.

Nwun mąąɓo 4:16

Barakə ə hvilɛn gɔ́ kɔ́ wotoloɠaa da gɔ́laɠaɠaa pulu, ə həli kpɔ Harosɛtə-Goimə lɔi hu, Sisera nwɔ kɔlaɠaɠaai kəlee di lɛɛ a kɔ́ kɔ́ ɓɔwa kɔ̨nɔ̨n, da lɔpee hvo kulɔ ɉu.

Nwun mąąɓo 5:20

Yələkɔlɔn ɉu pɛmɛ̨lɛ̨n-gɔwɠaa, di di wɔɔ nąą kɛ gɔ́ mɛ̨nį hu, bɛmɛ̨lɛ̨n-gɔwɠaai tii di hvilɛn bələ ɓa di kɔ́ pɛlɛ, kɔlaɠa nwun nąmu Sisera ɓa.

Samuɛlə dɔlɔɔ 13:18

Veelɛ naa ə ɉon a Bɛtə-Horɔn pələ, ɉaaɓa naa yaan, ə ɉon a nɔi ɲɛ̨in ɉu pələ. Ɲɛn ŋɛ̨i tɔɔ húlú yɛɛ kɔwɔ moloon mɛ̨i, bɔ pələ, nɔi pun ɉu pələ.

Samuɛlə dɔlɔɔ 17:1

Filisti nuą di di wɔ kɔ́ kɔ́ nuą ɲąąkpɔn, kɔ́ kɔ́ mɛ̨nį ɓa. Di di ɲąąkpɔn Soko, Ɉuda lɔi hu. Di di wɔ kɔ́ ɓuwui pɛlɛ Soko da Azeka di lɔwai Efɛsə-Damimə daai.