Zasua 1:9 - Yálá laawoo hɛɓɛ (dc)

⁹ Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Yálá laawoo hɛɓɛ

⁹ Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Bible

⁹ Fé m̀ó ní yâ? Tɔɔ a gbanaŋɔɔ, í ílii kpéle, ífe yao, ílii fé tòo pôlu, kpɛ́ni fêi, ńyãa Yâwɛɛ Íɣâlai, ŋa pâi kɛ̂i ípôlu ƃɛ́i kélee ƃa lî naai.”

Zasua 1:9 ပူးပေါင်းရင်းမြစ်များ

Zɛnɛse 28:15

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Zɛnɛse 39:2

Yai-Laa ə kɛ Ɉosɛfə pɔ, yili ɓə gɛ, mɛ̨nįi lɔpee ə kɛi ɲee too ɉu, gəlee hu ə kɛi nɛ̨ɛ̨. Ɉosɛfə ə kɛ lɔ Potifarə yəi bɛlɛ́n.

Zɛnɛse 39:3

Potifarə ə gaa yɛ, Yai-Laa kaa Ɉosɛfə pɔ, mɛ̨nįi a ɲee too ɉu, ɉu a nɛ̨ɛ̨,

Samia Veerɛi 13:28

Absalɔn yɛ ɲəi bɛlɛ́n góló kɛ nuą diɛ: «Ka gɛ a nɛlɛɛ, ɓɛlɔwai ka Amnɔn kaa la nɔɔ aa ɉon, ŋą́ kɛ kaa: ‹Ka Amnɔn kɛlɛ›, ka baa. Ka hvo ɲɔw, ɲą́ą́ ɓə ka tɔɔ la ka ká liikpələ, ka gɛ a hulɔnu laa.»

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Veerɛi 15:7

Kɛlaa, ka wɛi, 'ka ká huwalawala, ka yee hu hvo haa, ka koló hvɛla kaa pai hɔlɔɓoi!»

Mąątɛ̨nɛ̨ 46:7

Lɔiɠaa hu tin ə kɛi kulɔ, tɔɔlaaɠaa diɛ kɛ yɛɠɛ yɛɠɛ, Yálá ə woo tɛɛ, lɔi ə həɠeen.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 43:5

Hvo ɲɔw, gáá ə́ pɔ, gáá pai ə́ lonnii kulɔi hvóló kulɔi pələ, gɛ́ pənə gɛ́ pa a diɛ, gɛ́ di həɠə hvóló tooi pələ, gɛ́ di ɲąąkpɔn.

Azaya 8:12

«Mɛ̨nii lɔpee nu huwui ŋɛ̨i a kɛ mą: ɲaba lɔ mɛ̨nį, ka hvo kɛ mą ɲaba lɔ mɛ̨nį, mɛ̨nįi da ɲɔw mą, ka hvo ɲɔw yili ɓa, hvo ɲinɛ̨n ɲinɛ̨n doo ka hu.»

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Egaa 2:5

Ɓɛlɔwai ka kɛi kulɔ la Eziptə lɔi hu, ŋą́ nwóó kwɛlɛ káá, gɛ́ káá: Gáá ka pɔ, ka hvo ɲɔw.

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Dutɛrɔnome 1:21

Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Dutɛrɔnome 31:28

Yii hu kɛa, galanɉonŋąą kəlee, nɔi nwun nąmįnąą kəlee, ka di ɲąąkpɔn gwɛ́lɛ, ŋį́ nwooɠaa ŋɛ̨i ɓo, ə too di wəlii, yələkɔlɔn da lɔi di kɛ a nwɛ́i gɛla.

Zasua 1:10

Nąąlɔwai, Ɉosue ə mo ɲɛ̨itɔwɔ nuą diɛ, yɛ diɛ:

Zasua 1:17

Pələi lɔ ku kɛ la Moisə woo ŋą, mɛ̨nį kəlee hu, bələ lɔ ɓə ku kaa gɛi la a yɛ́. A tɛ̨ą, Yai-Laa ə́ wɔ Yálai kaa pai kɛi ə́ pɔ, yɛ bələi ə kɛ la Moisə pɔ.

Zasua 1:18

Nui lɔpee pai kulɔi ə́ woo mu, ə gwɛli tee yɛ́, yii ya ku tí la, a wala gɛ, mąą nu a haa. Yii lɔ ə́ kaa gɛi, ə́ liikpələ, ə́ ə́ huwalawala.»

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Zasua 10:8

Yai-Laa yɛ Ɉosue ɓa: «Hvo ɲɔw, mąąhɔlɔɓo ŋą́ą́ nɔ ə́ yee ŋą, di ta lɔpee hvo pai tɔɔi ə́ tɔwɔ.»

Zasua 3:7

Yai-Laa yɛ Ɉosue ɓa: «Ə həɠə háákələi ɓa, gáá pai ə́ kɛnɛ̨i Israɛlə nuą kəlee ɲɛ̨i ɓa; əgɛ, di gɔlɔn diɛ, gáá ə́ pɔ, yɛ bələi ŋį́ kɛ la Moisə pɔ.

Zasua 6:27

Yai-Laa ə kɛ Ɉosue pɔ, naa ə tɛ, mąą tin ə too nɔi nąą kəlee.

Zasua 8:1

Yai-Laa yɛ Ɉosue ɓa: «Hvo ɲɔw, ə́ wɔ kɔ́kulááɠaai həɠə, ə́ li ə́ kɔ́ pɛlɛ Ai taa ɓa. Ə́ kaa gaai, ŋą́ą́ daai tii ɉu tɔɔmun, ɉu nuą da nwɔ lɔiɠaai kəlee tɛɛ ə́ pɔ.

Nwun mąąɓo 6:14

Yai-Laa ə tínɛ̨n yɛ Zedeɔn ɓa: «Vaŋąi tii gaa ə́ yə́i, li ə́ Israɛlə nwun mąąɓo la Madian nuą yəi. Ɲą́ą́ ɓə ə́ tɔɔi.»

Samuɛlə dɔlɔɔ 10:7

Ya mɛ̨nįɠaa tii kaa diɛ həli yɛ́, mɛ̨nį lɔpee ya gaa, yɛ́ ə́ yee a pɛli mą, ə́ gɛ. Mąąhɔlɔɓo, Yálá kaa ə́ pɔ.