Zasua 1:8 - Yálá laawoo hɛɓɛ (dc)

⁸ 'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

Yálá laawoo hɛɓɛ

⁸ 'Gɛ pələ kwɛli mą, dɔ́n ɉɛɓɛ́i ŋɛ̨i, hvó kpəla moɔ ɓa, yɛ́ ə́ kiliŋąhiɛ mą a hvóló da kpinį. Ya ɓə a gɛ ə́ pɛli túwɔ́i yɛ dɔ́n tii hvaa woo. Yili pɔ pələ ɓə, ə́ yee kɔ̨nwɔ̨n ɉu a ɓɛlɛ́ la, ə́ yee yɛ tɛɛ ə́ kɛ mɛ̨nįɠaa diɛ.

Bible

⁸ Ka tíi kɛ́ a dɔ̂ŋ-ŋai Ŋ̀âla-kɔlɔi ŋí sui a kpíni da fólo. Kà gɛ̀ tí, gɛ̀ ní ɣéniɛ a pâi nɛ̃ɛ̂i kâa, ká ƃûu ƃó.

Zasua 1:8 ပူးပေါင်းရင်းမြစ်များ

Zɛnɛse 24:63

Yələwulii ta, Isaakə ə həɠə yɛ li gɔwɔ hu hiɛi ɲɛɛ kɔ́wɔ hu, ə nwun muhəɠə lɔ, yɛ ɲɔ̨nwɔ̨mɛ̨ɛ̨ɠaa kaa, diɛ pa.

Kɔlɔnikɔ Veerɛi 26:5

Oziasə ə kɛi Yálá liiɓa kwɛli a yələ kəlee Ɉekariahu nwɔ yɛnɛ̨ɛ̨ kəlee yee mu, Ɉekariahu ɓə kɛi niɛwoo kɛ a Yálá nwɔ ɲɔwumąą laa. Yaan, yii kpɔ ə kɛi kulɔ nwoo ɓa da Yai-Laa di lɔwai, Yálá ə kɛi gɔ́ a nwun na nɛ̨ɛ̨.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 119:15

Ŋą́ ə́ wɔ tíɓoɠaai nąą kili too gbɔ́ɔ́ ŋą a yələ kəlee, ɲɛ̨́i ə ɓo lɔ ə́ wɔ pələɠaai diɛ.

Mąątɛ̨nɛ̨ 119:97

Ə́ wɔ tɔn nwooi wɛli kaa mą́ą́! Ŋą́ ɉu kpɛ a yələ kəlee.

Mąątɛ̨nɛ̨ 119:99

Gílí ɲąą kulaai dɛɛ gálámɔ̨ɔ̨ kəlee ɓa, mąąhɔlɔɓo, ŋą́ ə́ wɔ tɔnŋaai hu kpɛ.

Mąątɛ̨nɛ̨ 19:14

Ə́ wɔ tímun mąąkwɛa kpɔwɔ ɲąąkɛ̨nɛ̨ nuą diɛ, di yee hvo pɛli mą́ą́, a kɛ tii, mą́ą́kulɔi hvo pai kɛi mą́ą́; ɛlɛɛ, ɲéé hva kɛ nɛ̨ŋɛ̨n gɛnɛ̨ɛ̨ hu.

Mąątɛ̨nɛ̨ 40:10

Ŋą́ ə́ wɔ tələnmolaa hukulɔ ɲąąkpɔn gɛnɛ̨ɛ̨ hu, Yai-Laa, gbaɠala kaa yɛ́, vá pɛli náá pilɛi.

Hanwon 3:1

Nón, mɛ̨nįi gáá ə́ kala ɉii la, 'hvó lɛ̨ą mą, ə́ kili ə́ lɛɛ nwɔ́ liɛwooɠaa hu.

Azaya 59:21

Yai-Laa yɛ diɛi: «Mįnɛ̨i kwa diɛni ku kaa pai ɉəɠəi, ya ka: Nwɔ́ Kilii kaa pai kɛi ká mɛ̨i, da nwooɠaai ŋį́ bu ə́ lá, di mąą hvo pai kwɛai ə́ laa lee ɓa, di mąą hva nwɔ̨nɔ̨ kwɛa ə́ lonnii laaləi ɓa, ə mą kɛ, ə́ lonnii di wɔɔ lonnii laaləi, ə həɠə yiihu ɓa, ɛlɛɛ kpɔ ɉu, wɔlɔ wɔlɔ ɓa. Yai-Laa woo li.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 7:21

«Nuąi da kɛ mą́ą́: ‹Ną́mu, Ną́mu›, gəlee hvo pai lɔi Yálá-taa tɔɔlaa hu. Hvɛɛ yiiɠaai da Ną́n gaa yələi, niiɓa kɛ, diɛ ɓə pai lɔi laa.

Maafîu 7:24

«Yili ɓa, mɛ̨nįɠaai ŋɛ̨i gáá moi, nui a mɛ̨n, ə bɔ mɛ̨nį kɛ, a kɛ yɛ kilimąą mun yii a nwɔ pɛlɛ́ tɔɔ kwɛni mɛ̨i.

Lukə 11:28

Kɛlaa, Jesus ə nwoo pulu pənə yɛ mą: «Nuąi mun di nwun na nɛ̨ɛ̨, diɛ ɓaa: nuąi da Yálá laawoo mɛ̨n, diɛ bɔ mɛ̨nį kɛ.»

Ɉaan 13:17

Kaa yiliɠaai kɔ́lɔn, ka bɔ mɛ̨nį kɛi, ka kɛ a nwun na nɛ̨ɛ̨ nuą.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Dutɛrɔnome 29:8

«Yili ɓa, mąąnɛ̨ɛ̨ ka ka yee kɛ mįnɛ̨i ŋɛ̨i ka Yálá ni ka ɉəɠə ɉu wooɠaa diɛ, kaa bɔ túwɔ́ ɓo. Yili pɔ pələ ɓə ka kɛ́ mɛ̨nįɠaa hu a nɛ̨ɛ̨ la.

Dutɛrɔnome 29:9

«Kaa háákələi ka ɲąąkpɔn Yai-Laa ka wɔ Yálái lííla, ka huwuɠaa ɲɛ̨i tɔwɔ nuą, ka wɔ kalanɉonŋąą da nɔi nuą mɛ̨i kaa nuą; Israɛlə lonnii kəlee, kaa ka.

Dutɛrɔnome 30:14

Mąąhɔlɔɓo, nwoo tii kaa kpɔlɔɔ ka kwɛlɛ, mąą lɛɠɛɛi kaa kpɔ hɔɔlɛɛ, gaa ka laaləi, ə ɓo ka lii pɔ, ka pɛli bɔ mɛ̨nį kɛi.

Dutɛrɔnome 31:11

ɓɛlɔwai Israɛlə nuą kəlee kaa pai di ɲąąkpɔn ɉii la Yai-Laa ka wɔ Yálái lííla, ɓɛi ŋɛ̨i ə ɲeekpiɛ lɛ nąąi, nąąlɔwai, ka dɔ́n ŋɛ̨i ɓo Israɛlə lonnii kəlee ɲɛ̨i ɓa, ə too di wəlii.

Dutɛrɔnome 31:24

Kpɛɛi Moisə ə mo a dɔ́n nwooɠaa pɛ̨ɛ̨ ɉɛɓɛ́ hu,

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 8:34

Ɉosue ə dɔ́n ɉɛɓɛ́ kəlee ɓo, lúwɔ́ woo da nɛ̨ŋɛ̨n nąą woo kɛ ɉɛɓɛ́ hu, yɛ bələi bɛ̨ɛ̨ la dɔ́n ɉɛɓɛ́ hu.

M̀ɛni-lɛɛi 22:14

Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.