Zasua 1:6 - Yálá laawoo hɛɓɛ (dc)

⁶ Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Yálá laawoo hɛɓɛ

⁶ Ə́ liikpələ, ə́ ə́ huwalawala; mąąhɔlɔɓo, yɛ́ ɓə pai nɔi tii tɛɛi nuąi ŋɛ̨i pɔ a di kwɛlin, yɛ bələi ŋį́ gwɛ́la la di nąnni diɛ, gɛ́ diɛ: ‹Ŋą́ dɛɛ ka pɔ.›

Bible

⁶ Tɔɔ a gbanaŋɔɔ, í ílii kpele, kpɛ́ni fêi, yá ƃé pâi gɛ̂i ǹúai ŋí dí see ǹɔii ma ŋá ŋ́gono tèe la dínâŋ-ni yêei.

Zasua 1:6 ပူးပေါင်းရင်းမြစ်များ

Zɛnɛse 12:7

Yai-Laa ə gbɔwɔ lɛ laa Abramə ɓa, yɛ mą: «Kanaan lɔi ŋɛ̨i ɓə gáá pai dɛɛi ə́ huwuhu nuą pɔ a di wɔɔ.» Abramə ə nɛɛ mą, ɓɛi tii di mɛ̨nį ɓo laa mą, ə haláá kulɔi pɛli laa Yai-Laa ɓa.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Samia Veerɛi 10:12

'Tɔɔ a ə́ nwąnąi, gu gɛ a kpakololaa gu wɔ lɔi mąą mɛ̨nį ɓa, da gu wɔ Yálái nwɔ taaɠaai mąą mɛ̨nį ɓa. Yai-Laa ə gɛ kani, yɛ bələi niiɓa kaa la!»

Tɔɔɓɛlaa dɔlɔɔ 2:2

«Gáá pai kɛa həɠəi nɔi ŋɛ̨i mɛ̨i, ɉu hvo kwɛa li gɛ́ ɉon a ku nąnni pɔlɔɠaa kpaalə. Yili ɓa, tɔɔ a ə́ walaa, ə́ hulɔnu laa kɛ.

Kɔlɔnikɔ Maa-ŋuŋ 22:13

Akɛ, dɔ́n bɔ liɛwooɠaa, da mąą pamą wooɠaai Yai-Laa ə dɛɛ Moisə pɔ Israɛlə mąą mɛ̨nį ɓa, yá bɔ mɛ̨nįɠaa kɛ, nąąlɔwai, ə́ yee kɔ́nwɔ̨n ɉu a ɓɛlɛ, ə́ yee ə lɔ ə́ kɛ mɛ̨nįɠaa diɛ. 'Ə́ liikpələ, ə́ ə́ hvaŋąlɔ, hvó ɲɔw hɛn nɔpee ta ɓa, ə́ mąą hvó kpɛlin.

Kɔlɔnikɔ Maa-ŋuŋ 28:10

Ə həli kani yɛ́: Yai-Laa aa ə́ həɠə ɉu, yɛ ə́ pɛlɛ́ tɔɔ mą, a mąąwiɛ pɛlɛ́. 'Ə́ hąą yili, 'Ə́ goló kɛ.

Kɔlɔnikɔ Maa-ŋuŋ 28:20

Davidə yɛ nwɔ̨nɔ̨ non Salomɔn ɓa: «'Gɛ a hulɔnu laa, 'ə́ ə́ liikpələ! 'Hvó ɲɔw, ə́ mąą hvo kpɛlin! Yai-Laa ə́ nwɔ́ Yálái kaa ə́ pɔ. Hvo pai gili kulɔi ə́ hu, va ɲee ɓo yɛ́, ə lɛɛ la ɉu, hvo kɛli yá kpɛɛ a Yai-Laa nwɔ pɛlɛ́i tɔɔ kolóɠaa kəlee kɛɛ.

Kɔlɔnikɔ Veerɛi 15:7

Kɛlaa, ka wɛi, 'ka ká huwalawala, ka yee hu hvo haa, ka koló hvɛla kaa pai hɔlɔɓoi!»

Kɔlɔnikɔ Veerɛi 20:11

Mąą nuąi ka ŋɛ̨i pai, mɛ̨inɛ̨ɛ̨i ku gɛ diɛ, ku hvɛla kulɔ a kɔ́, gɛɛnąą ŋɛ̨i ə dɛɛ ku pɔ, a ku wɔɔ, diɛ di gulɔ ku yəi!

Kɔlɔnikɔ Veerɛi 20:7

Kɛlɛi ku wɔɔ Yálá ɓaa a Yɛ́! Nuąi kɛ heeni nɔi ŋɛ̨i hu, Yɛ́ ɓə di kpɛ, Ə́ wɔɔ nu huwui Israɛlə tɔwɔ, Ə́ nɔi kulɔ di yəi, Ə́ dɛɛ, Ə́ ɓɛlanmun Abrahamə lonnii pɔ, a di wɔɔ a yələ kəlee mɛ̨nį-e!

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Danîa 10:19

Nu yii tii yɛ mą́ą́: «Hulɔnu, yɛ́i ŋɛ̨i ə́ wɛli kaa Yálá ɓa, hvo ɲɔw! Liilaa ə kɛ ə́ yəi, ə́ hvaŋąlɔ, ə́ ə́ huwalawala.» Ɓɛlɔwai ə kɛi yiliɠaai ɓo la mą́ą́, huwalawala ə kɛi tɛɛ ɓɔ́. Ŋą́ mo mą nąąlɔwai, gɛ́ mą: «Nwɔ́ mɛ̨nį Nąmu, nwə́li tɔɔi ə́ woo ɓa, mąąhɔlɔɓo, yaa huwalawala tɛɛ ɓɔ́.»

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Zakari 8:9

Yai-Laa Mɛ̨nį Kəlee ŋą Hééɓomun nwoo ka, yɛ diɛ: 'Ka ká lii kpələ, kaai nwooɠaai ɲɛ̨i mɛ̨n ɉi, yɛ kulɔ gwə́i mɛ̨nį hu kulɔ nuą la, a volóɠaai ɲɛ̨i di Yai-Laa hee pɛlɛ́ gólo kpala tɔɔi la. Diɛ pənə diɛ nwɔ pɛlɛ́i tɔɔ a nįnɛ̨.

Lonon mo 26:53

«Nuąi ŋɛ̨i ɓə nɔi ɲąą kaa pai kwɛlɛi di lɔwai, ə kɛ a di kwɛlin. Yɛ pɛli di tamą pələ ɓa.

Lonon mo 33:53

Ka káá pai nɔi hɔlɔɓoi a ka wɔɔ, kaa hee ɉu. Mąąhɔlɔɓo, kaa ɓə gáá nɔi tii tɛɛi ka pɔ, yɛ pa lɛɛi ka yəi.

Korɛntə dɔlɔɔ 16:13

'Ká lɛɛ a 'ká ɲɛ̨i, 'ká tɔɔ a ká nwąnąi laa na laa pələ mɛ̨i, 'ká ká liikpələ, 'ká ká huwalawala.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Dutɛrɔnome 1:21

Ka ka ɲɛ̨i hee Yai-Laa ka wɔ Yálái aa nɔi ŋɛ̨i tɛɛ ka pɔ. Ka li ka hiɛ ɉu, yɛ bələi Yai-Laa ka wɔ Yálái ə naakwɛlanmo la kaa. Ka hvo ɲɔw, hɛn da hvo ka yee hu haa.»

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 11:8

Yili ɓa, díɓoɠaa kpɔ gáá dɛɛi ka pɔ háákələi, ka gəlee pɔ mɛ̨nį kɛ; yili ɓə pai huwalawalaa tɛɛi ka pɔ, ka yee yɛ tɛɛ nɔi tii ka káá li ɉu mą, kaa ɉon a kɔ́ kaa hee laa.

Dutɛrɔnome 31:23

Yai-Laa ə mɛ̨nįɠaa ŋɛ̨i ɓo kpɔ Nun lon Ɉosue ɓa a nwąnąąi, yɛ mą: «Ə́ liikpələ, ə́ tɔɔ a ə́ nwąnąąi, mąąhɔlɔɓo, nɔi ŋį́ nwóó kwɛlɛ la Israɛlə lonnii diɛ, ŋį́ naakwɛlanmo diɛ, gɛ́ gáá dɛɛi di pɔ, yɛ́ ɓə pai di lɔi ɉu. Ɲą́ą́n, gáá pai kɛi ə́ pɔ.»

Timote veelɛ 2:1

Yili ɓa, nón, nɛ̨ɛ̨laai gaa Jésu-Kristə hu, 'ə́ hvaŋąlɔ mą.

Zasua 1:18

Nui lɔpee pai kulɔi ə́ woo mu, ə gwɛli tee yɛ́, yii ya ku tí la, a wala gɛ, mąą nu a haa. Yii lɔ ə́ kaa gɛi, ə́ liikpələ, ə́ ə́ huwalawala.»

Zasua 1:7

Yii mąąnɛ̨ɛ̨ ə́ gɛ, ya ɓaa ə́ ə́ liikpələ, ə́ ə́ huwalawala, dɔ́n ŋɛ̨i ŋį́ mą́ą́ pamą nwɔ́ tímun Moisə ɓa, ə́ túwɔ́ pələ ə pɛli dɔ́n tii ɓa. Hvó həɠə mɛ̨i hvó li ɓɛ pələ da ɓɛ pələ, yili ɓə a gɛ, ə́ kɛ mɛ̨nį kəlee hu ə nɛ̨ɛ̨ ɓɛi ə kaa lii laa.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Zasua 10:25

Ɉosue yɛ diɛ: «Ka hvo ɲɔw, ka mąą hvo kpɛlin, ka tɔɔ a hinąą tɔɔ pələ; ka yowoɠaai kpɔ ka diɛni ka káá pai gɔi, bələ ɓə Yai-La kaa pai di hon ɉii la.»

Zasua 13:6

Nuą kpɔ di kaa heeni ɲee hu, ə həɠə Liban ɓa, ə həli la Misrefotə-Maimə da Sidɔn nuą kəlee. Ɲą́ą́ gbinį lee ɓə pai di wɔ lɔi kulɔi di yəi, gɛ́ dɛɛ Israɛlə pɔ. Nɔi ɲąąkwɛlɛ Israɛlə lonnii diɛ yɛ bələi ŋį́ mo la yɛ́. Ə kɛ a di hee lɔi.

Zasua 18:3

Ɉosue yɛ Israɛlə lonnii diɛ: «Ka káá pai lɛɛi heeni hvo kɛ li mįnɛ̨ lɔwai, nɔi ŋɛ̨i Yai-Laa ka nąnni di wɔ Yálái ə dɛɛ ka pɔ, kaa gbəli nąą həɠə mɛ̨nį viikpɛɛ kulɔ?

Zasua 21:43

Nɔi Yai-Laa ə naakwɛlanmo yɛ gaa dɛɛi Israɛlə galaɓɔlɔni pɔ, ə gəlee tɛɛ Israɛlə lonnii pɔ, di hee laa.

Zasua 5:6

Kwɛlan bow nąąn mə di gɛ ɉiɛ hu; nuąi kulɔ Eziptə bɛlɛɛ gɔ́kulááɠaa diɛ, gəlee di haa. Mąąhɔlɔɓo di hvo di wəli tɔɔ Yai-Laa woo ɓa, yili ɓə gɛ, Ə gwɛla yɛ diɛ, nɔi Ə naakwɛlanmo di nąnni diɛ, yɛ gaa dɛɛi di pɔ, diɛi tii hvo kɛa pai həlii laa; a nɔi hɛn gəlee a lɛlɛ mą.

Samuɛlə dɔlɔɔ 4:9

Kɛlaa, di ɓɛlaa taɠaa di kɛi kɛ diɛ: «Ka gu gu liikpələ, gu gɛ a hulɔnulaa, gu kɔ́ pɛlɛ diɛ, a wala kɛ tii, gu kaa pai kɛi a Hebreuɠaa di wɔ luwɔɠaa yɛ bələi diɛi tii di kɛ la a guɔ luwɔɠaa. Ka tɔɔ a hinąą tɔɔ pələ, ka gu gɔ́ yili ɲą.»