Zakari 9:16 - Yálá laawoo hɛɓɛ (dc)

¹⁶ Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Yálá laawoo hɛɓɛ

¹⁶ Ɲələi tii, Yai-Laa, di wɔ Yálái a di mąąkɔ̨nwɔ̨, diɛi tii a nwɔ nu huwui, a nwɔ ɓɛlaa haaɠaai. Di kaa pai kɛi yɛ Kúwɔ́-kwɛni lɛlɛɛɠaa, diɛ lən nwɔ lɔi mɛ̨i.

Bible

¹⁶ Maa ɣêlei tí, Yâwɛɛ nyii gáa a Díɣâlai, a pâi díƃâloi, kpɛ́ni fêi, dia ƃé díkaa a ŋɔƃála-ŋai, kpɛ́ni fêi, díkaa yɛ̂ɛ gane-ŋai da kɛ̂ kâloŋ ŋûa-ƃɔrɔ mai, da pâi fôloi ŋɔlɔii su.

Zakari 9:16 ပူးပေါင်းရင်းမြစ်များ

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Lɛɛ gbɔwɔ ɓa 28:21

Gwɛniɠaai tii tɛitɛi kəlee kaa pai kɛi a Israɛlə lonnii pow kɔ́w hveelɛi laa, gəlee kaa pai kɛi a kɔ́lɔn ɉɛn, a Israɛlə lonnii pow kɔ́w hveelɛi laa.

Lɛɛ gbɔwɔ ɓa 28:9

Ə́ kwɛni ɓɛla lɛlɛɛ tɛɠiɛ hveelɛ həɠə, ə́ Israɛlə lonnii laa pɛ̨ɛ̨ mą.

Azaya 40:10

Ną́mu Yái-Laa ka! Gaa pai a hvaŋą, yeetɛɛmąą laa kaa ɲəi, nwɔ hvɛla kulɔ kɛ hɛn kaa ɲəi, nwɔ ɲąąkɛlɛ hɛn ə ɓo ɲəi.

Azaya 54:12

gáá pai ə́ mąąkpɛ pɛlɛ́ɠaa tɔɔi a hɛni, gɛ́ ə́ wɔ kponŋąąi kɛ a kwɛnii a lən, gɛ́ ə́ mąątinɛ̨n gɛ́ doo gee hu a kwɛnii da ɉaɠa a yɛlɛ.

Azaya 60:14

Nuąi kɛi ə́ mɔ̨nɔ̨ ɓo, di lonnii kaa pai ə́ pɔ, di mąą pɛlɛɛ, nuąi kpɔ kɛi ə́ hviiɓo, di kaa pai pɛlɛi di liiɓa, ə́ kɔ́wɔ mu. Di kaa pai ə́ laa heei a Yai-Laa nwɔ taa, Israɛlə nwɔ Mąąhəɠə mun nwɔ Siɔn taa.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 62:3

Ə́ kaa pai kɛi Yai-Laa yəi yɛ tɔɔ ɓɔlɔ ɲɛ̨́i tɔɔ, ə́ ɓo ə́ wɔ Yálái yəi ɲą yɛ tɔɔ ɓɔlɔ.

Ɉeremi 23:3

«Ɲą́ą́ gbinįi, gáá pai nwɔ́ ɓɛlaa kpului kpəli ɲąąkpɔn ɉii. Nɔiɠaa kpɔ ŋą́ di taɠa taɠa ɉu, gɛ́ di kulɔ laa, gɛ́ pənə gɛ́ pa a diɛ, di pɛlɛ-galá hu, diɛ di kaa diɛ tamąą.»

Ɉeremi 31:10

Lɔiɠaa! 'Ká ka wəli tɔɔ Yai-Laa woo ɓa! 'Ká ɉukulɔ gboloyá pulu lɔiɠaa diɛ, káá diɛ: «Nui Israɛlə lonnii hu taɠa lɔiɠaa lɔwai, gaa pənəi yɛ di ɲąąkpɔn, yɛ di laa honmo, yɛ bələi taatɛlɛɛ mɛ̨i kaa mun a nwɔ taatɛlɛɛɠaa mɛ̨i kaa la.»

Ɉeremi 31:11

Ɉakɔbə kaa a Yai-Laa nwɔɔ, gaa nwun mąąɓoi, ə gulɔ ɲeetɛɛmąą mun ɲəi.

Izikiɛ 34:11

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Izikiɛ 34:31

«Ka kaa a nwɔ́ taatɛlɛɛɠaai a nwɔ́ kalai taatɛlɛɛɠaa, kaai a nu kanŋaa; ɲą́ą́n, ŋą́ ɓo a ka wɔ Yálá. Mɛ̨nį kəlee ŋą Hééɓomun Yálá woo li.»

Mise 5:4

Yaa kpinįi tii, gaa pai kɛi a liilaa, Ɲələi lɔpee Asiri a həɠə yɛ kɛ gaa pilii la ku wɔ lɔi hu, yɛ gɔwɔ hvilɛn ku wɔ tɔɔ pɛlɛ́ɠaai mu, kwa taatɛlɛɛ pulu nuą mɛ̨ihveelɛ ɲąątɔɔi mą, da ɲąąwooɓo kɛ nuą mɛ̨ihaaɓa.

Mise 7:14

Ə́ wɔ nu huwui ɲąąkpɔn ə́ nįnįn mu, Ə́ wɔ taatɛlɛɛ kpului tii a ə́ kwɛlin; gaa lɛɛ dɔ̨nɔ̨ kanɉu kpomói, wuluɠaa lɔwai. Gɛ́ ə gɔ̨nɔ̨n ɉɔlɔɓo Basan da Galaadə, yɛ tɔlɔɔ-tɔlɔɔ yələ.

Sofoni 3:20

Mąą yələi tii, ŋą́ hvilɛn ka ɲɛ̨i tɔwɔ, ŋį́ pa a kaa, ɲələi tii, ŋą́ ka ɲąą kpɔn, ka ɲɛ̨i ə pɔ̨nɔ̨, ɓɛlɛ ə kɛ kaa lɔi mɛ̨i, nu kanŋaa kəlee lɔwai, ɓɛlɔwai gáá pai ka wɔ yɛnɛ̨ɛ̨ ɲɛ̨ilaa lɛlɛɛ heei la mą, kaa gaa. Ɲą́ą́ Yai-Laa, ɲą́ą́ kpɔ ɓə mo!

Egaa 2:23

Yai-Laa Mɛ̨nį Kəlee ŋą Hééɓomun yɛ diɛ: Voló tii hu, gáá pai tiɓo ta tɛɛ ə pɔ, Zorobabɛlə, Saltiɛlə lon ɉulɔnu, yɛ́i ə́ kaa a nwɔ́ tímun. Ə́ kaa pai kɛi a ə́ hviɛlaɓoɔ ɲɛ̨́i ɓa, mąąhɔlɔɓo, ɲą́ą́ ɓə ə́ həɠə ɉu. Yai-Laa Mɛ̨nį Kəlee ŋą Hééɓomun woo li.»

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Zakari 8:23

Yai-Laa Mɛ̨nį Kəlee ŋą Hééɓomun, woo ka, yɛ diɛ: Mąą yələɠaai tii, hį́i wooi kpɔ nu kanŋaa da mo, ɉu hinąą pow, da yili Ɉuifə tɔ̨nɔ̨ ɓa, di ɉon a ɉəɠə wəli, diɛ kɛ mą: «Ku kaa bɔ gwa kaani gwə li, mąąhɔlɔɓo, kwaa bələ mąn, diɛ Yálá kaa ka pɔ.»

Lukə 12:32

«Kaai ka káá a nu kpulu logolo, ka hvo ɲɔw. Mąąhɔlɔɓo, ə laa a ka Nąn ə tɔɔlaai tɛɛ ka pɔ.

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.