Zakari 8:22 - Yálá laawoo hɛɓɛ (dc)

²² Nu huwu tamąą, da lɔi kpɛa-kpɛaɠaa, di kaa pai pai Ɉerusalɛmə, diɛ Yai-Laa Mɛ̨nį Kəlee ŋą Hééɓomun kwɛli, diɛ Yai-Laa líi laa.

Yálá laawoo hɛɓɛ

²² Nu huwu tamąą, da lɔi kpɛa-kpɛaɠaa, di kaa pai pai Ɉerusalɛmə, diɛ Yai-Laa Mɛ̨nį Kəlee ŋą Hééɓomun kwɛli, diɛ Yai-Laa líi laa.

Bible

²² Núu támaa da pâi pâi da lɔii-ŋûŋ wála-wâla-ŋa dí Ŋ̀wála-wâla kélee Yâwɛɛ kɔ́ri Zerusâlɛŋ a gɛɛ dí ŋɔkpɔŋ-mâai kɔ́ri.

Zakari 8:22 ပူးပေါင်းရင်းမြစ်များ

Mąątɛ̨nɛ̨ 68:30

Tɔɔɓɛlaa daa pa, Ə́ wɔ tɔɔ pɛlɛ́i mąą pui, yai nwun nąŋąą Ɉerusalɛmə taa mɛ̨i.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Azaya 25:7

Ɉəɠə ɓɛlai kɛ pɛlɛ ni nu huwu kəlee ɲɛ̨i, ɉəɠəi kɛ pɛlɛ ni lɔi kəlee mɛ̨i, gaa pai gəlee həɠəi di mɛ̨i ɲee ŋɛ̨i nwuɔ̨.

Azaya 49:22

Mɛ̨nįi Mɛ̨nį kəlee ŋą Hééɓomun Yálá kaa moi, ya ka: gáá pai ɲee lɛi hįį takpɛliɠaa diɛ, gáá pai huu pilii nuą diɛ, di kaa pai pənəi diɛ ə́ lon ɉinąą hee di yee kɔ̨nwɔ̨n ɉu, diɛ pa a diɛ, diɛ ə́ lon nɛ̨ąą hee di kalan ŋą.

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 55:5

Mąąhɔlɔɓo, nu huwui hvo kɛ gɔlɔn, ə́ kaa pai dəlii, ɛlɛɛ, nu huwui hvo ə́ kɔ́lɔn, yɛ ə́ mąą gilɛ hələ. Yili a kɛ tii, mąąhɔlɔɓo, Yai-Laa ɓə a ə́ wɔ Yálá, a kɛ tii Israɛlə nwɔ mąąhəɠə mun laa hu, a yai tii ə́ wɔ mąąwiɛ kɛ yɛ́i.

Azaya 66:23

Yai-Laa woo ka, yɛ diɛ: Nu huwu kəlee kaa pai pai ɓɛ, diɛ di woo tɛ bɔ́ pələ, a ɲąnin dɔɔ pələ tɛitɛi, da túwɔ́ hvoló tɛitɛi, ɛlɛɛ, yili kaa pai kɛi, hva ɉəɠə mą.

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Mise 4:3

Ya ɓə pai kɛi a lɔi tamąą lɔwai kiti teemun, lɔi kpɛa kpɛa lɔwai mɛ̨nį ɓomun, ə mą kɛ yiiɠaai kwɛa la. Di kaa pai kɛi di wɔ kɔ́ kɔ́ ɓɔwaɠaa yɔwii a kaliɠaa, diɛ di wɔ kpalaɠaai yɔwu a mɔ̨nun dee ɓɔwaɠaa. Lɔi ta hva kɛa pɛlɛ mɛlan nɔi ɓa a kɔ́, di hva kɛa di mąą kwɛli kɔ́ kɔ́wɔ ɓa.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Zakari 8:21

Ɛlɛɛ, taa tɔ̨nɔ̨ hu nuą kaa pai lii, diɛ kɛ taa ta kpɛli hu nuą diɛ: «'Ka gwə li, 'ka gwə li, gu Yai-Laa líi laa, 'ka gu Yai-Laa Mɛ̨nį Kəlee ŋą Hééɓomun kwɛli, ɲą́ą́ gbɛli mąn, gáá lii.»

Galatə 3:8

Hɔlɔɔ mun, ɉɛɓɛ́ ə mo yɛ: Yálá kaa pai huwu takpɛliɠaa kɛi a tələnmo nuą laa na laa háálai. Yili pɔ pələ ɓə gɛ, yɛ nwoo kwɛlɛ la Abrahamə ɓa, yɛ kɛ mą: Huwu kəlee kaa pai lúwɔ́ hɔlɔɓoi ə́ háálai.

M̀ɛni-lɛɛi 15:4

Ną́mu, gbɛɛ ɓə hva pɛli ɲɔwi yɛ́, ɛlɛɛ, hvo mąąwiɛlaa tɛɛ ə́ laa pɔ? Mąąhɔlɔɓo, yɛ́ kɔw tanɔ̨n gbən mə ə́ mąąhəɠɛɛ. Hįi lɔi kəlee kaa pai pai, ɛlɛɛ, di gwɛli hvilɛn yɛ́, mąąhɔlɔɓo, ə́ wɔ kitiɠaai daa too pono ɲą.»

M̀ɛni-lɛɛi 21:24

Hįi lɔiɠaa di kɛli hiɛ ŋą kɛɛpono hu, ɛlɛɛ, lɔi mɛ̨i tɔɔɓɛlaa di pa bɔ a di wɔɔ mąąwiɛlaa.