Zakari 8:21 - Yálá laawoo hɛɓɛ (dc)

²¹ Ɛlɛɛ, taa tɔ̨nɔ̨ hu nuą kaa pai lii, diɛ kɛ taa ta kpɛli hu nuą diɛ: «'Ka gwə li, 'ka gwə li, gu Yai-Laa líi laa, 'ka gu Yai-Laa Mɛ̨nį Kəlee ŋą Hééɓomun kwɛli, ɲą́ą́ gbɛli mąn, gáá lii.»

Yálá laawoo hɛɓɛ

²¹ Ɛlɛɛ, taa tɔ̨nɔ̨ hu nuą kaa pai lii, diɛ kɛ taa ta kpɛli hu nuą diɛ: «'Ka gwə li, 'ka gwə li, gu Yai-Laa líi laa, 'ka gu Yai-Laa Mɛ̨nį Kəlee ŋą Hééɓomun kwɛli, ɲą́ą́ gbɛli mąn, gáá lii.»

Bible

²¹ Nûa da pâi siɣêi dítaa-lêei su dí lí da kpɛ́ni su dí mó ǹûai dîa, ‘Kwaa lí a maa félaa kú Ŋ̀wála-wâla kélee Yâwɛɛ ŋɔƃɛlɛ-sêei kɔ́ri kú vɛli. Ka pá kú lí.’

Zakari 8:21 ပူးပေါင်းရင်းမြစ်များ

Kɔlɔnikɔ Veerɛi 11:16

Nuąi kpɔ kɛ Israɛlə lɔi kɔ́lɔ kəlee, Yai-Laa Israɛlə ŋą Yálá mąą mɛ̨nį ə ɓo di lii pɔ, di hvilɛn lévi lonnii tii pulu, di pa Ɉerusalɛmə, əgɛ, di haláá kulɔ Yai-Laa di nąnni di wɔɔ Yálái ɓa.

Mąątɛ̨nɛ̨ 103:22

'Ka Yai-Laa laa mąąwiɛ, kaai a nwɔ pɛli hɛnŋąą kəlee, kɛɛnąą kəlee ɓɛi kpɔ ŋą Heeɓolaa nwɔ kələn nwoo ə li laa. Nį́i, Yai-Laa mąąwiɛ.

Azaya 2:3

Lɔi tamąą hu nuą kaa pai pai bɔ, di kaa pai kɛi diɛ: «Ka tɛɛ, gwə li Yai-Laa nwɔ yee ɓa, Ɉakɔbə nwɔ Yálá nwɔ pɛ́lɛ́i mu, ə gu kalan a mɛ̨nįi mąąnɛ̨ɛ̨ gu gɛ, kpaalə yii a vaa ɓo, gu tɛɛ la.» A tɛ̨ą, Siɔn daai ɓə Yai-Laa nwɔ tɔ́n nwoo ə həɠə laa, A tɛ̨ą, Ɉerusalɛmə daai ɓə nwoo a həɠə laa, yɛ həli guɔ.

Ɉeremi 31:6

Mąą yələ, daa mąąkpɛ nuą kaa pai tomąi la Ɛfraimə yee tona, diɛ kɛ mą: «'Ká ka muhəɠə, ka gu tɛ Siɔn daai, Yai-Laa gu wɔ Yálái pɔ, daa gbɛa gu hee.»

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Zakari 7:2

Betɛlə ə Sarɛsɛrə tɔɔ, da tɔɔmun nwɔ kalanɉon gɛnɛ̨ɛ̨, ə mą kɛ, nɔi hu nuą taɠaa, Yai-Laa líi laa mɛ̨nį ɓa;

Zakari 8:22

Nu huwu tamąą, da lɔi kpɛa-kpɛaɠaa, di kaa pai pai Ɉerusalɛmə, diɛ Yai-Laa Mɛ̨nį Kəlee ŋą Hééɓomun kwɛli, diɛ Yai-Laa líi laa.

Ɉaan 1:37

Ɉaan nwɔ kalan nɛa hveelɛi tii di nwoo tii mɛ̨n nɔ di hvilɛn Jesus pulu.