Zakari 8:17 - Yálá laawoo hɛɓɛ (dc)

¹⁷ 'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Yálá laawoo hɛɓɛ

¹⁷ 'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Bible

¹⁷ Káfe mɛni nyɔ́mɔɔ kpɛ̀tɛ kálii su kákîe-ni mɛni ma. Káfe wôya kperɔ mìi kpɛ́ni fêi, fé m̀ɛni-ŋai ŋí wɛ́lini.”

Zakari 8:17 ပူးပေါင်းရင်းမြစ်များ

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Mąątɛ̨nɛ̨ 101:3

Mɛ̨nį ɲɔ̨n da lɔpee hva ɉeei hɔlɔɓo ɲéé pɔ, nuąi daa lənə Yɛ́ ŋį́ yowolaa kulɔ a diɛ, di túwɔ́ pələ hva pɛli nwún ɉu lan ɉi.

Hanwon 3:29

Ə́ ɓɛlan gaalon a hee ə́ kwɛlɛ, ə gilitɔɔ yɛ́, 'hvó kiliŋąhiɛ ɲɔ̨nwɔ̨ɔ̨ kɛ hvo vilɛn mą.

Hanwon 6:14

Mɛ̨nį ɲɔ̨nwɔ̨ɔ̨ kɛ kili ə ɓo lɔ níi hu, gili hvilɛn ŋąą lɔ mɛ̨nį ɲɔ̨n ma a yələ kəlee, yɛ lia hvaa tee.

Hanwon 8:13

Nui a mɛ̨nį ɲɔ̨n nwɛli kpɛɛ mą, a kɛ tii, aa ɲɔw Yai-Laa ɓa. Ɲą́ą́ nwɛ́i, kpɔwɔ ŋąą kɛnɛ̨ da ɲɛ̨itɛ di wɛli hvo mą́ą́. Túwɔ́ pələ ɲɔ̨n da lɛɛ hvaa, di wɛli hvo mą́ą́.

Ɉeremi 4:14

Ɉerusalɛmə taa! Akɛ ə́ kaa bɔ ə́ nwun ə kulɔ ɉui, ə́ lii hu mąąhəɠə, ə́ mɛ̨nį ɲɔ̨n gulɔ laa! Akɛ tii, kiliŋąhiɛ ɲɔ̨nŋaa tii di kaa pai lɛɛ heeni ə́ lii hu hąą mįnɛ̨ lɔwai?

Ɉeremi 4:2

Akɛ, yá ə́ woo kwɛlɛ mɛ̨nį ta hu a Yai-Laa, ə́ gɛ a tɛ̨ą, a tələnmoɔ laa, a ə́ kwəi kwɛlɛɛ; lɔiɠaa kaa pai lúwɔ́ tooi di kpɔɔ ɓa náá hu, diɛ di kpɔɔ mąątɛ̨nɛ̨ náá hu.

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Habakukə 1:13

Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Zakari 7:10

'Ka hvo ka yee pənə kalanin da təlilon di hu, ə mą kɛ, nwɛ̨ą, da yeehvowolomu. Nu ta hvo mɛ̨nį ɲɔ̨nwɔ̨ɔ̨ mąą kili tee gwəi yɛ hvilɛn na mɛlan gaalon ma.»

Zakari 8:18

Yai-Laa Mɛ̨nį Kəlee ŋą Hééɓomun, ə mɛ̨nį ɲɛ̨i ɓo nwɔ̨nɔ̨ mą́ą́, yɛ mą́ą́:

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Maafîu 15:19

Mąąhɔlɔɓo, nu nwɔ kiliŋąhiɛ hu ɓə mɛ̨nį ɲɔ̨n a kulɔ laa, yɛ pələi: Nu paa mɛ̨nį kaa la, wɛli hon ŋąą, túwɔ́ pələ ɲɔ̨n, nwuɔ̨ kɛɛ, ə lɛɛ kɛla hvaa ɲɔ̨nwɔ̨ɔ̨ ɓoɔ, da lalan biliɛ.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.