Zakari 8:12 - Yálá laawoo hɛɓɛ (dc)

¹² Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Yálá laawoo hɛɓɛ

¹² Yili ɓa, gáá pai liilaa hį́n ɉi lɔi mɛ̨i, viɲə yɛ ɓa, híhɛn yɛ lɛlɛ nɔi hu, yələkɔ́lɔn yɛ tulɔ pu; Ŋą́ ɉɛnŋąąi tii kəlee tɛɛ, nɔi lonnii gbəliɠaai da lɛɛ, di pɔ a di wɔɔ.

Bible

¹² Kpɛ́ni fêi, da pâi dísi-sɛŋ-ŋa sîi lii-sêe su. Díkpɔmɔ-kpâlaŋ-ŋai da pâi ƃâi ǹɔii é dísi-saai kɛ́ dí kpɛtɛ. Ǹyaŋ tuna támaa a pâi pûi dísi-sãai dîa. Ǹyaŋ zãâi ŋí kélee a pâi kɛ̂i a nɛɛ-pôlu-ƃelai pɔ́ɔ.

Zakari 8:12 ပူးပေါင်းရင်းမြစ်များ

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zɛnɛse 27:28

«Gɛ́ Yálá ə luwuluwu tulɔ pu yɛ́. Ə lɔi hɛn gɔw tɛɛ ə́ pɔ, ə́ mɔ̨nun ɉɔlɔɓo kɛnɛ̨, da lɔɔ nįnɛ̨.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Mąątɛ̨nɛ̨ 72:3

Tələnmolaa haalai, yee kpɛa kpɛaa da yee kpu kpuɠaa, di pa a nwunnąnɛ̨ɛ̨, nɔi lonnii pɔ.

Mąątɛ̨nɛ̨ 85:12

Tɛ̨ą a ɓɔn lɔi mɛ̨i, tələnmolaa yɛ lɛɛ yələi pələ yɛ nwun mąą laa.

Hanwon 19:12

Tɔɔmun a níiholi, gaa yɛ Yala a kɛi kpəɠi, Kɛlaa, a ɲɛ̨i lɛlɛɛ hee yɛ́, gaa yɛ nɛnɲá.

Azaya 30:23

Gaa pai kɛi tulɔ pui ka wɔ tíi ɓa, yai ka káá pai gɛi, gɔ̨nɔ̨n lɔi kaa pai dɛɛi, a kɛnɛ̨, yɛ lɛlɛ. Nąąlɔwai tii, kala tiliin nɛlɛɛɠaa hu ɓə, ka wɔ taatɛlɛɛɠaa da di laa mįi laa.

Azaya 61:7

Gɛɛ ka ɲɛ̨i paa mɛ̨nį ta ə pɛlɛi mą, ka lalan nwoo yɛ too nu kəlee la kɛɛnąą kəlee ɓa, yaamun, ka káá pai hɔlɔɓoi di wɔ lɔi hu geemɛ̨i hveelɛ, ɛlɛɛ gwəinɛ̨ɛ̨ tii wɔlɔ ka kɛi gulɔ, kaa pənə kaa gulɔ.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Izikiɛ 34:28

Lɔiɠaa di hva kɛa too di mɛ̨i, lɔwɔ huwɔɠaa di hva kɛa di mįi; di kaa pai kɛi liilaa hu, nu ta hva kɛa di mąą kpɛlin.

Izikiɛ 36:12

Gáá pai ə́ laahvɛɛi a nuą, nwɔ́ nu huwui Israɛlə nuą diɛ ə́ hɔlɔɓo a di pɔɔ. Yá kɛ a di hɔlɔɓo hɛn, hva kɛa di hvɛɠɛ di lonnii hu.

Izikiɛ 36:30

Ɉihɛnŋaa diɛ ɓá ka yəi, tííɠaa diɛ lɛlɛ kaa; ka hva kɛa nwumɛ̨, lɔiɠaa ɲɛ̨i ɓa, kɔ̨nɔ̨n mɛ̨nį ɓa.

Izikiɛ 36:9

A tɛ̨ą ŋą́ą́ pa ka pɔ, ŋą́ą́ ɲɛ̨́i lɛlɛɛ hee káá. Ka káá pai kɛi a tíi, diɛ mɔ̨nun ɉin ka mɛ̨i.

Osia 13:3

Yili mąą mɛ̨nį ɓa, di kaa pai kɛi yɛ luwuluwui a pu yələ wala pɔ; yɛ yələ wala pɔ nɛ̨nɲá, yai hva lamun laakpala ɲą; yɛ mɔ̨nun gala, mɔ̨nun vɛɛi lɔwai, yɛ nwɔ̨n nului a kulɔ pɛlɛ kɔ́m ma.

Osia 14:5

Gáá pai di ɓaloi di wɔ pulu kulɔ mɛ̨nįi tii yəi, gɛ́ di wɛlilakɛ gwə́i tɔ̨nɔ̨ mɛ̨i, ŋą́ą́ nwɔ́ lííholii həɠə di mɛ̨i.

Zooɛ 2:19

Yai-Laa ə nwɔ nu huwui nwɔ hvɛli woo mu hon Yɛ diɛ: «Yili ɓa, gáá pənəi ŋį́ mɔ̨nun dɛɛ ka pɔ, da lɔ, ɛlɛɛ da wulɔ nįnɛ̨. Ka káá pai pilɛi ɉu, və́ kɛa pai ka kɛi a nu huwu takpɛliɠaa di wɔ yɛlɛ kulɔ ɉu hɛn.

Zooɛ 2:22

Lɔwɔ huwɔɠaa! Ka hvo kɛa ɲɔw! Lɔwɛi kalaɠaa daa tɛlin wuluɠaa daa ɓa. Ɓɔɔlaa wulu da viɲəɠaa yeelaa aa hvólóon.

Levetekɔ 26:3

«Ka lɛɛ nwɔ́ tɔ́nŋąąi pulu, ka ka yee kanąn nwɔ́ tíɓoɠaai diɛ, ka di pɔ túwɔ́ ɓo,

Sofoni 3:13

Israɛlə nu kpəlii a lɛɛ, di hva kɛa tuwɔ pələ ɲɔ̨n gulɔ. Di hvo kɛa pai kɛi lɛɛ hvaaɓoi, nu ɓowo woo hva kɛa kulɔ di la, Kɛlaa, di kaa pai kɛi di laa mį́į́, diɛ di hvįįtɔɔ; ɛlɛɛ, nu ta hva kɛa di mąą ɲɔw.

Egaa 1:10

Ka túwɔ́ pələi tii mąą mɛ̨nį ɓə gɛi, tulɔ tɔ̨nɔ̨ kpɛli hvo pu li la lɔi ɓa, ka wɔ hihɛnŋąąi di hvo lɛlɛ.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.

Egaa 2:19

Kɛlɛi mɔ̨nun gɔ́w tɔ̨nɔ̨ kpɛli hvo kɛa ka yəi gələ́ɠaa hui ee? Viɲəɠaa, ɓolaa wuluɠaa, nwului ŋɛ̨i da kɛ mą grenadə da olivə wuluɠaa, di hvo ɓá. Ə həɠə háákələi ɓa, gáá pai lúwɔ́ tooi kaa.

Zakari 8:6

Yai-Laa, Yai-Laa Mɛ̨nį Kəlee ŋą Hééɓomun woo ka, yɛ diɛ: Akɛ, nɔi lonnii yiiɠaai daa lɛɛ, da wala kɛ mɛ̨nįɠaai tii kaai a pɛli mɛ̨nį, ɲələ a pa həlii, a kɛ tii ɲą́ą́n gbɛli mąn, vá mɔ̨ɔ̨ gaa a mɛ̨nį a pɛli kɛi? Yai-Laa Mɛ̨nį Kəlee ŋą Hééɓomun woo li.

Malasi 3:11

Akɛ tii, vá kɛa hvaa mą, koon-goon ɉɛnŋąą di hvo ka wɔ hihɛnŋąąi má kala, ka wɔ viɲə yɛaɠaai da ɓá a nɛlɛɛ. Ɲą́ą́ ɓə yili laakwɛlanmoi káá.

Maafîu 6:33

Kɛlaa, ka gbɛa tɔlɔɔ Yálá nwɔ tɔɔlaai kwɛli, da ɉu tələnmolaa. Yili pulu, Yálá a ɉɛnŋąą tii kəlee pɛlɛ mą, ə dɛɛ ka pɔ.

Korɛntə dɔlɔɔ 3:21

Yili ɓa, nu ta hvo ŋą huɲąŋąkɛnɛ̨ kɔwɔ hvilɛn nu kanŋaa mɛ̨i, gbala ə tɔɔ, gəlee kaa a ká wɔɔ:

Dutɛrɔnome 32:2

Nwooɠaai gáá ka kalan ɉii la, ə hala lɔi mɛ̨i yɛ tulɔ ya, nwóó ə pɛlɛ yɛ náláán, yɛ weewaa tulɔ kala tiliinŋąą mɛ̨i, yɛ hvóló laa ɓoɔ tulɔ kala tiliinŋąą mɛ̨i.

Dutɛrɔnome 33:13

Yɛ Ɉosɛfə nwɛi ɓa: «Yai-Laa aa lúwɔ́ tɔɔ di hee lɔi ɓa, a tulɔ yii a pu mą, da yáɠaai da kulɔ lɔi liiɓa.

Dutɛrɔnome 33:28

Ə́ hvįįtɔɔ a ə́ wəli pulu laɠiɛ, Ɉakɔbə nwɔ yá nwun gulɔi kaa laai a dee; yɛ li ɓɛi mɔ̨nun da lɔɔ nįnɛ̨ di kaa laa nɔi; yələkɔlɔn yɛ tulɔ pu mą.

Zĩi 3:18

Tələnmo laa ɓá a hin liilaa hu, nuąi liilaa kwɛli di yəi.