Zakari 7:7 - Yálá laawoo hɛɓɛ (dc)

⁷ Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Yálá laawoo hɛɓɛ

⁷ Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Bible

⁷ Tãi Zerusâlɛŋ è kɛ̀ la a ǹáa fɛ́ɛ a núu-kpune da tɔɔ-sã̂a, ŋɔtaa-lêe-ŋai tínaŋɔɔ ma ǹɔii kwára-pere da diŋ-tiŋ kélee láa fɛ́ɛ a núu-kpunei, Yâwɛɛ ŋɔlóno kɛ́-ƃelai dífe ŋ̀óo-ŋai ŋí ƃó ní?

Zakari 7:7 ပူးပေါင်းရင်းမြစ်များ

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ɉeremi 13:19

Daa ɉɛɠɛɛ pələ taaɠaa kəlee gbon naa kpulu, nu ta hvo pai naa ɓoi, daa li a Ɉuda nuą kəlee kpɔ tɛ̨ɛ̨tɛ̨ɛ̨ luwɔlaa hu, dɔ̨nɔ̨ kpɛli hvo lɛɛ li.

Ɉeremi 17:26

Nąąlɔwai, nuą da həɠə Ɉuda taaɠaa hu, da Ɉerusalɛmə kwɛlɛ taaɠaa, Bɛnɉamɛn nwɔ lɔi hu, ɉɛɠɛɛ pələ nuą, da nuąi heeni ɲeeɠaa hu, da nɛ̨ŋɛ̨ lɔi hu nuą, diɛ pa a haláá taatɛlɛɛɠaa, da haláá hɛn dakpɛliɠaa, da mɛ̨inɛ̨ɛ̨ɠaa, ə mą kɛ, hɛn gun nɛ̨ɛ̨ɠaa, da Yálá mąątɛ̨nɛ̨ haláá Yai-Laa yəi bɛlɛ́n.

Ɉeremi 22:21

Ŋą́ pələ ɓo yɛ́, ɓɛlɔwai mɛ̨nį ta hvo kɛ la ə́ wəli pulu, ə́ bulu pənə mą́ą́, yɛ́ mą́ą́: «Və́ nwə́li tɔɔi mɛ̨nį ta ɓa.» Ə həɠə ə́ muhəɠə yələ ɓa, yili lɔ ɓə ə́ kaa ɉu. Hvə́ ta gɛ li, hvó ə́ wəli tɔɔ nwóó ɓa.

Ɉeremi 32:44

Di kaa pai kɛi tííɠaa yai, diɛ nwali lono, diɛ nɔwɔtɔɔ hɛɓɛ́ pɛ̨ɛ̨, diɛ di kɔ́lɔn ɉii kɛ mą, diɛ kɛlaɠaa hee Bɛnɉamɛn nwɔ lɔi hu, Ɉerusalɛmə kwɛlɛ da Ɉuda taaɠaa hu. Yiiɠaai ɲee hu, da yiiɠaai nɛ̨ŋɛ̨ hu, da yiiɠaai di kaa ɉɛɠɛɛ pələ. Mąąhɔlɔɓo, gáá pai pənəi ŋą́ di pu di nįnɛ̨ kɔ́lɔi. Ɲą́ą́ Yai-Laa, nwóó li.»

Ɉeremi 33:13

Ɲee hu taaɠaa, da nɛ̨ŋɛ̨ hu taaɠaa, da ɉɛɠɛɛ pələ taaɠaa, Bɛnɉamɛn nwɔ lɔi hu, Ɉerusalɛmə kwɛlɛɠaa da Ɉuda lɔi taaɠaa hu. Ɓɛlaaɠaa kaa nwɔ̨nɔ̨ pai kɛi laa, diɛ tɛɛ, diɛ di lono. Ɲą́ą́ Yai-Laa nwoo li.»

Ɉeremi 44:4

Vį́į́ hvo kɛi kpɛɛ nwɔ́ tínuą, da gwə́i mɛ̨nį hukulɔ nuą tɛɛi, diɛ kɛ kaa: Mɛ̨nįi nwɛli hvo mą́ą́, 'ká hvo di kɛ.

Ɉeremi 7:23

Kɛlaa, mɛ̨nįi ŋį́ vɛli diɛ, ya ka; ŋį́ kɛ diɛ: Akɛ, ka ka wəli tɔɔ nwóó ɓa ka ɉon, ŋį́ kɛ a ka wɔ Yálá, kaa ɓo a nwɔ́ nu Huwuɠaa. Bələi ŋį́ nɛ kaa, ka hiɛ ɉu a nɛlɛɛ, ka káá pai kɛi ka nɛ̨ɛ̨ hu.

Ɉeremi 7:5

Kɛlaa, 'ka tɔɔ kpɔ a ka nwąnąąi, ka ka túwɔ́ pələ haŋą, ka ka hiɛ pələ ɲɛlɛ kɛ yɛ bələi viɛlaɓoɔ la. 'Ka kiti tee a ɉaŋaa nuą lɔwai.

Zakari 7:12

Di di kili walawala yɛ Kúwɔ́-kwɛni, di hvo pa nəi di mąąkwɛli woo mɛ̨n, di Yai-Laa Mɛ̨nį Kəlee ŋą Hééɓomun wooɠaa pili, yai gwəi mɛ̨nį hukulɔ nuą di naa həli diɛ. Yai-Laa Mɛ̨nį Kəlee ŋą Hééɓomun lii ə holi kpɔ di pɔ kɛnɛ̨.

Zakari 7:6

Ɓɛlɔwai ka kɛi ka laa mįi la, káá ka kpələ, káá kpįnįi ka mąą mɛ̨nį hvəi ka kɛi ka laa mįi la, káá ka kpələ!»

Zakari 7:8

Yai-Laa ə kɛ Zakari ɓa:

Dutɛrɔnome 34:3

Negɛvə lɔi, da Ɉeriko ɲá-ɓoloon bɔ lɔi, yii gaa tow lɔi ə həli la Soarə.