Zakari 7:5 - Yálá laawoo hɛɓɛ (dc)

⁵ 'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Yálá laawoo hɛɓɛ

⁵ 'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Bible

⁵ “M̀ó ǹûai kélee dîa díkaa ǹɔii mai da zâla láa-soŋ-ƃelai. Tãi ká kɛ̀ sûŋ siɣêi la ŋ̀áloŋ ǹɔ́ɔlui da mɛi feerɛi su, ká kɛ́ malôŋ sèe ƃò góraŋ buu lɔ́ɔlu mɛi feerɛ ŋí yée mui, ká kɛ̀ gɛ̂i ḿɛni ma?

Zakari 7:5 ပူးပေါင်းရင်းမြစ်များ

Tɔɔɓɛlaa veelɛ 25:23

Ɓɛlɔwai Ɉuda kɔlaɠa nwun nąmįną di bələ mɛ̨n na, diɛ kɛ Babilonə tɔɔmun aa kɛ Gedaliasə hee Ɉuda lɔi nwun na, di pa da wɔɔ nuąi, di həli Gedaliasə ɓa Mispa daai; nuą tii ɓa: Netania lon Yismaɛlə, Karea lon Yohanan, Tanhumɛtə lon Seraya yai kɛ a Netofa daai mun, ɛlɛɛ, Maaka mun lon Yaaniahu.

Tɔɔɓɛlaa veelɛ 25:25

Kɛlaa, ɲąnin mɛ̨ihveelɛ lɔwai, Elisama yai kɛ a dɔɔ kwəlii mun da, mąnįn Yismaɛlə yaai a Netania lon, da nu pow di pa di Gedaliasə paa, ə mą kɛ, da Ɉuda nuą, da Kalde nuąi da diɛni da kɛ Mispa daai.

Azaya 43:23

Yili kulɔ ə́ wɔ kiliŋąhiɛ hu, yɛ́ kɛ, mɛlaa lonnii ə́ kɛi gulɔ a haláái da kəlee kələn, ɲą́ą́ hvəi ə́ gɛ mą́ą́, a yai ə́ kɛi kɛ yɛ́, ə́ kaa nwɔ́ mą́ą́wiɛ ta pɛlɛi la mą a ə́ wɔ taatɛlɛɛɠaai. Gulɔ nwɔ̨nɔ̨ ə́ nwun ɉu, yɛ́ kɛ, haláá kulɔ mɛ̨nį mą́ą́ ɓə gɛ, gɛ́ ə́ too la luwɔlaa hu, yili hvəi-ee, ɛlɛɛ və́ ta ə́ hviikpɛɛli, gɛ́ kɛ yɛ́, lansan kələn mą́ą́.

Azaya 58:3

«Kuɔ hín nɔɔ nwun mąą lə, akɛ ə́ ɲɛ̨i hvo laa, kuɔ ku kpɔwɔ mąąyɛɛ lə mɛ̨nį ɓa, akɛ hvo gili kɔ́lɔn ɉii?» Ka wɔ hín nɔ yələɠaai, ka kɛ tɔ̨nɔ̨ kwɛlii, ɛlɛɛ kaa ka wɔ kóló kɛ nuąi mɔ̨nɔ̨ ɓo.

Ɉeremi 25:11

Nɔi ŋɛ̨i naa kəlee kaa pai lɛɛi a kpomó, da lɔi pun. Ɛlɛɛ, ɉu nuą kəlee da kɛ Babilonə tɔɔmun ɲee mu əlɛɛɉu, kwɛlan bow mɛ̨ihveelɛ.

Ɉeremi 29:10

«Yai-Laa woo ka, yɛ diɛ: Gwɛlan bow mɛ̨ihveelɛi bɛ̨ɛ̨ Babilonə nwuɔ̨, a tɛɛ, ŋą́ ka mąą mɛ̨nį ɲɛ̨i kulɔ, ka pənə ka pa, gɛɛnąą ŋɛ̨i ɓa, ɓɛi ŋį́ naakwɛlanmo kaa, gɛ́ nwóó tii pɔ mɛ̨nį kɛ.

Ɉeremi 52:12

Babilonə tɔɔmun Nabukodonosorə nwɔ kwɛlan bow gɔw mɛ̨inan nąąn, nwɔ ɲąnin nɔɔli lɔwai dɔɔlaa hu, voló pow yələ, Nebuzaradan yai kɛ a Nabukodonosorə nwɔ tɔɔlaa kwɛlɛ kalanɉon da, ə pa Ɉerusalɛmə.

Danîa 9:2

nwɔ tɔɔlaa gwɛlan dɔlɔɔ hu, gwɛlan bow mɛ̨ihveelɛi ŋɛ̨i di vaa ɓo a Ɉerusalɛmə taa wolo kwɛlan, yii mąą mɛ̨nį pɛ̨ɛ̨ Yálá lawoo hɛɓɛ́ hu, yɛ pələi Yai-Laa yaa kpinį ə mo la gwəi mɛ̨nį hukulɔ mun Ɉeremi ɓa, ɲą́ą́ Daniɛlə ɲá hee, gɛ́ mukulaa kwɛli.

Osia 7:14

Di hva vɛ́li di kwəi tɔ̨nɔ̨ mɛ̨i, Kɛlaa, da kɛ wɔlɔi di yee gbinŋaa ɲą, da kɛ di ɲąąkpɔn ɉii mɔ̨nun mɛ̨nį ɓa, da lɔɔ nįnɛ̨, ɲą́ą́ ka tii di kaa di kwɛli teei ɲə́i.

Zakari 1:12

Yai-Laa nwɔ malaka ə bulu pənə, yɛ diɛ: «Yai-Laa Mɛ̨nį Kəlee ŋą Hééɓomun, mįnɛ̨ lɔwai ɓə ə́ kaa mąąkpɔn ɉii, Yɛ́ tɛɠa pa Ɉerusalɛmə da Ɉuda taaɠaa ɲɛ̨imąąwɛli kaai? Yaa ə́ liiholi di pɔ, aa kɛ kɛa a kwɛlan bow mɛ̨ihveelɛ.»

Zakari 7:3

diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Zakari 7:4

Nąąlɔwai, Yai-Laa Mɛ̨nį Kəlee ŋą Hééɓomun ə mo mą́ą́, yɛ mą́ą́:

Zakari 7:6

Ɓɛlɔwai ka kɛi ka laa mįi la, káá ka kpələ, káá kpįnįi ka mąą mɛ̨nį hvəi ka kɛi ka laa mįi la, káá ka kpələ!»

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Maafîu 23:5

Da di kɛ mɛ̨nįɠaa kɛ nuą ɲɛ̨i ɓa, ə gɛ di di kaa. Ka di tɔwɔla kaa, Yálá nwɔ tɔ́n taɠaa pɛ̨ɛ̨ kaa huwɔ kɔ́lɔ hu, a mɛla ɲa kɛnɛ̨ bəlɛɛ di tɔwɔla. Daɠaa yiliɛɛ di yee ɓa. Ɲalai da dɔɔ di wɔ həɠəɠaai mu, gaa a mɛla ŋą kɛnɛ̨.

Maafîu 6:16

«Ka kɛi hin nɔ, ka hvo dɔɔ ka ɲɛ̨i, yɛ bələi tɛ ɲɛ̨i mɛ̨nį kɛ nuą da gɛ la. Da di ɲɛ̨i laai mąąhvalin, ə gɛ, nuą di gaa diɛ di kaa hin ɉu. Gáá moi kaa a tɛ̨ą, di hvɛla lɔ ka tii da ɉɔlɔɓo.

Maafîu 6:2

Akɛ yá kɛi mąąwɛli mun gɔ́, a hɛn da, hvo ə́ kpɔɔ mɛ̨i lolo too, yɛ bələi tɛ ɲɛ̨i mɛ̨nį kɛ nuą da gɛ la, di wɔ Yálá hvɛli pɛlɛ́ɠaa mu; da pələ leeɠaa mɛ̨i; ə gɛ, nuą di di mąąwiɛ. Gáá moi kaa a tɛ̨ą, daa gbɛa di hvɛla hɔlɔɓo.

Maafîu 6:5

«Ka kɛi Yálá hvɛli, ka hvo gɛ yɛ tɛ ɲɛ̨i mɛ̨nį kɛ nuą; diɛi da kɛ bɔ, diɛ ɓo tɔɔni diɛ Yálá hvɛli di wɔ Yálá hvɛli pɛlɛ́ɠaa mu, da pələ taŋąnnaɠaa; ə gɛ, nuą di di kaa. Gáá moi kaa a tɛ̨ą, daa gbɛa di hvɛla hɔlɔɓo.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Korɛntə veelɛ 5:15

Ɛlɛɛ, ə nu kəlee pulu haa ɓo, ə gɛ, nuąi di hvulú kɔwɔ ɲą, di hvo yɛnɛ̨ɛ̨ kɛ a di kpɔwɔ mąą mɛ̨nį, kɛlaa, di yɛnɛ̨ɛ̨ kɛ nui haa ə nwun, mąą mɛ̨nį ɓa.

Kolosə 3:23

Kóló huwui lɔpee da naa káá, 'ká gɛ a liinɛ̨ɛ̨ gwəi laa, yɛ ká kɛi gɛ gu Ną́mu ɓa, 'ká hvo ká kiliŋąhiɛ nu ɓa.