Zakari 7:3 - Yálá laawoo hɛɓɛ (dc)

³ diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Yálá laawoo hɛɓɛ

³ diɛ Yai-Laa Mɛ̨nį Kəlee ŋą Hééɓomun yəi bɛlɛ́n ɉaláá laa həli nuą mąąnįn kɛ, da Yálá kwəi mɛ̨nį hukulɔ nuą, diɛ kɛ diɛ: «Mąąnɛ̨ɛ̨ ŋį́ wɔ́lɔ́ ɲąnin nɔɔli nąą yeemu, gɛ́ hįn nɔ, yɛ bələi ŋą́ kɛ gɛi la a bɔlɔ?»

Bible

³ a gɛɛ dí zâla láa-soŋ-ƃelai marê kɛ́ Yâwɛɛ Ŋɔpɛ́rɛi mu da ŋɔlóno kɛ́-ƃelai a bere sîi ŋí, “Ǹɛ̂lɛɛi ŋá malôŋ see ƃé, ŋá suŋ siɣe ŋ̀áloŋ ǹɔ́ɔlui su yɛ̂ɛ berei ŋá wɔ́lɔ gɛ̀ la kóraŋ támaa yée mui?”

Zakari 7:3 ပူးပေါင်းရင်းမြစ်များ

Ɛsdrasə 3:10

Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Ikilisiati 3:4

Nu wɔlɔ yələ kaa mą, nu yɛlɛ yələ yɛ ɓo mą. Woolaa kɛi yələ kaa mą, mąnąkaa yələ yɛ ɓo mą.

Osia 4:6

Nwɔ́ nuąi ɲąą kaa kwɛ̨ɛ̨i, mąąhɔlɔɓo, mɛ̨nį kɔ́lɔn ŋąą hvo di lɔwai. Lənəi ə́ mo mɛ̨nį kɔ́lɔn mɛ̨nį ɓa, ɲą́ą́ gbɛli mąn, gáá lənəi yɛ́, hvá kɛa kɛ a nwɔ́ haláá laa həli mun. Yáá lɛ̨ą ə́ wɔ Yálái nwɔ tɔ́n nwooi ɓa, ɲąą gbɛlin mąn gáá pai lɛ̨ąi ə́ lonnii diɛ.

Zooɛ 2:17

Gwɛəli heai da ɉaláá kulɔi di lɔwai, ɉaláá laa həli nuą di tɔɔlaa di wɔlɔ, diɛi a Yai-Laa nwɔ tínuą. Diɛ kɛ diɛ: «Yai-Laa! Yɛ nu huwui mąąwɛli kaa, hvó ə́ kwɛlin mɛlɛ too, hvó gɛ a lɔi takpɛliɠaa di wɔ yɛlɛ kulɔ ɉu hɛn, diɛ kɛ kpɛli ma: Di wɔ Yálái kaa mi?»

Egaa 2:11

«Aze, mąąnikɛi ŋɛ̨i kɛ ɉaláá laa həli nuą diɛ, yɛ diɛ: Yai-Laa Mɛ̨nį Kəlee ŋą Hééɓomun yɛ:

Zakari 7:4

Nąąlɔwai, Yai-Laa Mɛ̨nį Kəlee ŋą Hééɓomun ə mo mą́ą́, yɛ mą́ą́:

Zakari 7:5

'Kɛ nɔi lonnii kəlee da ɉaláá laa həli nuą diɛ: «Ɉin ka kɛi nɔ kaa wɔlɔ la, ɲąnįn nɔɔli yələ da ɲąnįn mɛ̨ihveelɛ yələ, kwɛlan bow mɛ̨ihveelɛ yeemu, ɉin tii, ka kɛi mɔ̨ɔ̨ nɔ mą́ą́ mɛ̨nį ɓa?

Zakari 8:19

Nwooi Yai-Laa Mɛ̨nį Kəlee ŋą Hééɓomun ə mo mą́ą́, ya ka, yɛ mą́ą́: Ɲąnin nąąn nąą nwɔ hin nɔ kuu, ɲąnin nɔɔli nąą nwɔ hin nɔ kuu, ɲąnin mɛ̨ihveelɛnąą nwɛi, da ɲąnin bow nąą nwɛi, gəlee kaa pai kɛi a Ɉuda nwɔ pɛlɛ́i mu nuą di wɔ kwəinɛ̨ɛ̨ kulɔ hvóló, di wɔ mąną kaa hvólóɠaa, da di wɔ hɛli pu hvólóɠaa. Kɛlaa, tɛ̨ą da liilaa, di wɛli ə kɛ kaa.

Malasi 2:7

A tɛ̨ą, haláá laa həli mun gɛ kólo ɓaa, ə nuą mąąkwɛli a Yálá kɔ́lɔn mɛ̨nį, yaa tii ɓə nuą da pa bɔ, diɛ mąąnįn kɛ a kpaaləi mąąnɛ̨ɛ̨ di hiɛ la. Mąąhɔlɔɓo, ya ɓə gaa a Yai-Laa Mɛ̨nį Kəlee ŋą Hééɓomun laawoo laa həli mun nuą diɛ.

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Korɛntə dɔlɔɔ 7:5

'Ká hvo lənə ka kee ɓa, hvo kɛli ə kɛ a ka nu hveelɛi ka laa mąą woo, kaa gɛ tii Yálá hvɛli mɛ̨nį ɓa. Yili pulu, ka pənə ka ɉilɛtaai yíi ɓo yɛ bələi mąąnɛ̨ɛ̨ la, a wala kɛ tii ka wala pɛli ka kpɔwɔ hu hon ɉii, ka too ɓilihi ŋą ɲąąhɛn hu.

Dutɛrɔnome 33:10

Diɛi tii ɓə da ə́ wɔ yɛnɛ̨ɛ̨ yíi ɓo pələ lɛ Ɉakɔbə ɓa, diɛ Israɛlə nuą kalan a ə́ wɔ tɔ́nŋąąi hon bələ; diɛ ɓə da lansan kələn ə́ lííla; diɛ ɓə da haláá kulɔ yɛ́, yii da gəlee kələn.