Zakari 6:11 - Yálá laawoo hɛɓɛ (dc)

¹¹ Nwali ta həɠə da ɉɛni ta, ə́ bɛli a kálán, ə́ ɉee Yehosadakə lon Ɉosue nwun ma, yai a ɉaláá laa həli mun gɛnɛ̨.

Yálá laawoo hɛɓɛ

¹¹ Nwali ta həɠə da ɉɛni ta, ə́ bɛli a kálán, ə́ ɉee Yehosadakə lon Ɉosue nwun ma, yai a ɉaláá laa həli mun gɛnɛ̨.

Bible

¹¹ Ƃɔrɔ kpɛtɛ a káne da gôo nyii ǹûai dí dɛ̀ɛ ípɔi í zee Zeozada-ǹóŋ Zasua ŋûa nyii gáa a zâla láa-soŋ-nûu kɛ́tɛi.

Zakari 6:11 ပူးပေါင်းရင်းမြစ်များ

Samia Veerɛi 12:30

Yili pulu, di di wɔ tɔɔmun nwɔ tɔɔ ɓɔlɔi kulɔ nwuɔ̨, nwiɛ yee ə kɛ a kilə pow haaɓa kɔ́w nąąn, yɛ ɓo a hɛni. Kúwɔ́-kwɛni ə kɛ ɉu, di bɛlɛ Davidə nwuɔ̨. Ɉɛn di ɉon daai tii hu a kɔ́, gɛnɛ̨i kɛ, ə ɉəɠə yɛ li la.

Ɛsdrasə 10:18

Ɉaláá laahəli nuą lonnii lɔwai, yiiɠaai kɛ daa nwɛ̨ą nɛ̨ąą həɠə diɛ ka: Yosadakə lon Ɉosue da nąn nonnii di wɔ lonnii lɔwai: Maaseya, Eliezɛrə, Yarivə da Gedalia;

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Mąątɛ̨nɛ̨ 21:3

Ɉɛn nwɛli ə kɛ mą́ą́, yaa dɛɛ bɔ, níiɓa mɛ̨nįi ŋį́ vɛli yɛ́, hvó lənə li mą.

Lɛɛ gbɔwɔ ɓa 29:6

Ə́ mɔlɔ pɛlɛ nwuɔ̨, ə́ gɔlɔ palaa hɛlɛn mɔlɔ ɓa.

Lɛɛ gbɔwɔ ɓa 39:30

Di kalan bɛli a hɛni huwaa hva-hva, mɛla ɲą kɛnɛ̨, yɛ wulu powa a kɛi holoon, naakwɛlanmo hɛn ni; di hɛɓɛ́ pɛ̨ɛ̨ maą, diɛ mą: «Naakwɛlan moɔi Yai-Laa ɓa.»

Wɛli 3:11

Ɉerusalɛmə nɛ̨ɛ̨lɛa, 'ka pa! 'Ka pa ka tɔɔmun Salomɔn kaa. Vúlulɔ ɓɔlɔi nee ə bɛli mą a nwɔ hvúlulɔ yələ laa, Ka gaa, a gwəinɛ̨ɛ̨ hvólói ŋɛ̨i.

Levetekɔ 8:9

Ə mɔlɔ lɔ nwuɔ̨, ə nwulu powa mąą nįnįn tii a ɉɛni, ə ɉee mɔlɔ ɓa dɔwɔ pələ. Bələ ɓə da gɔlɔn na, diɛ kɛ gaa a Yálá nwɔ nu mąąhəɠɛɛ, yɛ bələi Yai-Laa ə Moisə tí la.

Egaa 1:1

Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Zakari 3:1

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.

Zakari 3:5

Yili pulu, yɛ mą; 'ka ɓɔlɔ mąąhəɠɛɛ lɔ nwuɔ̨. Di ɓɔlɔ lɛlɛɛ lɔ nwuɔ̨, di həɠə too gwąną, Yai-Laa nwɔ malakai ə kɛ laa tɔɔni.

Zakari 6:14

«Ɲąąwooɓo kálán nwɛi, gaa lɔ pai kɛi Yai-Laa hvɛli pɛlɛ́ mu, a yii a Hɛldai, Tovia, Yedaya di kili too hɛn nuą ŋą, ɛlɛɛ yɛ Sefania lon nwɔ mɛ̨nį lɛlɛ pələ kili too nuą ŋą.»

Hebreu 2:9

Kɛlaa, lə ɓə gwa pɛli gaai yiihu? Nui gɛ pələ tawolo too malakaɠaa di wɛi mui, yai a Jesus, ɉaa mɔ̨nɔ̨i tii ə mįi mąą mɛ̨nį ɓa, ə mąąwiɛlaa da lɛlɛ laa hɔlɔɓo, a mąą hon ɉɛn. Yili ɓa tii, Yálá ŋą mɛ̨inɛ̨ɛ̨ háálai, ə haa kɔlɔn, nu kanŋaa kəlee mąą mɛ̨nį ɓa.

M̀ɛni-lɛɛi 19:12

Ɲɛ̨i kɔ́w kaa a nwɔ̨n nən nwələənŋąą, tɔɔɓɔlɔ tamąą pɛlɛɛ nwuɔ̨, ɛlɛɛ, laa ta pɛ̨ɛ̨ mą, yaa tanɔ̨n nɔ ɓə gɔlɔn.

M̀ɛni-lɛɛi 6:2

Ŋą́ ɲɛ̨́i hee, ŋą́ hoo kwɛlɛɛ ta kaa. Nui kɛ heeni mɛ̨i, kilɛn yɛ ɓo ɲəi. Di ɓɔlɔ ta tɛɛ bɔ, ɛlɛɛ, yɛ li yɛ, kuláá, ɛlɛɛ, yɛ li kuláálaa kɛi.