Zakari 4:7 - Yálá laawoo hɛɓɛ (dc)

⁷ «Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Yálá laawoo hɛɓɛ

⁷ «Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Bible

⁷ Lé ƃa yá, Óo ǹyee kɛ́tɛi? Ya pâi kɛ̂i a tiŋ-tiŋ kwaa ma Zɛrubabɛɛ ŋɛ́i. A pâi pâi a ǹyéei tí tôŋ-su kɔni, laɣi-woo kɛ́ ƃɔ̀ bôlu ǹyɛɛ, ‘Ƃɛlɛ-sêe, ƃɛlɛ-sêe káa ma!’ ”

Zakari 4:7 ပူးပေါင်းရင်းမြစ်များ

Ɛsdrasə 3:10

Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Mąątɛ̨nɛ̨ 114:4

Yeeɠaa diɛ pili yələi, yɛ ɓɛlaa hilɛɠaa, yee kpu kpuɠaa diɛ gɛ yɛ ɓolu lonnii.

Mąątɛ̨nɛ̨ 114:6

Yeeɠaa, nɛlɛ ŋą pili ɓə ka káá moi yələi, yɛ ɓɛlaa hilɛɠaa? Ɛlɛɛ, kaai a yee kpu kpuɠaa, kaa gɛ yɛ ɓolu lonnii?

Mąątɛ̨nɛ̨ 118:22

Gwɛnii bɛlɛ́ tɔɔ nuą di lənə mą, ya ɓə kɛ a bɛlɛ́ nwun ɉon gwɛni.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 41:15

Ŋą́ą́ ə́ kɛ a ɉugbun ɲąą kuláa, ə́ kaa pai yeeɠaa ɓuwɔi, yɛ́ di hu taɠa taɠa; ə́ kaa pai yee kpukpuɠaa hunwɔ̨i, yɛ di kɛ a munuun,

Ɉeremi 33:11

kwəinɛ̨ɛ̨ wələɠaa mɛ̨n ɉii laa, da yɛlɛ wooɠaa, nɛ̨ą həɠə mun nwɔ wələ woo yɛ tɔɔ. Hilɛtai nɛ̨ɛ̨nu nwɔ mąną kaa tin yɛ tɔɔ. Nuąi pai a hɛɠɛɛɓo halááɠaa Mɛ̨nį Kəlee ŋą Hééɓomun Yai-Laa yəi bɛlɛ́n, di wɔ hvɛ́li woo yɛ tɔɔ laa, diɛ kɛ mą: 'Ká Yai-Laa Kɔlaɠa Nwun Ną́mu laa too a wələ, mąąhɔlɔɓo, nwɔ mɛ̨nį lɛlɛɛi, nwɔ wɛlikɛmąąlaa ɲɛ̨n deei hvo mą. «A tɛ̨ą, ŋą́ pənə ŋą́ nɔi ŋɛ̨i tɔɔ, ə pənə ə kɛ yɛ bələi ə kɛ la tɔlɔɔ. Ɲą́ą́ Yai-Laa nwoo li.»

Ɉeremi 51:25

Yɛ́ kpɔ ɓə vílɛn ŋąą ə́ pulu, kɛɛ kalamun, yɛnɛ̨ɛ̨ kəlee hu kalamun; Ɲą́ą́ Yai-Laa nwóó li. Gáá ɲéé kpuwulu kɛi yɛ́, gɛ́ ə́ kulɔ kwɛniɠaa mɛ̨i, gɛ́ ə́ too, gɛ́ ə́ mąą pənə a nwɔ̨n dəŋą yee.

Mise 1:4

Yeeɠaa diɛ həɠeen gɔwɔ mu. Yee lɔwai lɔiɠaa diɛ həɠeen, yɛ da nwɔ̨n ɉee kwɛ̨in gban ma. Yɛ da yá pu kɛɛnąą hviən ŋąą ɓa.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.

Zakari 4:8

Yai-Laa ə mɛ̨nį ɓo mą́ą́, yɛ mą́ą́:

Zakari 4:9

«Zorobabɛlə yee ɓə bɛlɛ́i ŋɛ̨i hvilɛn ɉii, yaa lɔ ɓə pai naakulɔi. Ɛlɛɛ, ka káá pai ɉu kɔ́lɔn ɉii kaa kɛ Yai-Laa Mɛ̨nį Kəlee ŋą Hééɓomun ɓə dɔ́ɔ́ ka pɔ.

Maafîu 21:21

Jesus ə di woo ŋąąpənə yɛ diɛ: «Gáá moi kaa a tɛ̨ą: akɛ laa na laa a kɛ ka yəi da ɲį́nɛ̨n-ɲį́nɛ̨n a wala kɛ ka hui, mɛ̨nį ŋɛ̨i ɲą́ą́ gɛ a mɔɔlaa wului ŋɛ̨i ka pɛli ɲɔ̨nwɔ mąn gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛi. Ka pɛli kɛi ɲee ŋɛ̨i ɓa: ‹Həɠə ɓɛ ə pili gboloyá hu›, a pɛli ə gɛ.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Markə 12:10

Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Lukə 20:17

Kɛlaa, Jesus ə ɲɛ̨i hee diɛ yɛ diɛ: «Nwoo ŋɛ̨i Yálá laawoo hɛɓɛ́ ə mo mukulaa ɓaa lə? Yai ə kɛ mą: «‹Gwɛnii pɛlɛ́ tɔɔ nuą di lənə mą, yaamun mə a bɛlɛ kɔ́wɔ hvilɛn gwɛni leelee.›

Lukə 3:5

Ka molonŋąa kəlee laahvɛɛ, Ka ɲee kpɛa-kpɛaɠaa kəlee taɠa. Ka bələ huhiɛɛɠaa kəlee haŋą, Ka nowa pɛlɛɛɠaa kəlee hu kpulu.

Gɛlaɠaa 4:11

Yaa ɓə a gwɛnii kaai a bɛlɛ́ tɔɔ nuą ka lənə mą, aa kɛ a bɛlɛ́ nwun ɉon gwɛni.

Lomaŋ 11:6

Kɛlaa akɛ ɲɛ̨imąąwɛli kaa ɓə ə di həɠə la ɉu, di túwɔ́ pələ mąą mɛ̨nį hvəə. Akɛ yili hvəə, ɲɛ̨imąąwɛli kaa ti hvo kani a ɲɛ̨imąąwɛli kaa.

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Piɛrə dɔlɔɔ 2:7

Káái ɓaa laa na nuą, ɓɛlɛlaa li káá, kɛlaa, kili walawala nuą di wɛi, gwɛnii bɛlɛ́ tɔɔ nuą di lənə ma, aa kɛ a bɛlɛ́ kɔ́wɔ hvilɛn gwɛni leelee,

M̀ɛni-lɛɛi 16:20

Tín ɉu lɔiɠaa diɛ gilɛ həɠə, ɛlɛɛ, yeeɠaa diɛ kwɛlɛɛn.