Zakari 4:14 - Yálá laawoo hɛɓɛ (dc)

¹⁴ Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Yálá laawoo hɛɓɛ

¹⁴ Yɛ mą́ą́: «Nu hveelɛi nwulɔ mɛ̨nį nwun na, di ɓo tɔɔni lɔi pilɛɛ gee mɛ̨i Nąmu lííla, diɛ li.»

Bible

¹⁴ Nya ƃe è mò ḿâ ǹyɛɛ, “Dia ƃa gbakolo feerɛi Kúnuu-namui nyii gáa ǹɔii kélee mɛi a dísiɣe zu é wúlɔ pú díŋûa a gɛɛ dí tíi kɛ́ mì.”

Zakari 4:14 ပူးပေါင်းရင်းမြစ်များ

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Ɛsdrasə 5:2

Saltiɛlə lon Zorobabɛlə, da Yosadakə lon Ɉosue, di di muhəɠə, Yálá hee pɛ́lɛ́i ŋɛ̨i gaa Ɉerusalɛmə daai, di goló kɔ́wɔ tɔɔ gwəi mɛ̨nį hukulɔ nuą diɛ kpɔn mąą tɛɛ di pɔ.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Mąątɛ̨nɛ̨ 89:20

Ə́i kpɔwɔ lɛ a yələ ta, ə́ pələ ɓo ə́ liiɓa nuą diɛ, yɛ diɛ: Ŋą́ą́ kpɔnmąą tɛɛ kulaa ta pɔ, ŋą́ą́ nwɔ́ lɔi hu laŋąlon da hvaŋą tɛ.

Lɛɛ gbɔwɔ ɓa 29:7

Ə́ nwulɔ mąąhəɠɛɛ həɠə, ə́ bu nwuɔ̨, ə́ mąątí a da.

Lɛɛ gbɔwɔ ɓa 40:15

Ə́ di mąątí yɛ bələi ə́ gɛ la a di nąn, ə gɛ, diɛ pɛli nwɔ́ haláái kulɔi, a kɛ ti, nwulɔi ti ya ɉiɛ diɛ, yili ɓə a ɉaláá kulaa mąą laa tɛɛ di pɔ a kwɛlan gəlee mɛ̨nį.»

Azaya 5:1

Ka nɛ́ɛ́ laa ŋį́ mɛ́lan mąątɛ̨nɛ̨ wələ too, yaa da nwɔ viɲə di wɔ wələ li. Viɲə yɛa ə kɛ mɛ́lan ɲəi yee ta ɓa, lɔi lɛlɛɛ hu,

Azaya 54:5

Mąąhɔlɔɓo, Yálái ə́ pɛli, ya ɓə a ə́ hilɛ, naa ɓaa Yai-Laa Mɛ̨nį Kəlee ŋą Hééɓomun; Israɛlə nwɔ mąąhəɠə mun ɓə ə́ nwun mąąɓooi, naa ɓaa yɛnɛ̨ɛ̨ piliɛ gee mɛ̨i nwɔ Yálá.

Ɉeremi 49:19

Bələi lɔ yala a kulɔ la Ɉurdɛn kpomói, yɛ tɛ la taatɛlɛɛ kwənąnŋaa hu, diɛi di laa hvɛɛ a yələ kəlee, bələ lɔ ɓə gáá pai di kulɔi la mą́ą́ tɔ̨nɔ̨, di tɛɠii pələ. Gɛ́ laŋa kɔ́kulááɠaa ɲąątɔɔ diɛ. Mąąhɔlɔɓo, gbɛɛ ɓə gaa yɛ ɲą́ą́? Gbɛɛ ɓə a pɛli də́lii kiti haɠa ɓa? Taatɛlɛɛ ɲɛ̨itɔwɔ mun nɛlɛ ɓə a pɛli tɔɔi ná?»

Levetekɔ 8:12

Ə nwulɔ mąąhəɠɛɛ tii ta pu Aarɔn nwuɔ̨, ə da lɔ mą, yɛ naakwɛlanmo la Yai-Laa ɓa.

Mise 4:13

'Ə́ muhəɠə, 'mɔ̨nun dan Siɔn nɛ̨ɛ̨gbɛla, gáá pai ə́ mįnɛ̨ɠaa kɛi a kwɛli, gɛ́ ə́ kɔ́wɔɠaa kɛ yɛ kwɛli kpɔlu, ə́ kaa pai lɔi tamąą kiin-giin ɉii, ɉɛn ə́ pai ɉon ɉii a kɔ́, yɛ́ gulɔ Yai-Laa ɓa a haláá, yɛ́ di yəi hɛngɔwɠaa kɛ a Yai-Laa kɔ́ hɛn.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Zakari 6:5

Yɛ mą́ą́: «Hvaŋą nąąn ga tii, di kɛ tɔɔni lɔi kəlee Nąmu kwɛlɛ, di kɛɛ kɛa lii ka tii.»

Lukə 1:19

Yálá nwɔ malaka ə nwoo pulu pənə yɛ mą: «Ɲą́ą́ ɓə da kɛ mą́ą́ Gabriɛlə. Gáá Yálá yəi a nwɔ kɛla. Yaa ɓə dɔ́ɔ́, əgɛ, ŋį́ nwɛlɛɛ nɛɛ ŋɛ̨i ɓo yɛ́.

Dutɛrɔnome 10:8

Nąąlɔwai ɓə Yai-Laa ə Levi nwɔ pɛlɛ́i həɠə la ɉu, Yai-Laa nwɔ mįnɛ̨ pɛlɛ́ lon kpəŋə mɛ̨nį ɓa; diɛ tɔɔ Yai-Laa lííla, diɛ ɉaláá kulɔ, diɛ lúwɔ́ too naa hu, yɛ bələi lɔ di kaa gɛi la yiihu.

Zasua 3:11

Lɔi kəlee Nąmu nwɔ mįnɛ̨ kəhi kaa pai tɛɛi ka tɔwɔ Ɉurdɛn yá hu.

Zasua 3:13

Ɓɛlɔwai lɔi kəlee Nąmu Yai-Laa nwɔ mįnɛ̨ kəhi həɠə nuą kɔ́wɔ kaa pai hvilɛn ɉii la ɲái, nąąlɔwai Ɉurdɛn yá a tee ɲələi pələ, ɉu a tee ɉu di tɔwɔ.»

M̀ɛni-lɛɛi 11:4

Diɛ ɓaa: Olivə wulu hveelɛi, ɛlɛɛ, nwulɔ nwɔ̨n ɉee hɛn veelɛi, di kaa nɔi Nąmu líílai.

Samuɛlə dɔlɔɔ 10:1

Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»