Zakari 4:10 - Yálá laawoo hɛɓɛ (dc)

¹⁰ Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Yálá laawoo hɛɓɛ

¹⁰ Gbɛɛ ɓə kɛi tɛɠɛɓo volói ku mɛ̨nįɠaa kpala tɔɔ la a viikpɛɛ, di hu? 'Di kwəinɛ̨ɛ̨ kulɔ kani, bɛlɛ́ tɔɔ kinɛ̨ kɔ́w kaa Zorobabɛlə yəi. Nwulɔ nwɔ̨n mɛ̨ihveelɛi, di kaa a Yai-Laa ɲɛ̨i kɔ́w mąą nįnįn, yai a lɔi mɛ̨i kəlee kaa la.»

Bible

¹⁰ Ǹúui a ŋ̀ɛi nàŋiŋ sɛŋ-lôŋ mɛi, a pâi máŋ lii-nɛ̃̂ɛ kulâi, ǹyaŋ a pâi sɛŋ-kɔ̂ɔŋ-sɛŋ kâai Zɛrubabɛɛ yêei. “Yâwɛɛ ŋɔŋɛ́i-gao lɔ́ɔlu mɛi feerɛi ŋí ƃé ǹɔii kélee su kâai.”

Zakari 4:10 ပူးပေါင်းရင်းမြစ်များ

Kɔlɔnikɔ Veerɛi 16:9

Mąąhɔlɔɓo, Yai-Laa a ɲɛ̨i laa lɔi mɛ̨i nąą kəlee, nuąi di kilitɔɔ mą di kwəi tɔ̨nɔ̨ mɛ̨i, yɛ tɔɔ di pulu. Mɛ̨nį yii ŋɛ̨i hu nwɛi, yáá túwɔ́ yɛ ɓowomun. Yili mąą mɛ̨nį ɓa, ə həɠə yiihu ɓa, di kaa pai kɛi kɔ́ pɛlɛi yɛ́.»

Zôo 8:7

Ə́ wɔ yɛnɛ̨ɛ̨ kɔ́wɔ tɔɔi a lɛɛ kpɔ tiikpə, Ə́ ɲąąkpɛɛi ə lɛlɛ kpɔ kɛnɛ̨.

Mąątɛ̨nɛ̨ 33:14

Ɓɛi nwɔ tɔɔ kpəlin kaa laa, a lɛɛ laa, yɛ lɔi mɛ̨i nuą kəlee mąąkpɛɛ.

Hanwon 15:3

Yai-Laa ɲɛ̨i kaa kɛɛnąą kəlee, yɛ nwąnąlɔɔ nuą da nu lɛlɛɛɠaa mąąkpɛɛ.

Hanwon 4:18

Tələnmomun dúwɔ́ pələ kaa yɛ yələ ɓɔi kɛɛ pɔ̨nɔ̨, yii da a kɛ lɔ pɛlɛi mą.

Azaya 66:11

Ə gɛ ka ɲįnį kpələ, ka pilɛ ɉu, a ɲįnįi tii a ka nį́į́ lɔ! Ka ɲa kəlee kpələ ɉu, ka kwəi yɛ nɛ̨ɛ̨ la, a ɲįnį mąąwiyaai tii.

Azaya 66:14

Ka káá pai nąą kaai, ka lii yɛ nɛ̨ɛ̨ ka kwəinɛ̨ɛ̨, ka kɔ́wɠaa diɛ pu di ninɛ̨ kɔ́lɔi, yɛ kala tiliin. Yai-Laa kaa pai ɲee hvąŋą lɛi nwɔ tínuąi diɛ, Kɛlaa, gaa pai nii hvolii ɲowoɠaa pɔ.

Ɉeremi 16:17

Ɲɛ̨́i kaa kpɔlɔɔ di túwɔ́ pələɠaa kəlee diɛ, da hva tɛɛ mą́ą́, di wɔ kiliŋąhiɛ ɲɔ̨nwɔ̨ɔ̨ ta lɔpee hvo loo li mą́ą́.

Izikiɛ 1:14

Ɉɛn vulúmąąɠaai tii, di kɛi wean ɓɛ pələ, diɛ wean ɓɛ pələ yɛ yələgbąnąą a kɛi gɛ.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Amɔsə 7:2

Ɓɛlɔwai beeleɠaa tii di gala tiliin gəlee mįi la nɔi mɛ̨i, ŋį́ mo Yálá ɓa, gɛ́ mą: «Ną́mu Yálá! Nɛ̨ɛ̨ yɛ́, ə́ wɔ nuąi mąąhvaalɛɛ. Akɛti Ɉakɔbə huwuhu nuą ŋɛ̨i di hvo tamą li, di kɛɛ lɔ pai lɛɛi yɛnɛ̨ɛ̨ lɔ li?»

Amɔsə 7:5

Ŋą́ mo Yálá ɓa, gɛ́ mą: «Ną́mu Yálá! Ŋą́ą́ ə́ hu hon, nɛɛ yɛ́, akɛ ya wala gɛ, ə́ wɔ nu kpulu logoloi ŋɛ̨i hvo pai lɛɛi yɛnɛ̨ɛ̨.»

Egaa 2:3

«Akɛtii, nu ta kaa ka lɔwai, yii wɔlɔ Yálá hee pɛlɛ́ tɔlɔ tii nwɔ mąąwiɛ kaa? Akɛtii, ka káá gaai ləi háákələi? Ka hvo mɔ̨ɔ̨ gaai kaa kɛ diɛ: bɛlɛ́ tɔlɔɔ tii nwɔ mąąwiɛ aa lɛɛ a kpɛli-kpɛli?

Zakari 3:9

Gwɛnii gáá dɛɛi Ɉosue pɔ, ka gaa, ɲɛ̨ikɔw mɛ̨ihveelɛ ɓə gwɛni tɔ̨nɔ̨i tii ɓa, ɲą́ą́ gbínii gáá pai mąą pɛ̨ɛ̨i, Yai-Laa Mɛ̨nį Kəlee ŋą Hééɓomun woo li; ɛlɛɛ, gáá pai nɔi nwɔ nɛ̨ŋɛ̨n gulɔi mą a hvoló tɔ̨nɔ̨.

Zakari 9:1

Lolo woo. Yai-Laa woo aa həli Hadrakə lɔi ɓa; ə kpɛla Damasə. Mąąhɔlɔɓo, Yai-Laa nwɔɔ ɓaa a Aramə nwɔ taaleei, lɔ yɛ bələi nwɔɔ ɓaa la a Israɛlə lɔi kəlee pilɛɛ gee mɛ̨i.

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 8:2

Ɛlɛɛ, ŋą́ ɲɛ̨́i hee, malaka mɛ̨ihveelɛi kɛ tɔɔni Yálá lííla, ŋą́ di kaa. Di tulu mɛ̨ihveelɛ tɛɛ di pɔ.