Zakari 2:7 - Yálá laawoo hɛɓɛ (dc)

⁷ Malakai tii kɛi bələ ɓo mą́ą́, ə kɛi li, malaka takpɛli yɛ pa naakwiɛn ɉii.

Yálá laawoo hɛɓɛ

⁷ Malakai tii kɛi bələ ɓo mą́ą́, ə kɛi li, malaka takpɛli yɛ pa naakwiɛn ɉii.

Zakari 2:7 ပူးပေါင်းရင်းမြစ်များ

Zɛnɛse 19:17

Yii kɛa di kulɔ daai, malaka hveelɛ tii dɔ̨nɔ̨ yɛ Lɔtə ɓa: «Pu ə́ li, ə gɛ, ə́ ə́ nwun mąąɓo, yá kɛi li, hvə ə́ pulu kaa hvo nwɔ̨nɔ̨ tɔɔ bələi, li ɲee tii ɓa, ə́ ə́ nwun mąą kilɛ laa, hvo pa lɛɛ ɉu.»

Azaya 47:1

Yɛi ɓaa a Babilonə nɛ̨ɛ̨gbɛla, 'ə́ mąą yɛɛ kpɔ kɛnɛ̨! 'Laa munuun gbala hu! 'Ka həɠə dɔɔ kpəlin ɉu, 'ka hee luwu hu, Kalde nɛ̨ɛ̨gbɛlaɠaa, mąąhɔlɔɓo, di hvo kɛa pai kɛi ə́ laa ɓa: «Nɛ̨ɛ̨nu lɛlɛɛ, kwəinɛ̨ɛ̨ kulɔ nɛ̨ɛ̨nu.»

Azaya 48:20

'Ka kulɔ Babilonə daai, 'ka pu ka kulɔ Kalde nuą di wɔ lɔi hu, 'ka noloɓo a ka woo kɛnɛ̨, nuą di mɛ̨n, 'ka bələ taɠa, ə həli kpɔ lɔi kpon ɉeei, kaa kɛ diɛ: «Yai-Laa aa nwɔ tí mun Ɉakɔbə nwun mąąɓo.»

Azaya 52:11

'Ka li, 'ka li, 'ka kulɔ laa, 'ka hvo tunwɔ̨ hɛn gɔhɔɓoɔ ta ɓa. 'Ka kulɔ di lɔwai, 'ka ka mąąhəɠə, kaai Yai-Laa mąąwiɛ hɛn ɲąŋąɠaa kaa ka yəi.

Azaya 52:2

'Kulɔ muluun gbala hu, ə́ ə́ mąąkpɛŋɛ̨n, ə́ haŋą ə́ tɔɔ, 'hee, Ɉerusalɛmə. Ɲɔwɔnŋaai kɛ ə́ kwąną, di tee kɛa, yɛ́i ŋɛ̨i ə́ kaa a Siɔn luwɔ nɛ̨ɛ̨gbɛlai.

Ɉeremi 50:8

'Ka kulɔ Babilonə, Kalde lɔi hu. 'Ka kulɔ, ka kɛ yɛ, boli hilɛɠaa da kɛ taatɛlɛɛ kpulu tɔwɔ.

Ɉeremi 51:45

Kaai a nwɔ́ nuą, 'ka kulɔ laa! Nu kəlee ə nwun mąąkɔ̨nwɔ̨, Yai-Laa nwɔ líiholi kɛnɛ̨ tɔwɔ.

Ɉeremi 51:6

'Ka pu, ka kulɔ Babilonə daai, nu kəlee ə gbɔwɔ nwun mąąkilɛi kwɛli; a wala kɛ tii, ka nwun gaa pai lɛɛi ɉu. Ɓɛlɔwai gaa pai nwɔ túwɔ́ pələ ɲɔ̨n gwələ kulɔi la, a ɲələi Yai-Laa kaa pai nwąną kulɔi la mą; ɉɛn Babilonə ə gwɛli, ya ɓə gáá pai dɛɛi bɔ.

Mise 4:10

Siɔn nɛ̨ɛ̨gbɛla! 'Kpɛlaan a mɔ̨nɔ̨, ə́ gbóó təli, yɛ nɛ̨ɛ̨nui kwəinwąną kɛi. Mąąhɔlɔɓo, ə́ kulɔ hiɛ li taai, yɛ́ li lɛɛi lɔwɔ ɓa, ə́ kaa pai lii kpɔ Babilonə, di kaa pai ə́ nwun mąąɓoi laa; nąą ɓə Yai-Laa kaa pai ə́ kulɔi laa ə́ yowoɠaa yəi.

Lonon mo 16:26

Moisə ə mo nuą diɛ, yɛ diɛ: «Ka ka mąą kwɛa nu ɲɔ̨nwɔ̨ɔ̨ɠaai ŋɛ̨i di wɔ pɛlɛ́ɠaai diɛ. Ka hvə tunwɔ̨n di yəi hɛn da ɓa, ka hvo nee pa haa di wɔ nɛ̨ŋɛ̨nŋąąi mąą mɛ̨nį ɓa.»

Lonon mo 16:34

Di tómą woo ə gɛ, Israɛlə lonnii kpɔ tii kɛ tɔɔni di kwɛlɛ, di pu. Diɛ kɛ di kee ni diɛ, ka gu pu lɔi hvo pa nee ka gu kpələ guɔ kpɛli.

Gɛlaɠaa 2:40

Piɛrə ə mɛ̨nį tamąą ɓo diɛ, yɛ di kilaa pono, yɛ di hvaŋąlɔ, yɛ kɛ diɛ: «Ka hvaa mą ka ka yee hee ka ɓalo mɛ̨nį mu, ka kulɔ nwun napili nuą pɔ.»

M̀ɛni-lɛɛi 18:4

Ɛlɛɛ, ŋį́ woo ta mɛ̨n yɛ həɠə yələi pələ, yɛ kɛ mą: «'Ká kulɔ daai ŋɛ̨i hu, káái a ŋą nu huwu, ə gɛ ká hvo pa too di wɔ nɛ̨ŋɛ̨nŋaai hu; ɛlɛɛ, mɛ̨nį ɲąąnwąnąą tii pai laai diɛ, ká hvo pa hɔlɔɓo ɉu.