Zakari 14:8 - Yálá laawoo hɛɓɛ (dc)

⁸ Mąą yələi tii, yá nwun gulɔiɠaa kaa pai kɛi Ɉerusalɛmə, bələ tɔ̨nɔ̨ yɛ li voló kulɔi bələ gboloyá hu, bələ tɔ̨nɔ̨ yɛ li voló tooi bələ gboloyá hu; gaa pai kɛi lɔ tii a hvóló laa teɛ, da hamą lɔɔ.

Yálá laawoo hɛɓɛ

⁸ Mąą yələi tii, yá nwun gulɔiɠaa kaa pai kɛi Ɉerusalɛmə, bələ tɔ̨nɔ̨ yɛ li voló kulɔi bələ gboloyá hu, bələ tɔ̨nɔ̨ yɛ li voló tooi bələ gboloyá hu; gaa pai kɛi lɔ tii a hvóló laa teɛ, da hamą lɔɔ.

Bible

⁸ Maa ɣêlei tí fúlu-laa ya a pâi kulâi Zerusâlɛŋ é li Ǹyúo Saai su vóloi-kulâi-pere, m̀éla tɔnɔ é li Mɛditɛrenia Yuoi su vóloi-liî pere. A pâi kɛ̂i nɔ́ tí a fólo-laa ƃóɔɔ da sama-ya ɣele.

Zakari 14:8 ပူးပေါင်းရင်းမြစ်များ

Wɛli 4:15

Gaa a nɔw yɛa yáton, a tɛɛ yá lon nwun gulɔi, yii a həɠə Liban.

Azaya 35:7

Powa yɛ hee ɓɛi kɛ nąą kpalaa kpɔ kən kən, yánwun ɲɛ kulɔ ɓɛi kɛ a kpələ wɛli lɔi, ɓɛi kɛ a kwɛni lɔi, mąą kaa pai pənəi a wɛla lɔi.

Azaya 49:10

Di hva kɛa pulu həɠə, ə mą kɛ, kpələ wɛli, wəleen, da hvóló, di hva kɛa di hvii kpɛɛ, mąąhɔlɔɓo, Yálái di mąą lii kaa gwəi kɛnɛ̨, ya ɓə pai kɛi di ɲɛ̨itɔwɔ, yɛ li a diɛ ya kɛɛnąąɠaa, diɛ di nį́į́ lɔ laa.

Azaya 58:11

Yai-Laa kaa pai kɛi ə́ tɛnɛn dɔɔi a yələ kəlee, yɛ ə́ pilɛ lɔi hu kpalaa hu, yɛ ə́ kɔ́wɔɠaa huwalawala. Ə́ kaa pai kɛi yɛ nɔw yɛai da kɛ ya pui mą, ə́ ɓo yɛ ya nwun gulɔi ya, yai hva kpala.

Zooɛ 2:20

Ka yowo a həɠə ɲánwuɔ̨ pələ, ŋį́ mąą kwɛa kaa, gɛ́ bili lɔi kpoloon ɉu kpalaa hu. Di mąąkpɛɛ nuąi di tɔwɔ pələ, gɛ di pili voló həɠəi pələ gboloyá hu. Yiiɠaa di pulu pələ, gɛ di pili ɉɛɠɛi pələ gboloyá hu, di powa lulɔ kun yɛ tɛ a ɲɔ̨nwɔ̨ɔ̨, di kun yɛ ɲɔ̨n bɛlɛ nuą diɛ. Nuąi kpɔ ka di mɔ̨nɔ̨ ɓo tii, bələ ɓə da haa la.» A tɛ̨ą Yai-Laa aa mɛ̨nį ɲɛ̨i kɛnɛ̨ɠaa kɛ.

Mise 4:2

Lɔi tamąą kaa pai nąą hiɛ həɠəi, diɛ kɛ diɛ: 'Ka pa gu tɛ Yai-Laa nwɔ Yeei nwuɔ̨, Ɉakɔbə nwɔ Yálái yəi bɛlɛ́n, gaa pai nwɔ pələɠaai lɛi guɔ, guɔ hiɛ nwɔ pələɠaai mɛ̨i, mąąhɔlɔɓo, Siɔn ɓə kili mɛ̨nį a kulɔ laa, Ɉerusalɛmə ɓə Yai-Laa woo a kulɔ laa.

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Lukə 24:47

Yaan a kɛ tii, nąą hu ɓə di kaa pai hįi kəlee kalan ɉi la, əgɛ, di di túwɔ́ pələ ɲɔ̨nŋąa mąąhvalin, di kɛ nɛ̨ŋɛ̨n mąąhvaa ə lɛɛ, ə gɔɠɔ tɔɔ Ɉerusalɛmə.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.