Zakari 14:6 - Yálá laawoo hɛɓɛ (dc)

⁶ Mąą yələ, kɛɛpono hɛn hva kɛ laa, kwɛ́lɛ́ hva pa, luwuluwu hva pu.

Yálá laawoo hɛɓɛ

⁶ Mąą yələ, kɛɛpono hɛn hva kɛ laa, kwɛ́lɛ́ hva pa, luwuluwu hva pu.

Bible

⁶ Maa ɣêlei tí kɔ́lɛ fé pâi kɛ̂i naa kpaa máŋ lúu.

Zakari 14:6 ပူးပေါင်းရင်းမြစ်များ

Mąątɛ̨nɛ̨ 112:4

Ə mą kɛ kpinįi ɓə, kɛɛ a pono kwəi kwələ nuą mɛ̨i, a nu mąąwɛli kaa, nii nɛ̨ɛ̨ gwəi, dələnmoɔ.

Azaya 13:10

Yələkwəi pɛmɛ̨lɛ̨n-gɔwɠaa, da di kpulu heeiɠaa, di hva kɛa lən, hvóló hu a kpinį a muhəɠəi lɔwai, ɲąnįn va kɛa hvələ.

Azaya 24:23

Ɲąnįn ɲɛ̨i mąą kaa pai wɛlii, nwumɛ̨ ə tɛ a hvóló, a tɛ̨ą, Yai-Laa Mɛ̨nį Kəlee ŋą Hééɓomun ya ɓə tɔɔlaa kɛi Siɔn yee nwuɔ̨; da Ɉerusalɛmə daai, nwɔ mąąwiɛ hu galanɉonŋąą ɲɛ̨i ɓa.

Azaya 50:10

Gbɛɛ ɓə ka lɔwai yɛ ɲɔw Yai-Laa ɓa? Mąą nu ə Yai-Laa nwɔ tímun woo mąn, ɛlɛɛ nui hiɛi kpinįi, yai kɛɛ pɔ̨nɔ̨ hvo ɲəi, Mąą nu ə gilitɔɔ lɔ Yai-Laa láá ɓa, ə kąnąn nɔ nwɔ Yálái ɓa!

Ɉeremi 4:23

Ŋą́ ɲɛ̨i hee lɔi mɛ̨i, ŋį́ yələi kaa, kɛɛ pɔ̨nɔ̨ hvo laa.

Izikiɛ 32:7

Ə́ lən a luwun ə kpɛɛ ɉu, ŋą́ yələ kɔ́lɔn mɛ̨i kpulu, gɛ́ pɛmɛ̨lɛ̨n-gɔwɠaa hu kpinį; gɛ́ hvóló mɛ̨i kpulu a tulɔ kpinįn, ɛlɛɛ, ɲąnin və pai kɛa hvólói.

Izikiɛ 32:8

Hɛnŋaai kpɔ da lən yələ kwəi, ŋą́ gəlee hu kpinį, ə́ mąą mɛ̨nį ɓa; gɛ́ kpinį pɛlɛ ə́ wɔ lɔi mɛ̨i. Mɛ̨nį kəlee ŋą Hééɓomun Yálá woo li.

Osia 6:3

'Ka gu Yai-Laa kɔ́lɔn, ka gu tɔɔ a gu nwąnąi Yai-Laa kɔ́lɔn mɛ̨nį ɓa, ba mɛ̨nį hva ɉəɠə mą, lɔ yɛ bələi yələ ɓoɔ hva ɉəɠə la mą; gaa pai pai gu pɔ, yɛ nąląąn, yɛ bələi tulɔ tɔlɔɔ a pu la yɛ lɔi yɔwɔ.

Zooɛ 2:2

Volói tii kaa a tɛɛhilɛ kpinį yɛ ɓo a tulɔ kpinį. Gaa a yələ yɛɛ hvóló, a tulɔ kpinįn ŋį hvóló. Gaa yɛ tulɔ kpinį a pɛlɛ ɲeeɠaa diɛ, Beeləɠaai ka! Di kpulu hu kɛnɛ̨, hɛn da hva tɔɔ di la. Ku hvo ta yili ɲɔ̨nwɔ̨mąn gaa li; Ku hvo nwɔ̨nɔ̨ pai ɲɔ̨nwɔ̨mąn gaai.

Ɉaan 1:5

Kɛɛ kaa ponoi kpinį hu, kpinį hva pɛli gɛɛ ponoi tii luwun ɉii.

Ɉaan 12:46

Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Gɛlaɠaa 2:16

Kɛlɛi, mɛ̨nį wɔlɔ Yálá kwəi mɛ̨nį hukulɔ mun Ɉoɛlə ə mo, ya ka ŋɛ̨i bɔ mɛ̨nį kaa kɛi:

Gɛlaɠaa 2:19

Ŋą́ mɛ̨nįɠaa kɛ yələ kwəi, yii ɉuwu ta hvə ta kɛli, ŋą́ kpalo mɛ̨nįɠaa kɛ lɔi mɛ̨i, ɲąmą da nwɔ̨n, ə lɛɛ lulu.

Kolosə 1:12

'ká gu Ną́n mąmąɓo, yai gɛ, guɔ gu wɔɔ hɔlɔɓo nu mąąhəɠɛɛɠaa kwɛlin ɉu, yələkwəi.

Piɛrə veelɛ 1:19

Yili ɓa, nwoo ŋɛ̨i Yálá kwəi mɛ̨nį hukulɔ nuą di mo, ku laai na kpɔ nwɔ̨nɔ̨ kɛnɛ̨. Mąąhɔlɔɓo, gaa yɛ labon yii gaa lən ɉi kɛɛnąą kpinɛ̨ɛ̨ ɓa, ə lɛɛ la ɉu, yələ ɓoi pɔ, pɛmɛ̨lɛn gɔw yɛ hvóló ka nii hu.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»