Zakari 14:20 - Yálá laawoo hɛɓɛ (dc)

²⁰ Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Yálá laawoo hɛɓɛ

²⁰ Mąą yələi tii, di kaa pai bɛ̨ɛ̨i ɉoo kwaną talanənŋaa diɛ, diɛ kɛ mą: «Naakwəlan moɔi Yai-Laa ɓa.» Yai-Laa yəi bɛlɛ́n gwɛli ləɠiɠaa kaa pai kɛi yɛ, nuą mąąhəɠə gəgənŋaa ɉaláá kulɔi lííla.

Bible

²⁰ Ǹyaŋ maa ɣêlei tí, kɔlɔ pɔ̃̂yɛ da a pâi kɛ̂i zoo-ŋai dítaniŋ-ŋai dîa ǹyɛɛi, “Maa waâi Yâwɛɛ mɛni ma.”

Zakari 14:20 ပူးပေါင်းရင်းမြစ်များ

Tɔɔɓɛlaa dɔlɔɔ 7:50

Ɲá pu hɛnŋąą, mowa pɛlɛɛ, nwulɔ nwɔ̨n dəŋa yali hɛnŋąą, ɲá taɠa hɛɲąŋą, gbələ kɔ́wɔɠaa, ləɠi pɛlɛɛɠaa a hɛni. Yálá kɔ́ pɛlɛ́ gbon gɔwɔ hvilɛn ɉɛn, da bɛlɛ́ laaləiɠaa di wɛi, gəlee di ɓo a hɛni.

Kɔlɔnikɔ Veerɛi 4:8

Ə taɓali pow pɛli, ə di hvilɛn ɉɛli pɛlɛ mu, ə nɔɔli hvilɛn ɓa-mįi-yee hu pələ, ə nɔɔli hvilɛn kɛɓɛyee hu pələ. Ə kpələ-hɛnɲąŋą nwun dɔ̨nɔ̨ pɛli a hɛni.

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Lɛɛ gbɔwɔ ɓa 25:29

Ə́ gəgənŋąą pɛli da kpələ kɔ́ɔɠaa, da yá pu hɛnɲaŋąɠaa, ə́ di hee mɛ̨i; nɔɔ da nwulɔ pu hɛnɲaŋąɠaa li, yá di kɛ a hɛni.

Lɛɛ gbɔwɔ ɓa 37:16

Di daɓali ɲą hɛnŋąą pɛli a hɛni gəgənŋąą, gbələkɔɔɠaa da Yálá kɔ́ lɔɔ pu hɛnŋąą.

Lɛɛ gbɔwɔ ɓa 39:30

Di kalan bɛli a hɛni huwaa hva-hva, mɛla ɲą kɛnɛ̨, yɛ wulu powa a kɛi holoon, naakwɛlanmo hɛn ni; di hɛɓɛ́ pɛ̨ɛ̨ maą, diɛ mą: «Naakwɛlan moɔi Yai-Laa ɓa.»

Azaya 23:18

Kɛlaa ɉɛn a ɉɔlɔɓo, da dɔlɔɠaa, da gəlee laakwɛlanmo Yai-Laa ɓa; di hva di ɲąąkpɔn gee ɓa, di hva di pu gee mɛ̨i. Ɉɛn gɔwi tii kəlee da kɛ a, nuąi heeni Yai-Laa lííla, di kɔ̨nɔ̨n, diɛ pilə ɉu, diɛ həɠə lɛlɛɛɠaa hɔlɔɓo ɉu a lamun ɉəɠəɠaa.

Azaya 52:1

'Ə́ muhəɠə, 'ə́ muhəɠə, ə́ ə́ wɔ huwala walai ɲąątɛ, oo Siɔn, ə́ wɔ mąąwiɛ həɠəɠaai too ə́ kwaną, Ɉerusalɛmə, yɛ́i ə́ kaa a mąąhəɠə taa; mąąhɔlɔɓo, ə həɠə háákələi ɓa, kɛ́nɛ̨ kpoloa da nui mąą hvo həɠə li di hva kɛa lɔ ə́ pɔɔli.

Ɉeremi 31:40

Nu powa boloon da nuwu pili ɓoloon gəlee, ə mą kɛ, Sedrɔn nɛ̨ŋɛ̨ hu, əlɛɛɉu ə həli ɉoo kpon ma, voló həɠəi pələ, gəlee a kɛ a lɔi mąąhəɠɛɛ, a Yai-Laa nwɔɔ, nu ta hva kɛa nąą kala, di hva nąą wolo, a kwɛlan nɔpee ta.»

Izikiɛ 45:1

«Ká kɛi pa nɔi ɲąą kwɛlɛi, ka Yai-Laa nwɛi laa a dee; a kɛ a kɛɛnąą mąąhəɠɛɛ, nɔi hu. Gwɛa pələ a kɛ a nu yee tɔɔɉu waa pow-hveelɛ-gɔw lɔɔli; goloon ɉu ə ɓo a waa pow. A kɛ a kɛɛnąą mąąhəɠɛɛ nąą kɔ́lɔ kəlee.

Levetekɔ 8:9

Ə mɔlɔ lɔ nwuɔ̨, ə nwulu powa mąą nįnįn tii a ɉɛni, ə ɉee mɔlɔ ɓa dɔwɔ pələ. Bələ ɓə da gɔlɔn na, diɛ kɛ gaa a Yálá nwɔ nu mąąhəɠɛɛ, yɛ bələi Yai-Laa ə Moisə tí la.

Abdiasə 1:17

Nąąlɔwai, Siɔn yee ɓa, yii gaa pai pənəi ə kɛ a ɲą́ą́ nwɔ́ɔ́, yii wolaai da kulɔ ɉu, di kaa pai liilaa hɔlɔɓoi. Ɉakɔbə huwu kaa pai pənəi di di wɔ lɔi hɔlɔɓo.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Zakari 14:19

Bələ ɓə di kaa pai Eziptə hutɔɔi la, da nɔiɠaai di hvo pai gɛi di hvo tɛ ɉəɠə kələ hɛli ɓa.

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Zakari 9:15

Yai-Laa Mɛ̨nį Kəlee ŋą Hééɓomun, kaa pai kɛi nwɔ nu huwui mąą kpɛi. Ɲələvin ɉu kwɛniɠaa kaa pai kɛi nu hukalai, diɛ nu nwun nwolo, diɛ ɲąmą kpələ yɛ lɔɔ, diɛ pilɛ ɉu, yɛ lɔɔ ɲąąkwɛlɛ gbąmą, yɛ ɉaláá kulɔ taɓali mįnɛ̨ɠaa.

Malasi 1:11

Lɔi mɛ̨i nąą kəlee, yələkɔlɔn mu nuą kəlee, di ɲą́ą́ Yálá nwɔ́ kɛ̨nɛ̨ laa kɔ́lɔn. Kɛɛnąą kəlee, nuą da wulɔ kun nɛ̨ɛ̨ kələn ɲą́ą́ naa hu, diɛ pa a haláá hɛnŋąą bɔ́, yii mɛ́lɛ kaa ɉu. A tɛ̨ą, hį́i kəlee di nwɔ́ kɛnɛ̨ laa kɔ́lɔn. Ɲą́ą́ Yai-Laa Mɛ̨nį Kəlee ŋą Hééɓomun nwoo li.

Lonon mo 4:14

ɉɛnŋąąi kpɔ da kóló kɛ la gəhii tii mɛ̨i di gəlee laa mɛ̨i nwɔ̨n ɉəɠə kunwunugala, nwɔ̨n dɛ hɛnŋąą, nuwu kələ hɛnŋąą, gəhi mɛ̨i hɛnŋąą kəlee. Di huwɔ kɔ́lɔ pɛlɛ di mɛ̨i, di gbəŋə wuluɠaa lɔ gbonoɠaa hu.

Lonon mo 4:7

Da Yálá kɔ́ taɓali mɛ̨i kpulu, a həɠə ɓɛla kpɔluɔ mu tɛɠiɛ, gbələ kɔ́ɔɠaa, gəgənŋąą nɔɔ pu hɛnŋąą, nɛɠɛi a kɛ daɓali tii mɛ̨i a yələ kəlee, da lɛɛ nąą.

Lonon mo 7:13

Ɉɛn ə paa la ya ɓaa: Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ, ɲɔwɔɔn ŋąą a wulɔ, Yálá kɔ́ hɛn ni.

Lonon mo 7:19

Wali tea tɔ̨nɔ̨, yɛ ɓo a kilə nwun dɔ̨nɔ̨ ɲee haaɓa (130), wali kpələ kɔ́wɔ tɔ̨nɔ̨ yɛ ɓo a kilə pow mɛ̨ihveelɛ (70), yɛ bələi bɛlɛ́ mąąhəɠɛɛ mu hɛn gɔɔn bələ kaa la. Ɉɛn ɲąŋą hveelɛi tii laa hvɛɛ a lɛɠɛ ɲɔwɔɔn ŋąą a wulɔ, Yálá kɔ́ hɛn ni.

Lukə 11:41

Yii gaa ka yəi gbələkɔwɔɠaa da gəgənŋąą hu, ka yili tɛɛ yeehowolo nuą pɔ, a kɛ tii, mɛ̨nį kəlee mąą a həɠə ka yəi.

Gɛlaɠaa 10:15

Nwoo ti ə pənə nwɔ̨nɔ̨ yɛ mą: «Ɉɛn Yálá ə mąąhəɠə, 'hvó kɛ mą: gɔhɔɓoɔi.»

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 11:9

Nwooi ti ə pənə nwɔ̨nɔ̨ ə tɔɔ ɲələi pələ, a veelɛnąn, yɛ mą́ą́: ‹Hɛn Yálá ə mąąhəɠəi, hvó kɛ mą, gɔhɔɓoɔi!›

Gɛlaɠaa 15:9

Hvo gwa diɛni gu lɔwai laa li kpɔ tíikpə. Laai ŋɛ̨i di mo na, yili ɓə gɛ yɛ di lii mąąhəɠə.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Piɛrə dɔlɔɔ 2:9

Kɛlaa, ká wɛi, ká káá a nu huwui ɉəɠɛɛ ɉu, a dɔɔ kwəlii haláá laa həli nuą, a nu huwu mąąhəɠɛɛ, a nuąi a Yálá kwɛlin, əgɛ, nui ŋɛ̨i ká təli, ə ká kulɔ kpinį hu, yɛ pa a káá, ŋą kɛɛ pono lɛlɛɛi ɓa, káá pɛli gɛ-mɛ̨nį kpɛa-kpɛaa nolo ɓoi,

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

M̀ɛni-lɛɛi 1:6

ə gu kɛ a tɔɔ nu huwu, a haláá laa həli nuą kpɛa-kpɛaa a Nąn Yálá nwɔɔ, yai mąąwiɛlaa, da huwalawalalaa di kaa ɲəi a kwɛlan gəlee, ɲɛ̨n deei hvo mą. Mįiną!

M̀ɛni-lɛɛi 20:6

Nwun na nɛ̨ɛ̨ nuą, da mąąhəɠə nuą ɓaa, diɛi pai kɛi nwun mo dɔlɔɔ tii hu. Di nwɛi, haa ŋą yee pɛli mąą hvo diɛ; di kaa pai kɛi a Yálá da Kristə di wɔɔ haláá laa hɛli nuą kpɛa-kpɛaa, da diɛni da tɔɔlaa kɛ gwɛlan nwaa tɔ̨nɔ̨i tii yee mu.

M̀ɛni-lɛɛi 5:10

Yáá di kɛ a tɔɔɓɛlaa da haláá laa həli nuą, a ku wɔ Yálái nwɔɔ. Ɛlɛɛ, di kaa pai tɔɔlaa kɛi lɔi mɛ̨i.»

Samuɛlə dɔlɔɔ 2:14

ə kɛi nɔ ɉɛnɲąŋą hu, nəɠi hu, gəgən ɉu, hɛn nɔpee kɛi lɛɛ gwɛli mįnɛ̨ ɓa, ɉaláá laa həli mun ə kɛi yili həɠə a nwɔɔ. Bələ ɓə di kɛi túwɔ́ la a Israɛlə nuąi kɛi pa Silo daai.