Zakari 14:17 - Yálá laawoo hɛɓɛ (dc)

¹⁷ Kɛlaa nɔi hu nuą yiiɠaa di hvo pai gɛi di hvo tɛ Ɉerusalɛmə, di hvo pɛlɛ, Yai-Laa Mɛ̨nį Kəlee ŋą Hééɓomun lííla, tulɔ hva pu di mɛ̨i.

Yálá laawoo hɛɓɛ

¹⁷ Kɛlaa nɔi hu nuą yiiɠaa di hvo pai gɛi di hvo tɛ Ɉerusalɛmə, di hvo pɛlɛ, Yai-Laa Mɛ̨nį Kəlee ŋą Hééɓomun lííla, tulɔ hva pu di mɛ̨i.

Bible

¹⁷ À kɛ̀ ǹɔii-ŋûŋ-ŋai ŋ̀éniɛi sui da fé li ní Zerusâlɛŋ a gɛɛ é Gâloŋ fɛli nyii gáa a Ŋ̀wála-wâla kélee Yâwɛɛi, tuna fé pâi pûi dílɔii su.

Zakari 14:17 ပူးပေါင်းရင်းမြစ်များ

Zɛnɛse 10:32

Pələ ɓə nu huwuɠaai kulɔ Noe lonnii hu, di hee kpəlin na ə kɛ la, da di wɔ lɔiɠaa. Diɛi tii ɓə di lonnii di lɔi laahvɛɛ ɲánwąną tɛɛ pulu.

Zɛnɛse 12:3

Nui a lúwɔ́ too yɛ́, ŋą́ lúwɔ́ too mą, nui a ə́ nɛ̨ŋɛ̨n nąą, ŋą́ mąą nu nɛ̨ŋɛ̨n nąą. Hį́i kəlee kaa pai lúwɔ́ hɔlɔɓoi ə́ haalai.»

Zɛnɛse 28:14

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Tɔɔɓɛlaa dɔlɔɔ 17:1

Yálá kwəi mɛ̨nį hukulɔ mun Eli, yai həɠə Tisbe Galaadə lɔi hu, ə mo tɔɔmun Akabə ɓa, a ɲələi tii, yɛ mą: «Akɛ kpɔ Yai-Laa Israɛlə nwɔ Yálá, yai gáá tíi mą, gaa a vulú, gáá moi yɛ́, gɛ́ yɛ́: tulɔ hvo pai pui, ɛlɛɛ, luwuluwu hva pu, gwɛlanŋaa ŋɛ̨i yee mu, hvo kɛli ŋą́ hvaa mą, ya ɓə tulɔ a pu la.»

Tɔɔɓɛlaa dɔlɔɔ 8:35

«Akɛ nɔi lonnii da nɛ̨ŋɛ̨n ɉəɠə yɛ́, di kɛ nɛ̨ŋɛ̨n mąą mɛ̨nį ɓa, yələkɔlən ɉu a kpala, tulɔ a kpəla mą, da di ɲɛ̨i haŋą gɛɛnąą ŋɛ̨i ɓa pələ, di di yee kulɔ di kɛ nɛ̨ŋɛ̨n ɉu, diɛ ə́ laa mąąwiɛ, diɛ ə́ hvɛli, mąąhɔlɔɓo, yáá mɔ̨nɔ̨ laa di mɛ̨i;

Kɔlɔnikɔ Veerɛi 6:26

«Yələ kɔ́lɔn naa a kpulu, tulɔ a wala kɛ pui, mąąhɔlɔɓo, nɔi lonnii daa nɛ̨ŋɛ̨n ɉəɠə Yɛ́, da di ɲɛ̨i tinɛ̨n gɛɛnąą ŋɛ̨i pɔ pələ, diɛ Ə́ hvɛli, diɛ Ə́ laa tɛ, diɛ di yee kulɔ di wɔɔ nɛ̨ŋɛ̨n hu, mąąhɔlɔɓo, Yáá mɔ̨nɔ̨ laa di mɛ̨i,

Kɔlɔnikɔ Veerɛi 7:13

Akɛ ŋį́ yələ kɔ́lɔn naa kpulu, tulɔ awala kɛ pui, ŋį́ peeləɠaa tí diɛ nɔi hɛnŋąą hukala, ŋį́ nɔi wolo ɲɔ̨n bili nwɔ́ lɔi lonnii lɔwai,

Azaya 18:7

Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Azaya 45:23

Ŋą́ą́ gwɛla, a gbį́nįlee, mɛ̨nį hąŋąnŋąą ɓə a kulɔ ná, Vá nwóó ɲali bulu. «Nu kəlee kaa pai pui gbəlin na, nííla, nɛ̨n gəlee yɛ gwɛla a Náá.

Azaya 5:6

Gáá nąą kɛi a mąąwɛli lɔi, di hva kɛa mɛ̨i tee, di hva tumɔ kulɔ ɉu, ɲąąlən da ɓomodiliin mə pai ɓɔn ɉii laa, ɛlɛɛ, ŋį́ tɔ́n dɔɔ tulɔ kpinįnŋąą diɛ, di hva kɛa tulɔ pu mɛ̨i.

Azaya 60:12

Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Ɉeremi 10:25

Yai-Laa! Ə wɔ liiholi ɲąątɔɔ nuą tii di hvo ə́ kɔ́lɔn diɛ; a diɛi tii di hva ə́ təli a ə́ laa; gbalai tɔɔ di kaa Ɉakɔbə mįi. Di kaa ɉuwu kpɛɛi, diɛ nwɔ lɔi hukala.

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 14:3

Nu kpɛa kpɛaa diɛ yeehowolo nuą tɔɔ pɔlɔtɛ kóló ɓa ya kwɛlii; da həli ɲa haɠai, di hva ya kaa. Diɛ pənə di pulu a ɉɛɲąŋą howolo. Di kwəi piliɛ diɛ daa nwumɛ̨ daa ɉəɠə yɛɛ a di nwun

Ɉeremi 14:4

Nɔi aa kpala, yɛ ɓɛla, tulɔ pulu kolo too pələ ɓa; Díí kɛ nuą kwəi aa pilii diɛ, daa kpaan

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Zakari 14:16

A kɛ tii, nɔiɠaa kɔ́ pɛlɛ Ɉerusalɛmə ɓa, nuąi pai lɛɛi di hu, di kaa pai kɛi pai a kwɛlan ɉəli pələ tɛitɛi, diɛ pɛlɛ Yai-Laa Mɛ̨nį Kəlee ŋą Hééɓomun lííla, diɛ ɉəɠə kələ hɛli pu.

Zakari 14:9

Mąą yələi tii, Yai-Laa a gbɔwɔ lɛ a yɛnɛ̨ɛ̨ kəlee nwɔ tɔɔmun, a kɛ tii, Yai-Laa yaa tanɔ̨n mə a kɛ laa, naa ə ɓo tanɔ̨n.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Zĩi 5:17

Eli ə kɛ lɔ a nu yɛ guɔ, ə Yálá hvɛli kpɔ a kilitɔɔmąą laa, yɛ tulɔ hvo pu, yaan, tulɔ hvo hvilɛn lɔi ɓa, kwɛlan ɉaaɓa ɲąnįn mɛ̨ida yee mu;

M̀ɛni-lɛɛi 11:6

Mąąlaa kaa di yəi, di yələkɔlɔn naa kpulu, ɛlɛɛ, tulɔ lɔpee ta hva pu lɔi ɓa, ə lɛɛ ɉu, vólóɠaai di kaa Yálá kwəi mɛ̨nį hukulɔi la, ə kpɛɛ. Mąąlaa kaa di yəi, di yá mąąpənə a ɲąmą, ɛlɛɛ, di mɔ̨nɔ̨ huwui lɔpee gəlee laa lɔi ɓa, yɛ bələi di kaa la bɔ.