Zakari 14:10 - Yálá laawoo hɛɓɛ (dc)

¹⁰ Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.

Yálá laawoo hɛɓɛ

¹⁰ Nɔi kəlee mąą a pənə a nɛ̨ŋɛ̨ hu, ə həɠə Gɛva, ə həli la Rimɔn Ɉerusalɛmə kɔ́wɔla pələ. A kɛ tii, Ɉerusalɛmə a lɛɛ di nwun mɛ̨i pələ, ə həɠə Bɛnɉamɛn nwɔ kpon ɓa, ə həli la gbon bɔlɔ pɔlɔ kɛɛnąą, gbon tii bɛlɛ́ nwąną hveelɛi a gee kaa mɛ̨i, ə həɠə Hananeɛlə nwɔ pələ́i-kaa-pɛlɛ́i ɓa, ə həli la tɔɔmun ɲəi gɔwɔla.

Bible

¹⁰ À kɛ̀ tí ǹɔii gáa Zerusâlɛŋ-taai kwára-perei, é síɣe Géba é lí Limɔŋ a pâi kɛ̂i a tiŋ-tiŋ ŋá. Kɛ́lɛ Zerusâlɛŋ a pâi lɛɛ̂i nɔɔ ǹyéei ma é síɣe Bɛŋsima ŋɔgêtii lá é lí geti pɔlɔi lá, é lí zônoŋ su-getii lá, é kúla Ananɛ Ŋɔyeŋkêŋ lá é lí gâloŋ ŋɔŋwã̂ai-kpɛtɛ teei lá.

Zakari 14:10 ပူးပေါင်းရင်းမြစ်များ

Tɔɔɓɛlaa dɔlɔɔ 15:22

Tɔɔmun Asa ə Ɉuda nuą kəlee hvilɛn bulu, Rama tii Baesa ə kɛi ɉįi tɔɔ mą, di gwɛniɠaa da nwuluɠaa həɠə, Asa ə hįi tɔɔ la Gɛva da Mispa diɛ; Gɛva ŋɛ̨i kɛ Bɛnɉamɛn nwɔ lɔi hu.

Tɔɔɓɛlaa veelɛ 14:13

Israɛlə tɔɔmun ə Ɉuda tɔɔmun Amasiasə hon a kɔluwɔ Bɛtə-Sɛmɛsə daai, Amasiasə yai kɛ a Ɉoasə lon, ə ɓo a Akaziasə mąnįn. Yili pulu, Ɉoasə ə pənə ə pa Ɉerusalɛmə daa, ə Ɉerusalɛmə mąąkpɛ hį́i wolo, ɓɛi ə nąą wolo ə kɛ a yee laa mą nwun nąąn; ə həɠə Ɛfraimə kpon mą, ə həli ɓɛi ɉį́i nwąną a hee laa gee ɓa gbon na.

Kɔlɔnikɔ Maa-ŋuŋ 4:32

Di wɔɔ taa pɛlɛɛɠaai: Etamə, Ein-Rimɔn, Tokɛn, Asan; taa lɔɔli;

Kɔlɔnikɔ Veerɛi 25:23

Israɛlə tɔɔmun Ɉoasə ə Ɉuda tɔɔmun Amasiasə hon Bɛtə-Sɛmɛsə a kɔluwɔ, yaai kɛ a Yoakazə lon Ɉoasə lon; ə paa la Ɉerusalɛmə daai. Israɛlə tɔɔmun Ɉoasə ə Ɉerusalɛmə taa mąąkpɛ hįį wolo, a yee laa mą nwun nąąn, ə həɠə Ɛfraimə pələ nwun na, ə li la, ɉįi nwąną hveelɛ kee kaai.

Kɔlɔnikɔ Veerɛi 26:9

Oziasə ə Ɉerusalɛmə taa mąąkpɛ pɛlɛ́ɠaa tɔɔ ɉįi mɛ̨i, ɉįi kpoloon kee kaai gbon gɛɛ nąą, ə da kɛ ɲa-ɓoloon bɔ gbon gɛɛ nąą, ə da kɛ Redan mɛ̨i, ə di huwalawala.

Nehemi 12:39

Ə lɛɛ, Ɛfraimə nwɔ kpon nwun mɛ̨i da Yesana nwɔ kpon, da ɉɔwɔlee pɛlɛ kpon. Hananeɛlə taa mąąkpɛ pɛlɛ da nu nwun nwundɔ̨nɔ̨ taa mąąkpɛ pɛlɛ, ə lɛɛ ɉu ku həli la daa mąąkpɛ pɛlɛ ɓa.

Nehemi 3:1

Ɉaláá laa həli mun gɛnɛ̨ Ɛliasivə, ə muhəɠə da gaayɔwɔɠaa ɉaláá laa həli nuą, bɛlɛ́ laaləi ŋɛ̨i ɉįi ɓa, yɛ ɓo a mɛlaaɠaa lɔi, di naa gbon doo. Di lúwɔ́ too mą. Di gbon mɛlaɠaa hɛlɛn, di həli la nu nwundɔ̨nɔ̨ nwɔ taa mąąkpɛ pɛ́lɛ́i ɓa. Di lúwɔ́ too ɉįi ɓa, ə lɛɛ la ɉu, di həli la Hananeɛlə daa mąąkpɛ pɛlɛ́ ɓa.

Azaya 10:29

di tɛɛ ɲee lɔwai, diɛ mą: «Ku kaa lii yii Gɛva!» Rama mąą kaa kpɛlin ɉii, Saulə pɔ taai Givea nuąi kaa pui.

Azaya 2:2

Gaa pai kɛi a yələ ta, gbukpui ɲɛ̨i Yai-Laa hee pɛlɛ́ kaa mɛ̨i, gaa pai kɛnɛ̨i, ə tɛɛ ɲeeɠaa diɛ, nąąlɔwai, hį́i kəlee kaa pai pai bɔ.

Ɉeremi 20:2

Pasehurə ə pɛlɛ Yálá kwəi mɛ̨nį hukulɔ mun ɓa a hvaa. Ə mo di Ɉeremi yili Bɛnɉamɛn nwɔ kpon ɓa, di doo kpɔ̨nɔ̨ ŋą, Yai-Laa nwɔ pɛlɛ́i laaləi.

Ɉeremi 30:18

Yai-Laa woo ka: Gáá pai pənəi ŋą́ Ɉakɔbə nwɔ pɛlɛ́ɠaai tɔɔ, gáá nwɔ pɛlɛ́ɠaai mąąwɛli kaai. Di kaa pai pənəi di daaɠaa tɔɔ di kpoloon ŋą. Diɛ bɛlɛ pɔlɔɠaa kəlee tɔɔ ɓɛi di kɛ laa tɔɔni.

Ɉeremi 37:13

Ɉəliɛ Bɛnɉamɛn nwɔ kpon ma, ə nɔi kóló kɛ mun da kaa laa, diɛ kɛ mą: Yiriya, yai kɛ a Selemia lon, Hanania nwɔ lon. Yili ə Ɉeremi tɔɔ, yɛ mą: «Ə́ kaa bɔ ə́ tɛɛ Kalde nuą pɔ pələ ka ŋɛ̨i!»

Ɉeremi 38:7

Ɛvɛd-Melɛkə yai kɛ a Nubi mun, ə ɓo dɔɔ kwəlii, ə bələ mɛ̨n diɛ kɛ daa Ɉeremi yɛɛ ɲálɔwa hu. Tɔɔmun ə kɛ heeni Bɛnɉamɛn nwɔ kpon kɛɛnąą pələ.

Amɔsə 9:11

Ɲələi tii a həli, Davidə nwɔ ɓuwui yɛ ə pu, ŋį́ ɉaŋą ŋį́ dɔɔ a nįnɛ̨, ŋį́ ɉįi laaləiɠaa pɛli, ɓɛ yiiɠaai nąą kaa a gboloon, ŋį́ naa tɔɔ, ŋį́ pənə ŋį́ daai tii tɔɔ, yɛ pələi wɔlɔ ə kɛ la.

Mise 4:1

Yələ ta kaa pai ɉəlii, tinąą, hvəlaan, Ɲeei tii Yai-Laa nwɔ pɛ́lɛ́i tɔɔ mɛ̨i, gaa pai kɛi tɔɔni yeeɠaa kəlee nwun mɛ̨i, nwun yɛ lan yee kpu kpuɠaa kəlee mɛ̨i, nu kpulu kaa pai kɛi pai laa.

Zakari 12:6

Mąą yələi tii, ŋą́ Ɉuda ɲąąwooɓo nuą kɛ yɛ, da nwɔ̨n gɛnɛ̨ hee kpaɠa hu. Yɛ da kpalan dɔɔ, di nɔ dɛ̨ɛ̨ hu. Di kaa pai lɔiɠaa hukalai, di ɓa-mįi-yee hu pələ, da kɔ́ɓɛyee hu pələ, di kwɛlɛ kəlee ɓa. Kɛlaa, Ɉerusalɛmə a lɛɛ tɔɔni dɔɔi.

Zakari 2:4

Ŋą́ mąąnįn kɛ nwɔ̨nɔ̨ gɛ́ mą: «Yiiɠaai diɛn, lə ɓə di kaa pai gɛi?» Ə nwóó pulu pənə, yɛ mą́ą́: «Nɔiɠaai tii di wɔ huwalawalai gaa di yəi yɛ di mįnɛ̨, yai di Ɉuda lɔi hu taɠa la, nui lɔpee ta hvo pɛli tɔɔi di la, diɛ ɓə gwɛliyɔw nuąi ŋɛ̨i di pa di mąą kpɛlin ɉii.»

Zakari 8:3

Yai-Laa yɛ diɛ: Gáá pai pənəi ŋį́ pa Siɔn pɔ pələ, gɛ́ hee Ɉerusalɛmə daa kwəi. Di kaa pai Ɉerusalɛmə laa heei, a «Kulɔ nwoo ɓa taa.» Ɛlɛɛ, diɛ Yai-Laa nwɔ yeei laa hee a, «Yee Mąąhəɠɛɛ.»

Zasua 15:32

Levaotə, Silehimə, Ein-Rimɔn; di wɔ taa kpɛa-kpɛaa, da di wɔ taa pɛlɛɛɠaa kəlee pɛlɛɛ gee ɓa, ə kɛ a taa pow hveelɛ kɔ́w mɛ̨inąąn.

Zasua 21:17

Yii di ɉəɠə Bɛnɉamɛn huwu yəi ya ka: Gabaɔn da nwɔ kpomóɠaa, Gɛva da nwɔ kpomóɠaa,

Nwun mąąɓo 20:45

Yiiɠaai ŋɛ̨i pu diɛ li nɔi pun ɉu pələ, diɛ kɛ di di loo Rimɔn gwɛni wolo hu, di nu waa lɔɔli paa ɉu bələi. Di hvilɛn gbəliɠaa pulu, di həli Gidɔmə, di nu waa hveelɛ paa ɉu.

Nwun mąąɓo 20:47

Nuąi pu diɛ li di looi Rimɔn gwɛni wolo hu, nu nwun-mɛ̨ida ɓə lɛɛ, di di loo gwɛni wolo hu ɲąnin nąąn ɲee mu.

Nwun mąąɓo 21:13

Di nuą tɔɔ Bɛnɉamɛn nu huwu pulu, diɛi kɛ Rimɔn gwɛni wolo hu, di pa ə gɛ, di bɔnaa kulɔ mɛ̨nį ɓo.