Zakari 12:10 - Yálá laawoo hɛɓɛ (dc)

¹⁰ Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Yálá laawoo hɛɓɛ

¹⁰ Ɛlɛɛ, ŋą́ nɛ̨ɛ̨mąąhvə kili da lii nɛ̨ɛ̨gwəi kili tɛɛi Davidə nwɔ pɛlɛ́i pɔ, da Ɉerusalɛmə nuą kəlee. Nąąlɔwai di kaa pai di ɲɛ̨i tinɛ̨n ɉi bɔ́ pələ, a ɲą́ą́i di ɉɔ́ɔ́ a kpálá. Di kaa pai ɉáá wɔlɔ ɓoi, yɛ da kɛi lon gɔw tanɔ̨n haa wɔlɔ ɓo. Di kaa pai wɔlɔ pui mɛ̨́i a mąąwɛliɛ, yɛ da kɛi wɔlɔ pu lon doloo mɛ̨i.

Bible

¹⁰ “Ǹyaŋ ŋa pâi Deeƃé ŋɔpɛ́rɛi mu-ƃelai da Zerusâlɛŋ-ƃelai láa fɛ̂ɛi a maloŋ-kâa-mɔleŋ da Ɣâla fɛliɛ, a gɛɛ da núu kàa nyii da bàai, dí wɔ́lɔ mɛni ma yɛ̂ɛ berei núu a wɔ̂lɔ la ŋɔlóŋ tɔnɔ kpéŋ saa mɛni ma, dí gbêɣei tóo mɛni ma yɛ̂ɛ berei núu a wɔ̂lɔ la ǹóŋ-surɔŋ maa-ŋuŋ saa mɛ̂ni mai.

Zakari 12:10 ပူးပေါင်းရင်းမြစ်များ

Zɛnɛse 45:1

Nąąlɔwai, Ɉosɛfə yee hvo kɛa pɛli niiɓa, nuą tii kɛ laa gwɛlɛ, ə mo diɛ, yɛ diɛ: «Ka kulɔ!» Ɉosɛfə da niɛni diɛ tɔ̨nɔ̨ di lɛɛ kɛa bɛlɛ́n, ə gbɔwɔ lɛ diɛ.

Zɛnɛse 45:2

Ɉosɛfə wɔlɔ pələi tii, Eziptə nuąi ŋɛ̨i kɛ bɛlɛ́ kwɛlɛ, di nwoo mɛ̨n, mɛ̨nįi tii bələ ə həli tɔɔmun ma.

Mąątɛ̨nɛ̨ 51:12

Ee Yálá! 'Kili lɛlɛɛ too gwə́i, líi ninɛ̨ lɔ ɉú.

Hanwon 1:23

'Ka pənə ka pa, 'ka nwɔ́ kilaa pɔ̨nɔ̨ wooi mɛ̨n! Akɛtii, gáá pai nwɔ́ Kilii tɛɛi ka pɔ, ŋą́ ka kilaa pɔ̨nɔ̨, ŋą́ gwə́i woo lɛ kaa.

Hanwon 4:3

Ɲą́ą́ gbɛli mąn bələ lɔ ɓə ŋį́ kɛ la a woo mɛ̨n non ną́n ma, ɛlɛɛ, nwɛ́li yɛ ɓo néé ɓa yə́ lon gɔw tanɔ̨n.

Azaya 32:15

Ə lɛɛ ɉu, Yálá nwɔ Kilii ə həɠə yələi ə pa gu pɔ. Nąąlɔwai tii, lɔi pun a mąą pənə a nɔw-yɛa lɛlɛɛ, nɔw yɛ lɛlɛ yɛ wɛla wulu.

Azaya 45:22

'Ka ka ɲɛ̨i tínɛ̨n bɔ́ pələ, ka ɓalo, kaai kpɔ tii lɔi hɔ̨nwɔ̨n ɉu kəlee ɓa, mąąhɔlɔɓo, ɲąą ɓə gáá a Yálá, dakpɛli hvo laa.

Ɉeremi 31:19

Ŋą́ búlu tɔɔ kɛ yɛ́, kɛlaa, ŋą́ą́ ɉɔ́n mąą hvalin: Pənəi ŋą́ mo gɛ́ gbɔ́ɔ́ kɛ pələ kaa, ŋą́ kɛi níí pɔ kɛlɛ. Kwəi pili mąą da nwumɛ̨ daa ɉón. Mąąhɔlɔɓo, gáá nwɔ́ hulɔnon naai ŋį́ gulɔ, bulu mɔ̨nɔ̨ mįi.

Ɉeremi 31:9

Di kaa pai ɲɛ̨iyá hu, diɛ kɛ mą: «Kookwəi!» Ɛlɛɛ, gáá pai tɔɔi di tɔwɔ, gɛ́ li a diɛ lɔiɠaa ya kaa di hu kɛnɛ̨. Diɛ tɛɛ a pələ hu pɔ̨nɔ̨ɔ̨, di hva kalin. Gáá kɛi a Israɛlə nąn, Ɛfraimə kaa a nón nu pɔlɔ laa mun.

Ɉeremi 50:4

Yai-Laa woo ka, yɛ diɛ: Voloi tii, nąąlɔwai kpɔ́ɔ́ kpɔɔ, Israɛlə nuą da Ɉuda nuą, di kaa pai a gee, di kaa pai, diɛ wɔlɔ, diɛ Yai-Laa kwɛli, yai a di wɔ Yálái.

Ɉeremi 6:26

Kaa ɓaa nwɔ́ nu huwui, ka mąąwɛli heeɓo! Ka too luwu hu ka kɔ́, yɛ nu non ɉulɔnu tɔ̨nɔ̨ gbən a haa. Ka ka woo laa a nwąnąą! A mąąwɛliɛ, mąąhɔlɔɓo, gɛɛ kala nuą tii, di kaa pai woloi lɔ kaa tanwɔn kpúlu, ka tɛɠii pələ.

Izikiɛ 20:43

Ka pa kɛi laa, ka káá pai ka kiliŋąhiɛi ka túwɔ pələ ɓa; da mɛ̨nįɠaai kpɔ ka gɛ, kaa ka mąąliɓi la; yili kaa pai kɛi ɓaɠi lii tɛi a kaa; dúwɔ pələ ɲɔ̨nŋaai kpɔ ka di kulɔ, di mąą mɛ̨nį ɓa.

Izikiɛ 37:14

Ɓɛlɔwai gáá pai nwɔ́ Nɔ̨ɔ̨ tooi la ka hu, ka kɛ a ka hvulú, ɛlɛɛ, gɛ́ ka hee ka wɔ lɔi hu, ka gbaɠala kaa, nąąlɔwai, kaa diɛ, ɲą́ą́ ɓə gáá a Yai-Laa, ŋą́ mɛ̨nį ɓo, ŋą́ bɔ mɛ̨nį kɛ. Yai-Laa woo li.»

Izikiɛ 39:29

Vá kɛa ɲɛ̨́i loo diɛ, hvo gaai gáá pai mɛ̨nį kɔlɔn gili yɛɛi Israɛlə nwɔ pɛlɛ́i mɛ̨́i. Mɛ̨nį kəlee ŋą Hééɓomun Yálá woo li.»

Amɔsə 8:10

Ŋą́ ka wɔ hɛliɠaai kəlee mąą pənə a mąąwɛli hee ɓoɔ Ŋą́ ka wɔ wələɠaai mąąhvalin a wɔlɔ woo. Nu kəlee da mąąwɛli həɠə too di kwąną yɛ da haa too nu ɓa. Nu kəlee da di nwun gbəlaan mo, yɛ nu lon gɔw tɔ̨nɔ̨ a haa. Mɛ̨nįɠaa tii kəlee ŋąą a kpɛɛ a nwanąą.

Zakari 13:9

Gáá pai ɉaaɓanąą tii tɛɛ nwɔ̨n ɉu, ŋį́ ɉu waa, yɛ bələi da wali hu waa la, ŋį́ ɉu həɠeen, yɛ bələi da hɛni hu həɠeen na. Gaa pai kɛi vɛ́lii, ɛlɛɛ, ɲą́ą́n, gɛ́ nwoo mu hon. Gáá pai kɛi diɛ: «Nwɔ́ nu huwu li.» Yaan gaa pai kɛi diɛ: «Nwɔ́ Yálá ɓaa a Yai-Laa.»

Lonon mo 21:9

Moisə ə kaalə mąą nįnįn ɉəɠə a ɓala kwɛli, ə ɉɛlɛn wulu gbiɛ da ɓa. Gaaləi tii ta a nu ɲin nɔ kɛ, mąą nu a ɲɛ̨i hee gwɛli kaaləi tii ɓa, ə ɓalo.

Maafîu 24:30

A kɛ tii, Nu Lon pa mɛ̨nį kɔ́lɔn ɉɛnŋąa da laa yələ kwəi. Lɔi mɛ̨i nuą kəlee da di woo laa. Ɛlɛɛ, diɛ Nu Lon kaa heeni tulɔ kpinįn ɉu, yɛ pa huwalawala kɛnɛ̨ da mąąwiɛ hu.

Maafîu 26:75

Piɛrə ə giliŋąhiɛ, nąąlɔwai mɛ̨nįi tii Jesus ə mo mą, nąą kili ə too ŋą. Yai tii Jesus ə kɛ mą: «Gɛɛ tɛ́ɛ́ hvo nwoo pili, ə́ kaa pai lənəi mą́ą́ gee mɛ̨i haaɓa, yɛ́ kɛ diɛ hvó gɔ́lɔn.» Piɛrə ə həɠə laa gwəli, ə li dɔ̨nɔ̨ kɛɛnąą, ə wɔlɔ kpɔ a nąą mąąwɛliɛ.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Gɛlaɠaa 10:45

Laa na nuąi kɛ a Ɉuifəɠaa, diɛi lɛɛ Piɛrə pɔ diɛ pai, di kwəi ə pili diɛ, mąąhɔlɔɓo, Kili-Mąąhəɠɛɛ yəi mɛ̨inɛ̨ɛ̨ aa kɛ tɛɛ, ə mą kɛ, huwu takpɛliɠaa pɔ.

Gɛlaɠaa 11:15

Ɓɛlɔwai ŋį́ gɔwɔ tɔɔ la gɛ́ pələ ɓo diɛ, Kili-Mąąhəɠɛɛ ə yɛɛ di mɛ̨i, yɛ bələi ə yɛɛ la gu mɛ̨i a gɔ́wɔ tɔɔ yələ.

Gɛlaɠaa 2:17

«‹Yálá ə mo yɛ diɛ: Yɛnɛ̨ɛ̨ ɲąą kpɛɛi lɔwai aa kɛi həli, gáá pai nwɔ́ Kilii tɛɛi nu kəlee pɔ, ka lon ɉinąą da ka lon nɛ̨ąą da Yálá nwɔ wɛlɛɛ laa həli, ka wɔ hilɛlɛai diɛ mɛ̨nįɠaa kaa, ɉulɔgoloɠaa diɛ hįi kaa.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Lomaŋ 8:15

Mąąhɔlɔɓo, Gilii ŋɛ̨i ka ɉɔlɔɓo, hvo a luwɔ kili, yɛ pənə yɛ ɲɔw lɔ ka hu, káá nwɔ̨nɔ̨ kɛ la a ɲɔw nuą. Kɛlaa, Gilii ŋɛ̨i Yálá ə dɛɛ ka pɔ ka kɛ a nwɔ ɲąąkɔn nonnii, yaa ɉáálai ɓə gwa tomąi la, guɔ kɛ mą: Aba, mukulaa ɓaa: Nąn!

Lomaŋ 8:26

Bələi tii ɓə, Kili-Mąąhəɠɛɛ a kpɔnmąą tɛɛ la gu wɔ hvįikpɛɛlaa pɔ. Mąąhɔlɔɓo, gu hva Yálá hvɛli yɛ bələi mąąnɛ̨ɛ̨ la. Kɛlaa, Gilii yaa kpįnįi ɓə a kɛ wɔlɔi, yɛ ɲįŋɛ̨ gu mąą mɛ̨nį ɓa, a wooɠaai gu hva pɛli moi.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Zûu 1:20

Kɛlaa, nwɛ́likɛmąą nuą ka wɛi, laa na laa mąąhəɠɛɛ ŋɛ̨i gaa ka yɛi, ka tɔɔ mɛ̨i kpąą. Kaa Yálá hvɛli Kili-Mąąhəɠɛɛ hu.

M̀ɛni-lɛɛi 1:7

'Ká ká ɲɛ̨i hee, ya ka tii pai tulɔ-kpinįn ɉu! Ɛlɛɛ, ɲɛ̨i kɔw kəlee kaa pai gaai, ɛlɛɛ, ə mą kɛ, nuąi ɉɔɔ a kpala. Huwu kəlee kaa pai ɉaa wɔlɔ ɓoi. A tɛ̨ą gaa tii! Amįįną!

Samuɛlə dɔlɔɔ 7:2

Ə həɠə ɲələi di gəhi hee la Kiriatə-Yearimə, ɉu ə kwɛa kpɔ a kwɛlan bow hveelɛ, Israɛlə nuą di di wɔ kiliŋąhiɛ tinɛ̨n Yai-Laa pɔ pələ.