Zakari 10:4 - Yálá laawoo hɛɓɛ (dc)

⁴ Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Yálá laawoo hɛɓɛ

⁴ Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Bible

⁴ Bɛ́rɛi zônoŋ-su-kɔni a pâi kulâi dísama, kêre-pîlaŋ-wuru da kɔ́kɔ́-keraŋ, núu-mɛi-ƃela kélee da pâi kulâi dísama.

Zakari 10:4 ပူးပေါင်းရင်းမြစ်များ

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Ɛsdrasə 9:8

Kɛlaa, yiihu, ɉu hvo nii kwɛa li, Yai-Laa kuɔ Yálá aa ku kpəli lɛɛ a vúlu, aa ku heei tɛɛ ku pɔ nwɔ kɛɛnąą maahɛɠɛɛ ɓa. Ku wɔ Yálá, yaa ku ɲɛ̨i pɔ̨nɔ̨, yaa hvaŋą wolo tɛɛ ku pɔ, ku wɔ luwɔlaa hu.

Mąątɛ̨nɛ̨ 118:22

Gwɛnii bɛlɛ́ tɔɔ nuą di lənə mą, ya ɓə kɛ a bɛlɛ́ nwun ɉon gwɛni.

Azaya 19:13

Tanisə ɲąąwooɓo nuą kili kpɛɛi kpɔ di yəi tɛ̨ɛ̨ tɛ̨ɛ̨, Mɛmfisə ɲąąwooɓo nuą diɛ di kpɔwɔ ɓowo, di kaa pai gɛi Eziptə yɛ tɔɔ lɔ takpa takpa, diɛi tii a nɔi lonnii mąą mɛ̨nį nwun ɉon gwɛni.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 49:2

Ə nwóó kɛ ná yɛ ɓɔwa kwɛaa ɲąą kuláa, ə mą́ą́ kpɛ ɲee nįnįn mu. Ə gɛ́ a tɔ́nwą ɲąąkulaa, ə nów nwɔ tɔ́nwą taai hu.

Azaya 54:16

Ə́ kili ə kɛ ɉu yɛ́, ɲą́ą́ ɓə yɛlɛ kɛ mun gulɔ, yai tii a kɛ hulɔ nwɔ̨n ɉeei, ɛlɛɛ, yɛ kwɛli hɛn bɛli, gɛ kóló ə ɓo mą; ɲą́ą́ lɔ ɓə nwɔ̨nɔ̨ ŋį́ kɛɛ kalamun gulɔ, kɛɛ kala mɛ̨nį pɛ̨ɛ̨ nwuɔ̨.

Ɉeremi 1:18

Nwɛ́i, gáá ə́ kɛi háákələi a taa walawala, a kwɛli hɔlɔɔn, ŋį́ ə́ kɛ a hįį yii dɔɔ a ɓala kwɛli, yɛ́ tɔɔ la nɔi nuą kəlee la, Ɉuda tɔɔɓɛlaa, da nwɔ ɲɛ̨itɔwɔ nuą, da nwɔ haláá laa həli nuą kəlee, da ɉu lonnii kəlee.

Ɉeremi 51:20

Ə́ kɛ ɲə́i a yənə, a kɔ́ kɔ́ kwɛli hɛn, ŋį́ lɔiɠaa hu ɓuwɔ a yɛ́, ŋį́ lɔiɠaa huwolo a yɛ́;

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Zakari 9:8

Gáá pai kɛi tɔɔni nwɔ́ pɛlɛ́i kwɛlɛ, gɛ́ mąąkpɛ, nuąi da tɛ diɛ yɛɛ, di tɔwɔ, tɔɔmun da hva kɛa hee mɛ̨i lɔ tii, mąąhɔlɔɓo, ɲą́ą́ gbínįi ɓə pai kɛi ɲɛ̨́i kɛi mą.

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Maafîu 9:38

Yili ɓa, ka díi nąmu hvɛli, ə gɛ, ə mɔ̨nun dee nuą tamąą tɛɛ di nwɔ mɔ̨nun tee.»

Lukə 20:17

Kɛlaa, Jesus ə ɲɛ̨i hee diɛ yɛ diɛ: «Nwoo ŋɛ̨i Yálá laawoo hɛɓɛ́ ə mo mukulaa ɓaa lə? Yai ə kɛ mą: «‹Gwɛnii pɛlɛ́ tɔɔ nuą di lənə mą, yaamun mə a bɛlɛ kɔ́wɔ hvilɛn gwɛni leelee.›

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Timote veelɛ 2:4

Nui da ɉon a holahi, hva bulu pələ mɛ̨nį niihɛlɛn ɉee, a kɛ, gaa bɔ, nui ɉon a holahi ə niihon.

Piɛrə dɔlɔɔ 2:6

Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

M̀ɛni-lɛɛi 17:14

Di kaa pai kɔ́ pɛlɛi Mɛlaa Lon ma, ɛlɛɛ, Mɛlaa Lon ɲee kaa pai tɛɛi diɛ, mąąhɔlɔɓo, ya ɓə gaa a nąmuɠaa kəlee di Nąmu, hééɓoɠaa di wɔ Hééɓomun, ɛlɛɛ, yaa, da nuą ə di təli, ə di həɠə ɉu, ɛlɛɛ, tələnmo nuą, da diɛni di yee kaa pai tɛɛi mą.»

Samuɛlə dɔlɔɔ 14:38

Saulə yɛ nɔi ɲɛ̨itɔwɔ nuą diɛ: «Ka kəlee ka lɛɠɛ ɓɛ! Ka mɛ̨nįi ŋɛ̨i hukpɛ a nɛlɛɛ, nɛ̨ŋɛ̨n nəi ɓə kələi daa ɉəɠə?