Zakari 10:3 - Yálá laawoo hɛɓɛ (dc)

³ Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Yálá laawoo hɛɓɛ

³ Mɛlaa pulu nuą ɓə, ŋį́ nííholi di pɔ, molu hilɛɠaa ɓə gáá pai heei di hu. Mąąhɔlɔɓo, Yai-Laa Mɛ̨nį Kəlee ŋą Hééɓomun, kaa pai nwɔ taatɛlɛɛ kpului mɛ̨i kaai, yai a Ɉuda nwɔ pɛlɛ́i. Gaa pai gɛi a nwɔ kɔ́nwɔ̨-hvoo, gɔ́ mɛ̨i.

Bible

³ Yâwɛɛ è mò ǹyɛɛi, “Ńii ŋwânai m̀ála-mɛi-káa-ƃelai dîa, ǹyaŋ ŋá pâi tɔ̂ŋ kpɛ̂i ǹúu-ŋuŋ-tuɛ-ƃelai dîa kpɛ́ni fêi, Ńyãai a Ŋ̀wála-wâla kélee Yâwɛɛi, ŋ́gbaaŋɔ̂ɔi ŋáƃala-ŋai mɛni ma Zuda lɔii su, ǹyaŋ ŋa pâi díkɛ̂i yɛ̂ɛ ŋákɔkɔ-sôo-ŋa.

Zakari 10:3 ပူးပေါင်းရင်းမြစ်များ

Zôo 39:25

A kɔ́ tulu woo mɛ̨n, yɛ tomą dulu woo tɛi tɛi kəlee ɓa. Yɛ kɔ́ kun mɛ̨n kwɛa la, yɛ kulaaɠaa tomą woo mɛ̨n, da kɔ́ mɛ̨i woo.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Hanwon 21:31

Nu ya pɛli ə́ ə́ hąą yili kpąąn yɛ́ li kɔ́ ɓa, Kɛlaa, Yai-Laa ɓə yee tɛɛ mąą kaa ɲəi.

Wɛli 1:9

Nwɛ́likɛmąą nɛ̨ɛ̨nu guɔ ŋą́ ə́ kaa, yá kpɔn ɉu kulɔ, yɛ Eziptə tɔɔmun nwɔ wotolo yala hooi.

Azaya 10:12

Kɛlaa, ɲələi Yai-Laa kaa pai ɲee laa kulɔi la nwɔ koloi kəlee ɓa Siɔn yee nwuɔ̨ da Ɉerusalɛmə daai, gaa pai kɛi diɛ: «Gáá kɛa nwɔ́ nąą kɛi Asiri tɔɔmun ŋą kpɔwɔ ɲąą kɛnɛ̨ mɛ̨nįi ŋɛ̨i hu, da ŋą tɛɠɛɓoɉulaa.

Azaya 24:21

Mąą yələi tii, Yai-Laa kaa pai nwoo tooi ɉu, yɛ tɔɔ yələkwəi kɔlaɠaɠaa la yələ, ɛlɛɛ, lɔi mɛ̨i pələ, yɛ tɔɔ lɔi mɛ̨i tɔɔɓɛlaa la.

Ɉeremi 10:21

Daatɛlɛɛ mɛ̨i kaa nuą daa gɛ a kilikpɛɛgwəi laa Di hvo Yai-Laa ɲɛ̨ilaa kwɛli li, yili mąą mɛ̨nį ɓa di yee hvo lɔ li, ə lɛɛ daatɛlɛɛ kəlee daa taɠa.

Ɉeremi 11:22

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: Gáá pai həli diɛ, di wɔɔ hilɛlɛa diɛ lɛɛ kɔ́ hu, di lonnii hinąą ə mą kɛ, nɛ̨ąą, diɛ haa a pulu.

Ɉeremi 25:12

«Gwɛlan bow mɛ̨ihveelɛi tii a tɛɛ, ŋį́ hee Babilonə tɔɔmun ɉu, di wɔ túwɔ́ pələ ɲɔ̨n mąą mɛ̨nį ɓa. Ŋą́ hee Kalde lɔi hu. Ɲą́ą́ Yai-Laa nwóó li! Ŋą́ nąą mąą pənə a lɔi pun a yələ kəlee.

Ɉeremi 25:34

Taatɛlɛɛ mɛ̨i kaa nuą! Ka gboo təli! Ka nu kwɛli kaa! Taatɛlɛɛ tɔɔ nuą, ka too nɔi ɓa, ka kiliɠilin; ka nwun deei lɔwai aa həli, di kaa pai ka ɲąąkwɛlɛi, kaa too yɛ haláá kulɔ ɓɛlaa hilɛɠaa.

Ɉeremi 50:6

Nwɔ́ nuąi di kɛ kɛa yɛ, ɓɛlaaɠaai daa lan, di laa hɔn mo nuą daa kɛ di həɠə bələ mɛ̨i, diɛ li a diɛ di nwun ma, yeeɠaa ɓa, da həɠə yee yii mɛ̨i, də li yee kpukpu yii mɛ̨i, di pɛlɛ kili hvo kɛa di ŋą gála hu.

Izikiɛ 34:11

«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.

Izikiɛ 34:12

Bələi lɔ taatɛlɛɛ mɛ̨i kaamun a taatɛlɛɛɠaa mąą mɛ̨nį ɲɛ̨i kulɔ la, bələi a kɛ la taatɛlɛɛ kpului daa ɉu taɠa, di lɔwai, bələ lɔ ɓə gáá pai nwɔ́ taatɛlɛɛ kpului mąą mɛ̨nį ɲɛ̨i kulɔi la, gɛɛnąąɠaai kpɔ di di hu taɠa taɠa laa a kwɛlɛ yələ, gáá pai di kulɔi naa kəlee.

Izikiɛ 34:2

«Hulɔnu lon, Israɛlə ɲɛ̨itɔwɔ nuą hvala, náá hu; nwooi ŋɛ̨i ɓo diɛ a di hvala woo, kɛ diɛ; Mɛ̨nį kəlee ŋą Hééɓomun Yálá woo ka, yɛ: Kpalo ɓɛlaai Israɛlə ɲɛ̨itɔwɔ nuą diɛ, diɛi tii di kpɔwɔ lɔ ɓə da ɲąąkɔn. Kɛlɛi taatɛlɛɛ kpulu ɓə mąąnɛ̨ɛ̨ daatɛlɛɛ mɛ̨i kaa nuą di ɲąąkɔn gɛi-ee?

Danîa 11:32

Tɔɔmun gbinį nwɔ hu ɲąŋą kɛnɛ̨ laa mąą mɛ̨nį ɓa, gaa pai kɛi nuą diɛ, ka lənə Yálá nwɔ mįnɛ̨ həɠɛɛ ɓa. Kɛlaa, yiiɠaai da lɛɛ Yálá ɓa a woo tɔ̨nɔ̨ nąmįnąa, da tɔɔ kpaan di túwɔ́ pələ hu.

Sofoni 1:8

Yaan, ɉaláá kulɔ yələ, gáá pai ɲéé pɛlɛi nɔi nwun nąmįną diɛ, da dɔɔɓɛlaa lonnii, da nuąi nwɛ̨ą mąą yili wɛli kaa diɛ.

Sofoni 2:7

Nuąi pai lɛɛi Ɉuda nwɔ pɛlɛ́i mu, nɔi tii kaa lɛɛi a di wɔɔ, nąą ɓə di kaa pai kɛi lii laa a di wɔɔ taatɛlɛɛɠaai, diɛ di laa mį́i. Yələwulii pɔ, Askelɔn nwɔ pɛlɛ́ɠaai ɓə da di hvįįtɔɔ mu. Hvó gaai, Yai-Laa Ɉuda nwɔ Yálái, gaa pai ɲee pɛlɛi nɔi tii ɓa, di mąą mɛ̨nį ɓa, Ɉuda lɔi hu nuąi luwɔ pələi, ə pa a diɛ.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Lukə 1:68

«Mąąwiɛ kaa Ną́mu Yálá ɓa, yii gaa a Israɛlə nwɔ Yálá; Mąąhɔlɔɓo, aa ɲɛ̨i lɛlɛɛ hee nwɔ nu huwui ɓa, aa nwun mąąɓo.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Rutə 1:6

Nąąlɔwai, Naomi da non nɛ̨ąni hveelɛi tii di həɠə Moabə lɔi hu diɛ li, mąąhɔlɔɓo, Naomi ə lɛɛ Moabə lɔi hu ə mɛ̨n diɛ mą: Yai-Laa aa ɲɛ̨i lɛlɛɛ hee nwɔ lɔi nuą diɛ, aa kɔ̨nɔ̨n dɛɛ di pɔ.