Zakari 10:2 - Yálá laawoo hɛɓɛ (dc)

² Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Yálá laawoo hɛɓɛ

² Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Bible

² Tɛli kpɛ́-ƃela da ƃoo lôno kɛ̀, ǹyaŋ mɛni ƃóɔɔ nàa-tuɛ-ƃelai díkɛ lɛ́ɛ kɛ̀. Zee-wôo ƃó-ƃelai díkɛ lɛ́ɛ see-woo ƃò, díkɛ núu ŋánɛnɛ-woo ƃò kpɛ́ni-kpɛni. M̀ɛni ma ǹûai da pù lɔ̂ɔi yɛ̂ɛ ƃála-ŋa dímaa tée-têeɛ, kpɛ́ni fêi, dímɛi-káa-nuu fé ma.

Zakari 10:2 ပူးပေါင်းရင်းမြစ်များ

Zɛnɛse 31:19

Laban ə həɠə yɛ li nwɔ ɓɛlaaɠaai ləɠa mɛ̨i teei. Nąąlɔwai Rasɛlə ə nąn ɲəi bɛlɛ́n ɉalə ta həɠə bulu.

Tɔɔɓɛlaa dɔlɔɔ 22:17

Nąąlɔwai, Mise ə mo kɛa, yɛ diɛ: «Ŋą́ Israɛlə nuą kaa, di taɠa taɠa ɲeeɠaa ɓa, yɛ ɓɛlaaɠaai di mɛ̨imun və mą. Yai-Laa yɛ diɛ: ‹Di nąmu hvo kɛa diɛ, di pənə kani di li nu kəlee ə hee ɲəi bɛlɛ́ laaləi.›»

Zôo 13:4

Ka wɛi, ka káá lɔ a lɛɛ kpɛtɛ nuą, ka káá lɔ a yɔwɔtɔlɔɔ gbɛliɠaa.

Zôo 21:34

Ka wɔ nu liilaa wooi kpɔ ɓaa lə? Ka wɔ woo ɲąąpənə ə ɓo lɔ a lɛɛ woo.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Azaya 44:25

Ɲą́ą́ ɓə ŋą́ kwɛlɛɛn gɛɛ kaa nuą woo lɛɛ a kpɛli, gɛ́ tɔlukpɛ nuą nwun ɉu kɛ wulu-wulu, gɛ́ kilimąą nuą kili laa pɛlɛ pulu pələ, gɛ́ di wɔ kili kɛ ɲəi mɛ̨nįɠaa hu kpinį.

Azaya 44:9

Hali pɛli nuą kəlee kaa lɔ a nu kpɛli kpɛliɠaa, ɉaliɠaai tii a di lííɓa hɛn, di tɔlɔ lɔpee hvo diɛ, ɉɛn di kilitɔɔ mą, hva mɛ̨nį kpaɠala kaa, yili mąą mɛ̨nį ɓa, nwumɛ̨ kaa pai tɛi diɛ.

Azaya 46:5

Gbɛɛ ɓə ka pɛli gɔɔn ɉi mą́ą́? Kwa yaa ku kulaa a ku kee? Gbɛɛ ɓə ka kɛ kɛi, gúlɔ mąą li, kwa yaa ku ɓo tanɔ̨n?

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Ɉeremi 14:13

Ya ɓə ŋį́ kɛ diɛ: «Kwə́! Ną́mu, Yai-Laa, kɛlɛi Yálá kwəi mɛ̨nį hukulɔ nuą da kɛ kɛi diɛ: ‹Ka hvo pai kɔ́ kaai, pulu hvo pai tooi kaa, gáá pai nwun na nɛ̨ɛ̨ yɛnɛ̨ɛ̨ tɛɛi ka pɔ, liilaa hu.›»

Ɉeremi 14:22

Haliɠaai di kaa lɔiɠaa hu, da kaa mɔ̨ɔ̨ laa yɛ pɛli tulɔ pui? Akɛti, yələkɔlɔn ɓə mɔ̨ɔ̨ a tulɔ pu? Kɛlɛi, Yai-Laa, yɛ́i a kuɔ Yálá yɛ́ ɓə-e! Yɛ́ ɓə kwa ə́ mąąkpɔn, Yɛ́ ɓə ya tulɔ pu.

Ɉeremi 23:17

Nuąi da Yai-Laa woo ɓɛlɛkpɛɛmą, diɛ kɛ yiliɠaa diɛ: ‹Ka wɛi hu kaa pai nɛɛi.› Nuąi di yee kaa di túwɔ́ pələ ɲɔ̨n ɉu, diɛ kɛ yiliɠaa diɛ: ‹mɛ̨ni ta hva həli kaa.›

Ɉeremi 23:32

Yai-Laa yɛ diɛ, «Gáá hvaa pɛlɛi Yálá kwəi mɛ̨nį hukulɔ nuą tii, da kɛ nɛɛ hįįɠaai kaai, diɛ lia ɉukulɔ, diɛ nuą nwun ɉu lan a di wɔ lɛɛ mɛ̨nįɠaai tii, da ɉanwon nwoo kpɛli-kpɛliɠaai tii. Ɲą́ą́ hvə di tɔɔ li la. Və́ mɛ̨nį ta ɓo li diɛ, di tɔlɔ lɔpee hvo diɛ nu ta ɲɛ̨i ɓa.» Yai-Laa woo li.

Ɉeremi 27:10

Lɛɛ ka tii di kaa gɛi káá; Di káá ka mąą kwɛai ka wɔ lɔi ɓa. Gáá pai ka taɠa taɠai, káá haa.

Ɉeremi 27:14

'Ká hvo ka wəli tɔɔ ka wɔ Yálá kwəi mɛ̨nį hukulɔ nuą tii woo ɓa: diɛi di kaa kɛi káá: 'Ká hvo pai kɛi Babilonə tɔɔmun yee mu. Lɛɛ woo ka tii di kaa moi kaa a náá.

Ɉeremi 27:9

«A kɛ tii, ka hvo ka wəli tɔɔ ka wɔ mɛ̨nį ɓoɔ gɛɛ tɔwɔ nuą woo ɓa, da ka wɔ tɔli kpɛ nuą, da ka wɔ hįi woo hukulɔ nuą da ka wɔ ɲɛ̨ąkpɛ nuą, da gwɛlɛɛn gɛ nuą diɛ, diɛi tii kɛi kaa: 'Ká hvo pai lɛɛi Babilonə tɔɔmun yee mu.

Ɉeremi 28:15

Nąąlɔwai, Yálá kwəi mɛ̨nį hukulɔ mun Ɉeremi yɛ Yálá kwəi mɛ̨nį hukulɔ mun Hanania ɓa: «Ə́ wəli tɔɔ Hanania, Yai-Laa hvə ə́ tɔɔ li, yɛ́ ɓə gɛi, nuą ŋɛ̨i diɛ di kpɔɔ ŋąąkolon a lɛɛ mɛ̨nįɠaa.

Ɉeremi 29:8

«Mąąhɔlɔɓo, Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Ká hvo nɛɛ laa, nuąi di kaa ka lɔwai, diɛ kɛ di kaa Yálá kwəi mɛ̨nį hukulɔi, da dɔlukpɛ nuą di hvo ka ɓowo, ɛlɛɛ, ka hvo ka kilitɔɔ ka wɔ hįi wooɠaa diɛ.

Ɉeremi 37:19

Ɛlɛɛ, ka wɔ lɛɛ mɛ̨nį hukulɔ nuąi kɛi kɛ kaa: ‹Ə kɛ a káá-oo, ə kɛ a nɔi ŋɛ̨i-yoo, Babilonə hvo pai kɔ́ pɛlɛi káá› di kaa mį?

Ɉeremi 50:17

Israɛlə ə kɛ a ɓɛlaa haa lɛɛ gbɔwɔ ɓa, yalaɠaa hvilɛn ŋąą kɛ bulu, diɛ gbɛ. Asiri tɔɔmun aa gbɛa kɛ naa pɛlɛ mą, yili pulu, Babilonə tɔɔmun Nabukodonosorə ə gbəli mį́i kpɔ, ə ɉəli gɔw ɓa.

Ɉeremi 51:23

Taatɛlɛɛ da di mɛ̨i kaa nuą ɓuwɔ a yɛ́. Ŋą́ tíi kɛ nuą da di wɔ kóló kɛ kwɛli hɛnŋaa ɓuwɔ a yɛ́. Ŋą́ lɔi ɲąą woo ɓo nuą da di ɲɛ̨itɔɔ nuą ɓuwɔ a yɛ́.

Ɉeremi 6:14

Di kaa nwɔ́ nuąi kili nwɔ pɛlɛ́i di wɔ mąąwɛli kɛnɛ̨i hu, diɛ kɛ diɛ: «Mɛ̨ni ta holi mɛ̨nį kəlee ɲąą nɛɛi,» ya pa, mɛ̨nį ta ɲąą hvo nɛɛ li.

Ɉeremi 8:11

Di kaa nwɔ́ nuą di wɔ mąąwɛli mɛ̨nį hali kɛi a hviikpɛɛ, diɛ kɛ diɛ: «Ka ka liilaa! Ka ka lilaa.»

Woolaa 2:14

Yálá kwəi mɛ̨ni ɓo nuąi di kaa ə́ yəi, ɓowo hįi ɓə di gaa ə́ mąą mɛ̨ni ɓa, yɛ ɓo a kpɛli-kpɛli mɛ̨ni. Di hvo kɛ ə́ hɔn nɛ li yɛ́, yii kɛ a pɛli nuwɔlaa ŋɛ̨i hvolói yɛ́. Nwɛlɛɛi di kɛi mo yɛ́, ə kɛ a lɛɛ woo da nu ɓowo woo

Izikiɛ 21:21

Ɓa-mįi-yee hu pələ, kɛɓɛyee hu pələ, ɓɛi lɔ pəə ya ə́ ɲɛ̨́i tinɛ̨n naa nąą ə lɛɛ a ɓɔwa kwɛaa laa lowo.

Izikiɛ 21:29

Yili ɓə gɛ Yai-Laa yɛ kɛ diɛ: ka wɔ nąŋąŋąąi kili tooi ka mo ka ɲą, a ɓɛlɔwai ka wɔ kulɔ nwoo mu laa ə too la pɔ̨nɔ̨ ɲą, nuą diɛ ka wɔ nɛ̨ŋɛ̨nŋąą kaa, ka kɛ mɛ̨nįɠaa kəlee hu, ɛlɛɛ nuą ɲɛ̨́i tinɛ̨n ka mo ka pɔ pələ, yili mąą mɛ̨nį ɓa, di kaa pai ka hon ɉii gɔ́ hu lɔ poto poto.

Izikiɛ 34:5

Daatɛlɛɛɠaa daa taɠa taɠa, mąąhɔlɔɓo di laa hɔn mo mun və kɛli mą; ɛlɛɛ, daa lɛɛ a lɔwɔ huwɔɠaa kɔ̨nɔ̨n. Di hu aa taɠa taɠa.

Izikiɛ 34:8

Yii kpɔ gáá a vúlu, Mɛ̨nį kəlee ŋą Hééɓomun Yálá woo li; yii daa too nwɔ́ taatɛlɛɛ kpului hu, yii daa lɛɛ a lɔwɔ huwɔɠaa kɔ̨nɔ̨n, mąąhɔlɔɓo di laahɔn mo mun və kɛli mą, yii nwɔ́ taatɛlɛɛ pulu nuąi di hvo li li nwɔ́ taatɛlɛɛ kpului pulu diɛ gwɛli, kɛlaa daatɛlɛɛ pulu nuą diɛ di kpɔwɔ ɲąąkɔn, ɛlɛɛ, di hvo daatɛlɛɛ kpulu ɲąąkɔn ɉii;

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Mise 2:12

Gáá pai Ɉakɔbə nwɔ pɛ́lɛ́i kəlee pɛlɛi gee ɓa, gáá pai Israɛlə nu kpəli ɲąąkpɔn ɉii, gáá pai di pui di kee ɓa yɛ Bɔsra ɓɛlaa haaɠaa, yɛ taatɛlɛɛ kpulu a kɛ kala tiliin mɛ̨i, ɛlɛɛ, nu woo kaa pai kɛi tɔɔi di lɔwai.

Habakukə 2:18

Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Zakari 11:17

Kpalo ɓɛlaai taatɛlɛɛ pulumun ɲɔ̨nwɔ̨ɔ̨ ɓa, yai a daatɛlɛɛ kpulu lɛɛ gbɔwɔ ɓa! Mąąnɛ̨ɛ̨ ɓɔwa kwɛaa ə ɲee kɔ́nwɔ̨n ɉu hvala hvala, ə mamįiyee ɲɛ̨i kɔ́w wolo! Ɲee ə kpala mą, ə kpala mą kpɔ a neelee! Mamįiyee ɲɛ̨i kɔ́w ə pɛlɛ mą, ə pɛlɛ mą kpɔ a neelee!

Lonon mo 27:17

Mąą nu yɛ li, yɛ pa, yɛ ɓo nuą ɲɛ̨i tɔwɔ, yɛ di lɔ, yɛ di kulɔ; ə gɛ, Yai-Laa nwɔ nu kpului hvo pa lɛɛ lɔ yɛ taatɛlɛɛi mɛ̨i kaa mun və mą.»

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Markə 6:34

Ɓɛlɔwai Jesus ə kulɔ la gələn ɉu, ə nu kpulu kɛnɛ̨i tii kaa, di ɲɛ̨imąąwɛli ə ɉon. Mąąhɔlɔɓo, di kɛ pələ ə kɛɛ yɛ ɓɛlaa kpulu yii mɛ̨i kaa mun və mą. Ə di kalan a mɛ̨nį tamąą.

Dutɛrɔnome 13:2

Akɛ nu ta a muhəɠə ka lɔwai yɛ kɛ diɛ Yálá kwəi mɛ̨nį hukulɔ mun ni, awala kɛ tii hįį kaamun; ə mą kɛ mɛ̨nį ɲɛ̨i kɛnɛ̨ ta ɓə, awala kɛ tii kpalo mɛ̨nį, ə nɛɛ kwɛala yɛ ɉukulɔ;

Nwun mąąɓo 18:14

Nu lɔɔli ŋɛ̨i pa, Laisə mąąkpɛɛi, di mo di ɓɛlaa diɛ, diɛ diɛ: «Ka kili kaa ɉu kaa: bɛlɛ́ɠaai ŋɛ̨i ta mu, haláá kulɔi kaa laa da mąąnįnįn ɉaɠaɠaa, da mąąnįnįn ɉaɠaa takpɛli, a wali kwɛli? Ə həli kaa, ka káá gɛi ləi?»