Zakari 1:4 - Yálá laawoo hɛɓɛ (dc)

⁴ 'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Yálá laawoo hɛɓɛ

⁴ 'Ka hvo hvilɛn ka nąnni pulu, diɛi tii wɔlɔ Yálá kwəi mɛ̨nį hukulɔ nuą di kɛli kɛ diɛ: ‹Yai-Laa Mɛ̨nį Kəlee ŋą Hééɓomun woo ka: 'Ka pənə wɛ ka pa, 'ka həɠə ka wɔ pələ ɲɔ̨nwɔ̨ɔ̨ɠaai mɛ̨i, da ka wɔ túwɔ́ pələ ɲɔ̨nŋaai pulu.› Kɛlaa, di hvo kɛi mąn, di hvo mą kɛi di ɲɛ̨i hee bɔ́ pələ Yai-Laa woo li.

Bible

⁴ Káfe kɛ̀ yɛ̂ɛ kánuu-pɔ̂lɔ-ŋai. Tãi su kôya tɛ̀ɛ pôlu ma, ŋálono kɛ́-ƃelai dí ŋáworɛ̂-wooi ƃò dîa a gɛɛ dífe mɛni nyɔ́mɔɔ kɛ̀. Kɛ́lɛ dífe díwoli tɔɔ ní ḿâ kpaa máŋ dí ŋ́oo síɣe.

Zakari 1:4 ပူးပေါင်းရင်းမြစ်များ

Kɔlɔnikɔ Veerɛi 30:6

Gilɛhəɠə nuą di li a ɉɛɓɛ́i tɔɔmun ə bɛ̨ɛ̨ da nwɔ kalanɉonŋąą, di hiɛ la Israɛlə lɔi hu da Ɉuda lɔi hu nąą kəlee, di gɛ yɛ bələi tɔɔmun ə di tí la, diɛ kɛ mą: «Israɛlə lonnii, 'ka pənə ka pa Abrahamə, Isaakə da Israɛlə nwɔ Yálá Yai-Laa pɔ, yaa kpɛli a pənə ə pa ka pɔ, kaa ŋɛ̨i a nu kpəli woloi aa kulɔ Asiri tɔɔɓɛlaa yee wolo.

Kɔlɔnikɔ Veerɛi 30:7

'Ka gɛ yɛ ka nąnni da ka kaayɔwɔɠaa di woo kala di nąnni di wɔɔ Yálái Yai-Laa ɓa, yaan ə di lɛɛ laa diɛ di hukala; yɛ bələi gbaɠala kaa la kaa.

Kɔlɔnikɔ Veerɛi 34:21

«'Ka li ka Yai-Laa mąąni kɛ, ɲą́ą́ kwa Israɛlə nu kpəli, ə pɛlɛ la Ɉuda nuą mąą mɛ̨nį ɓa, yɛ hvilɛn na ɉɛɓɛ́i ŋɛ̨i di gaa ɉu wooɠaa mąą mɛ̨nį ɓa. Mąąhɔlɔɓo, Yai-Laa nwɔ liiholii hu kɛnɛ̨ɛ̨ ɓə, yaai yɛ ə pu ku mɛ̨i, hvo gaai, ku nąnni di hvo gɛ li di hvo Yai-Laa woo pɔ yii ɓo, yɛ bələi bɛ̨ɛ̨i la ɉɛɓɛ́i ŋɛ̨i hu.»

Ɛsdrasə 9:7

Ə həɠə ku nąnni di wɔ lɔwai ɓa, ə həli la háákələi ɓa, túwɔ́ pələ ɲɔ̨n kwaa gulɔ, aa kɛnɛ̨. Kuɔ, ku wɔ tɔɔɓɛlaa, da ku wɔ haláá laa həli nuą, ku kɛ nɛ̨ŋɛ̨nŋąą ɓə gɛ, kuɔ too yɛnɛ̨ɛ̨ tɔɔɓɛlaa yee ŋą, kuɔ kɛ a ɓɔwa kwɛaa kɔ̨nɔ̨n luwɔlaa hu, too mɛ̨i yee kɔ́nma, da nwumɛ̨, yɛ pələi gaa la háákələi.

Nehemi 9:16

«Kɛlaa, diɛ da ku nąnni, di gɛ a kpɔɔ ŋąą kɛnɛ̨, a nwun ɉuwalawala laa, di hvo di wəli tɔɔ ə́ wɔ tɔ́n nwooɠaa diɛ.

Nehemi 9:26

«Kɛlaa, di pɛlɛ yɛ́ a kɔ́, di di pulu tɔɔ yɛ́, di ə́ wɔ tɔ́n nwooi pili di pulu, pələ kwɛa la. Ə́ loloɓo nuąi kɛi di mąąnɛ̨ɛ̨, diɛ kɛ di pənə di pa ə́ pɔ, di yiliɠaai paa, ə lɛɛ, di di hɔn gɛ a yɛ́ mɛ̨nį kpɛa kpɛa hu.

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Mąątɛ̨nɛ̨ 78:8

Ə gɛ di hvo pa nəi kɛ yɛ di nąnni; a nu huwu mąąkwɛli laa walaai tii, a kulɔ nwoo mu nuą, a nu huwui gili mąąhvalin naa nɛ̨ɛ̨, a diɛi di hvo kɛi di kilitɔɔ Yálá ɓa.

Azaya 31:6

Israɛlə lonnii, nui kaa ka pulu tɔɔ mą a ɉu kwɛa, ka pənə ka pa bɔ.

Ɉeremi 18:11

'Li kɛa yiihu, yɛ́ Ɉuda da Ɉerusalɛmə nuą diɛ: «Yai-Laa yɛ: ‹Gáá mɛ̨nį ɲąąnwąnąą pɛlii, gɛ́ pa naai kaa, ŋą́ą́ kili tee gwə́i. Nu kəlee ə bulu tinɛ̨n nwɔ túwɔ́ pələ ɲɔ̨n ma.›»

Ɉeremi 23:22

Ə li kɛ di pa nwɔ́ nwun dɔɔi hu, də li kɛ gwə́i woo ɓoi nuą diɛ, diɛ yiliɠaa yee kulɔ di yii pələ ɲɔ̨nwɔ̨ɔ̨ hu, da di wɔ túwɔ́ pələi ɲɔ̨nŋąą.»

Ɉeremi 25:8

«Yii gaa tii, Mɛ̨nį Kəlee ŋą Hééɓomun Yai-Laa woo ka, yɛ diɛ: Yii kpɔ ka hvo nwóó mɛ̨n ni,

Ɉeremi 26:5

ká wala ká wəli tɔɔ nwɔ́ tínuą, da gwə́i mɛ̨nį hukulɔ nuą woo ɓa, diɛi ŋą́ kɛ di tɔɔ ká pɔɔli a yələ kəlee, ɛlɛɛ, yaan, ka hva kpɔ kɛ ka wəli tɔɔi diɛ.

Ɉeremi 3:12

Ɉeremi! Li kani, ə́ wooɠaa ŋɛ̨i ɓo a lolo ɲanwuɔ̨ pələ, yɛ diɛ: Yai-Laa woo ka! Yɛ: Israɛlə, pənə ə́ pa! Yɛ́i yáá nɛ́ɛ́! A tɛ̨ą, ŋį́ kulɔ nwóó ɓa; vá ə́ hɔn ɉee gwə́i! Ɲą́ą́ Yai-Laa nwóó li!

Ɉeremi 3:14

Yai-Laa woo ka, yɛ diɛ: Ka pənə ka pa bɔ́, ká kulɔ nwoo mu lɛapɛlɛɛ ŋɛ̨i; mąąhɔlɔɓo, ka nwun nąmu ɓaa ɲą́ą́. Gáá pai nu tɔ̨nɔ̨ həɠəi taa tɔ̨nɔ̨ hu, nu hvelɛ lɔi tɔ̨nɔ̨ hu, gɛ́ li a kaa Siɔn daai.

Ɉeremi 35:15

Yələ kəlee, gwə́i mɛ̨nį hukulɔ nuą ŋɛ̨i a nwɔ́ tínuą, ŋą́ kɛi di tɔɔ ka pɔɔli, diɛ kɛ káá: ‹Nu kəlee ə ɲee kulɔ túwɔ́ pələ ɲɔ̨n ɉu, 'ká túwɔ́ a nɛlɛɛ, 'ká hvo hvilɛn haliɠaa pulu, kaa di mąąwiɛ. Ka yili kɛ tii, nɔi ŋɛ̨i ŋą́ dɛɛ ka ká nąnni ka pɔ, ka lɛɛ heeni ɉu, ka nwɛli kulɔ.› Kɛlaa, ka hvo ka wəli tɔɔ li, ka hvo nwóó mɛ̨n.

Ɉeremi 4:1

Yai-Laa yɛ di: Israɛlə! Ya kɛ bɔ ə́ yali ə́ pului, ɲą́ą́ ɓə mąąnɛ̨ɛ̨ ə́ pa bɔ́. Akɛ, yá ə́ wɔ haliɠaai tii pili ɲɛ̨́i hvo kɛa tɔɔ mą́ą́, hvo kɛa pai həɠəi nííla a nwumɛ̨, yɛ́ ə́ loo mą́ą́.

Ɉeremi 44:16

«Bələi mąn ə́ kaa yili ɓoi la tii ku wɔ Yai-Laa laa hu, ku hvo ku wəli tɔɔi mą.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 20:18

«Ŋą́ mo di lonnii diɛ nɔi pun ɉu, gɛ́ diɛ: Ka hvo hvilɛn ka nąnni hiɛ pələ pulu, ka hvo di yii pələ pɔɔ kɔ́ɔn, ka hvo ka mąąliɓi a di wɔ haliɠaai.

Izikiɛ 33:11

Ɲą́ą́ Mɛ̨nį kəlee ŋą Hééɓomun Yálá gɛ́ diɛ; yii kpɔ gáá a vúlu, a kɛ tii, gwə́inɛ̨ɛ̨ mɛ̨nį ɓa mɔ̨ɔ̨ a nu ɲɔ̨nwɔ̨ɔ̨ haa mɛ̨nį? Kɛlɛi yii gáá bɔ, ya ɓaa, nu ɲɔ̨nwɔ̨ɔ̨ ə dúwɔ pələ mąąhvalin, ə lɛɛ yɛnɛ̨ɛ̨. Israɛlə nwɔ pɛlɛ́i, ka ka hɔn mąą pənə, ka mɔ̨ɔ̨ haa lə mɛ̨nį ɓa?

Izikiɛ 33:4

Nu ta a dúlú woo mɛ̨n a wala gilaa pɔ̨nɔ̨ mɛ̨nįi tii kaa a mɛ̨nį wala wala, gɔ́ a pa, mąą nu a lɛɛ ɉu, ɲąmą wulu a lɛɛ gbɔwɔ nwuɔ̨.

Danîa 9:6

Ə́ wɔ loloɓo nuąi ŋɛ̨i ə́ di tɔɔ, diɛ ə́ mąą mɛ̨nį laa həli kuɔ tɔɔɓɛlaa diɛ, da ku ɲɛ̨itɔwɔ nuą, ə mą kɛ ku kalaɓɔlɔni da ku huwuhu nuą kəlee, ku hvo kɛ ku wəli tɔɔ li noloɓo nuąi tii diɛ.

Osia 14:1

Mąąnɛ̨ɛ̨ Samari ə pa gwələ kulɔ, mąąhɔlɔɓo, aa nwun gulɔ nwɔ Yálái woo mu, di kaa pai tooi kɔ́ kɔ́ ɓɔwa ŋą; diɛ di lon dalaɠaa kiin, diɛ koo nɛ̨ąɠaa kwəi ɓɛla.

Amɔsə 5:24

Kɛlaa, yii gáá bɔ, ya ɓaa: Mɛ̨nį haŋąą ə kɛ ka lɔwai, yɛ pələi ya lee a kɛ tɛɛi la. Tələnmolaa yɛ hiɛ ka lɔwai, yɛ ya ton yii hva kpala.

Mise 2:6

Nu taɠaa da kɛ kɛi mą́ą́: 'Ə́ laapilɛ, nu hva hvaa tii! Mąą hvo nɛ̨ɛ̨li nu hvo kɛ diɛ: A tɛ̨ą, laanɔ̨nwɔ̨ hvo pai həɠəi ku pulu.

Zakari 1:3

'Kɛ́ diɛ: «Yai-Laa Mɛ̨nį Kəlee ŋą Hééɓomun, woo ka: 'Ká pənə ka pa bɔ́! Yai-Laa Mɛ̨nį Kəlee ŋą Hééɓomun woo li! Ɲą́ą́n, ŋą́ pənə ŋį́ pa ka pɔ, Yai-Laa Mɛ̨nį Kəlee ŋą Hééɓomun woo li.

Zakari 7:7

Mɛ̨nįi Yai-Laa ə kɛi bu gwəi mɛ̨nį hukulɔ nuąi wɔlɔ kɛ laa di la, diɛ mo, ya hvə tii? A ɓɛlɔwai Ɉerusalɛmə ə kɛ la liilaa yɛnɛ̨ɛ̨ hui, nwəli pulu laɠiɛ, mąą tinɛ̨n ŋąą a ɲee pɔ taaɠaa; nu kan ə ɓo Negɛvə da ɲee kpukpu lɔi hu.

Gɛlaɠaa 26:20

Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,